Apostelit Piniarningit 12
12
Herôdesib kappiasuktitsininganik okpertunik. Jakôbusib toᴋotauninganik. Pêtrusib parngnanairsortauninganik. Herôdesib toᴋunganik.
1Naliutome taipsomane ataniub Herôdesib ilagêktut ilangit tiguvait kappiasuktilerdlugit.
2Jakôbusele, Johannesib angajua, toᴋopâ saviksoarmut.
3Tukisigamelo, tamanna Jûdinut idluarijaungmat, soraingilak, Pêtruselotauk tigugivâ. Pudjusauteᴋangitunik ᴋakᴋôjaktorviub uvlungit naliusimavut.
4Tigugamiuk, parngnanairsimavingmut pitipâ, udjertortauᴋolugolo sorsuktuksanut simertautijuksanut, sitamat sitamairtordlugit; isumagivâlo inungnut sakᴋertitsomavlugo aularviksiorviub uvlungit nâkpata.
5Pêtruselo parngnanairsimavingme udjertortaulauktôgalloak; ilagêktulle sorairatik tuksiarutivât Gûdemut.
6Herôdesiblo sakᴋertitsomangmago, unnuame taipsomane Pêtruse sinikpok sorsuktuksâk magguk akorngangne, ᴋelaksorsimavlune ᴋelaumgujanut maggoinut; udjertortuglo magguk upkuab silatâne udjertorpâk parngnanairsimavik.
7Ahâglo, Nâlekab Engelinga tagvunga pivok, ᴋaumajublo parngnanairsimavik ᴋaumarsarpâ; Pêtruselo sanerâgut patikpâ tupaktilâllo oᴋarlunelo: Makisârit! Kelaumgujallo pêrput agganginit.
8Engeliblo oᴋautivâ: Tapseruserdlutit itigagusilerlutillo. Taimailivok tagva. Oᴋautivâlo: Uliksuit atilugo malinga!
9Anivlunelo malikpâ nalovlune Engelib nalâgut taimâk iliorvigingmago, takotitjumiglo takonasugilune.
10Udjertortorle sivorlek aipangalo ᴋângerdlugik, upkuaksoak kikiangojok tikipâk, iglugasaksoarnut sangmijok; tâmna ingminik upkuêrpok (aniviliorlugik), anigamiglo iglut akorngatigut aivuk; tagvainarlo Engelib ᴋemakpâ.
11Pêtruselo ingminik tukisilerame, oᴋarpok: Mâna mikselingmik tukisivunga, Nâlekab Engeline tilingmago piulivlunga Herôdesib agganginit, inuillo Jûdit nerriungninginit tamainit.
12Taimaglo isumasilerame, Marîab, Johannesib Marᴋusemik atipsâliub iglunganut pivok; tagvane unuktut katimavut tuksiarlutiglo.
13Pêtrusible silatânit upkuak avilortarmago, arnab kivgak Rôdamik atiliub nautsertoriartorpâ.
14Pêtrusiblo nipinga ilitarigamiuk, ᴋuviasungnermut upkuêngilâ, aᴋpangerdlunele iterpok, oᴋariartorlune Pêtrusemik upkuab silatânêtomik.
15Taipkoale oᴋautivât: Isumairutivotit. Tâpsomale soᴋoserane taimainerarpâ. Oᴋarput: Tagva Engelinga.
16Pêtrusele ama avilortarpok; upkuêrutigamitsugle, takovât, tataminiarpullo.
17Aggangminulle nullorarpait nipangerᴋovlugit, unipkâlerporlo, ᴋanok Nâlekab piulingmago parngnanairsimavingmit, oᴋarlunelo: Tamanna oᴋautigisuik Jakôbusemut ᴋatangutigênullo. Anivorlo tamattoma asianut aularlune.
18Kaungmalle, sorsuktuksat mikingitomik kappiasûtigivât, Pêtruse ᴋanok ilinermangât.
19Herôdesible ᴋeneramiuk neninagolo, udjertortut kiglisiniarᴋârdlugit âtauᴋovait (toᴋotauᴋovlugit). Jûdêamillo atersâlerpok Zesarêamut tagvanêlerdlunelo.
20Herôdesible Tirusemiut Sidonemiullo nâmaksingijutigidlarpait. Tâpkoale ilagêklutik tikipât, Blastuselo ataniub pimajinga ilanârsitinamitsuk, ᴋenuvigivât ulapᴋosertaujomavlutik; nunaᴋotimingne nerᴋiksarsiortuksaugamik ataniub nunaᴋotinganit.
21Uvlormele isumasimavingmine Herôdesib annorâne atanersônerminik sakᴋertitsijut ativait, iksivautaksoarmullo ingidlune oᴋâlavigilerpait.
22Inuille nipliavigivât: Tamadja Gûdib nipinga, inubleungitok.
23Tagvainak Nâlekab Engelingata annauvâ, Gûde nertungimago; ᴋopergunullo (inôvlune) nerrijaulerpok, anernangêrlunelo.
24Gûdible oᴋausingit aglivalliavlutiglo siamarterput.
25Barnabaselo Sauluselo uterpuk Jerusalemit, tunergutinik pititsijarêrᴋârdlutik, Johanneselo ilagivâk, Marᴋusemik atipsâlik.
Currently Selected:
Apostelit Piniarningit 12: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.