غُرْتَاکِ 26
26
جٛوطٛرْدٜ اَللَّه سٜنَاندٜ
1«عَوَطَ جٛوطٛرْدٜ سٜنَاندٜ بٜى غٛدٛوجٜ سَݠّٛ طٜ غَارَاجِ لٜنغْ طِغُّطِ بَالَاطِ عٜ شَرْوِنَاطِ عٜ بٛطٜىٰجِ سٜطَّ عٜ بٛطٜىٰجِ شٛيْ؞ عَوَطَ طٜ بٜى سُورَاجِ کٜرُبَعٜنْ طِ تُݠِّتٛووٛ بَاوْطٛ وَطَتَ؞ 2نجُوتِرْکَ غٛدٛورٜ ڢُو، مٜىٰتِرْ سَݠّٛ عٜ نَيِ دٛوْ مٜىٰتِرْ طِطِ؞ طٜ ݠٛتَ کَلْ-کَلْ؞ 3عَجٛکِّنْدِرَ غٛدٛوجٜ جٛوِ، لَاتٛ وٛورٜ، نٛنْ بٛو غٛدٛوجٜ جٛوِ غٛطّٜ لَاتٛ وٛورٜ؞ 4عَوَطَ ݠٜطِنِرْطٜ ࢡٛغِّ شَرْوِنَاطِ حَا سٜرَ غٛدٛورٜ رَغَرٜىٰرٜ حَا جٛکِّنْدِرَاطُمْ غٛوتُمْ؞ نٛنْ عَوَارَتَ حَا سٜرَ غٛدٛورٜ عَرَنْدٜىٰرٜ حَا جٛکِّنْدِرَاطُمْ ڢٜىٰرٜ بٛو؞ 5عَوَطَ ݠٜطِنِرْطٜ شَݠَّنْطٜ جٛوِ حَا غٛدٛورٜ وٛورٜ، نٛنْ بٛو ݠٜطِنِرْطٜ شَݠَّنْطٜ جٛوِ حَا سٜرَ غٛدٛورٜ وٛنْدٜ حَا جٛکِّنْدِرَاطُمْ طِطَࢡُمْ؞ ݠٜطِنِرْطٜ مَاجُمْ تِيتٛتِرَ؞ 6عَوَطَ جٛکِّنِرْطٜ طٜ کَنغّٜىٰرِ شَݠَّنْطٜ جٛوِ؞ عَحَوْتَ جٛکِّندِرَاطٜ بٜى مَاجٜ، نغَمْ حَا جٛوطٛرْدٜ سٜنَاندٜ ڢُو لَاتٛ وٛورٜ؞
7«عَوَطَ غٛدٛوجٜ سَݠّٛ عٜ غٛعٛ شَنْࢩِرَاطٜ غَاسَ بٜعِ نغَمْ لَيْمَارُ دٛوْ جٛوطٛرْدٜ سٜنَاندٜ؞ 8نجُوتِرْکَ غٛدٛورٜ ڢُو، مٜىٰتِرْ سَݠّٛ عٜ جٛوِ دٛوْ مٜىٰتِرْ طِطِ؞ غٛدٛوجٜ مَنْ ڢُو ݠٛتَ کَلْ-کَلْ؞ 9جٛکِّنْدِرْ غٛدٛوجٜ جٛوِ بٜى ࢩٛوتُغٛ، نٛنْ بٛو غٛدٛوجٜ جٛوٜىٰغٛ؞ سٜيْ عَسٛوَ غٛدٛورٜ جٛوٜىٰغٛعٛورٜ حَا وُتُّدُ يٜىٰسٛ لَيْمَارُ؞ 10عَوَطَ ݠٜطِنِرْطٜ شَݠَّنْطٜ جٛوِ حَا سٜرَ غٛدٛورٜ رَغَرٜىٰرٜ حَا جٛکِّنْدِرَاطُمْ غٛوتُمْ؞ نٛنْ بٛو ݠٜطِنِرْطٜ شَݠَّنْطٜ جٛوِ حَا سٜرَ جٛکِّنْدِرَاطُمْ طِطَࢡُمْ؞ 11عَوَطَ جٛکِّنِرْطٜ طٜ نجَمْندِ مبٛطٜىٰرِ شَݠَّنْطٜ جٛوِ؞ عَنَسْتِنَ جٛکِّنِرْطٜ مَنْ ندٜرْ ݠٜطِنِرْطٜ، عَحَوْتَ لَيْمَارُ حَا ندُ لَاتٛ وٛورُ؞ 12عَجِلْوَ طُمْ حَا لَيْمَارُ، وَاتٛ رٜىٰتَ غٛدٛورٜ لُتُّندٜ، جِلْوُ ندٜ حَا وُتُّدُ ࢡَاوٛ جٛوطٛرْدٜ سٜنَاندٜ غٛ؞ 13رٜىٰتَ مٜىٰتِرْ حَا طٛ عٜ رٜىٰتَ مٜىٰتِرْ حَا تٛ دِغَ لُتُّطُمْ نجُوتٜىٰنغَ غٛدٛوجٜ لَيْمَارُ، طٜ نجِلْوَ حَا بُتُّلِ جٛوطٛرْدٜ سٜنَاندٜ طِطِ، طٛ بٜى تٛ نغَمْ سُدُّغٛ ندُ؞ 14عَوَطَنَ لَيْمَارُ سُدَّارٜ بٜى لَرٜ جَوْطِ بَالِ بٛطٜىٰجٜ؞ دٛوْ مَارٜ بٛو سُدَّارٜ ڢٜىٰرٜ بٜى لَرٜ لِطِّ مَوْطِ؞
15«عَوَطَ کَاتَاکٛوجٜ دَرٛتٛوطٜ نغَمْ جٛوطٛرْدٜ سٜنَاندٜ، طٜ لٜطّٜ غَبْدٜ؞ 16نجُوتِرْکَ کَاتَاکٛوَلْ ڢُو، مٜىٰتِرْ جٛوِ عٜ نجَاجِرْکَ بٛو مٜىٰتِرْ غٛوتٜلْ رٜىٰتِتَ وَلَا؞ 17جٛغٛرْطٜ طِطِ ݠٛتَنْطٜ لَاتٛ حَا کَاتَاکٛوَلْ ڢُو، بَنَ نٛنْ عَوَارَتَ حَا کَاتَاکٛوجٜ جٛوطٛرْدٜ سٜنَاندٜ ڢُو؞ 18عَوَطَ کَاتَاکٛوجٜ نٛوغَسْ نغَمْ جٛوطٛرْدٜ سٜنَاندٜ وُتُّدُ ڢٛمْبِنَ؞ 19عَوَطَ کٛسْطٜ شَݠَّنْطٜ نَيِ طٜ شَرْدِ لٜسْ کَاتَاکٛوجٜ نٛوغَسْ، کٛسْطٜ طِطِ لٜسْ کَاتَاکٛوَلْ غٛوتَلْ حَا جٛغٛرْطٜ مَاغَلْ؞ 20بَنَ نٛنْ بٛو کَاتَاکٛوجٜ نٛوغَسْ حَا جٛوطٛرْدٜ سٜنَاندٜ وُتُّدُ وٛيْلَ، 21بٜى کٛسْطٜ مَاجٜ شَݠَّنْطٜ نَيِ طٜ شَرْدِ، کٛسْطٜ طِطِ لٜسْ کَاتَاکٛوَلْ غٛوتَلْ؞ 22عَوَطَ کَاتَاکٛوجٜ جٛوٜىٰغٛ نغَمْ جٛوطٛرْدٜ سٜنَاندٜ، وُتُّدُ ࢡَاوٛ، غَلْ حِيرْنَانغٜ؞ 23عَوَطَ کَاتَاکٛوجٜ طِطِ نغَمْ شٛࢡُّلِ جٛوطٛرْدٜ سٜنَاندٜ، وُتُّدُ ࢡَاوٛ؞ 24جٛغٛرْطٜ طِطِ طٜعٜ لَاتٛ حَا لٜسْ، نٛنْ بٛو جٛغٛرْطٜ طِطِ طٜ لَاتٛ حَا دٛوْ بَنغٜ حَلَغَارٜ؞ کَاتَاکٛوجٜ شٛࢡُّلِ طِطِ ڢُو لَاتٛ کَلْ-کَلْ؞ 25بَنَ نٛنْ وٛودِ کَاتَاکٛوجٜ جٛوٜىٰتَتِ بٜى کٛسْطٜ مَاجٜ طٜ شَرْدِ، کٛسْطٜ سَݠّٛ عٜ جٛوٜىٰغٛ، کٛسْطٜ طِطِ لٜسْ کَاتَاکٛوَلْ ڢُو؞
26«عَوَطَ لٜطّٜ غَاڢٛتٛوطٜ بٜى لٜطّٜ غَوَرٜ، جٛوِ نغَمْ کَاتَاکٛوجٜ وُتُّدُ جٛوطٛرْدٜ سٜنَاندٜ وٛورُ 27عٜ غَاڢٛتٛوطٜ جٛوِ نغَمْ کَاتَاکٛوجٜ وُتُّدُ جٛوطٛرْدٜ سٜنَاندٜ ندُيَ، ڢَحِنْ غَاڢٛتٛوطٜ جٛوِ نغَمْ وُتُّدُ ࢡَاوٛ جٛوطٛرْدٜ سٜنَاندٜ، وَاتٛ وُتُّدُ حِيرْنَانغٜ؞ 28غَاڢٛتٛونغَلْ شَکَاوَلْ نَسْتَ شَکَ کَاتَاکٛوجٜ دِغَ سٛࢡُّندُ ندُعُ حَا سٛࢡُّندُ ندُيَ؞ 29عَسُدَّ کَاتَاکٛوجٜ بٜى کَنغّٜىٰرِ؞ عَوَطَ کَلَغَاجٜ کَنغّٜىٰرِ نغَمْ جٛغَاغٛ غَاڢٛتٛوطٜ، عَسُدَّ طٜ بٜى کَنغّٜىٰرِ؞ 30ࢡَاوٛ مَنْ، سٜيْ عَدَرْنَ جٛوطٛرْدٜ سٜنَاندٜ ندٜعٜ ڢٛدّٜ مِسَالُ مٛ مِحٛلِّ مَ دٛوْ حٛوسٜىٰرٜ؞
31«عَوَطَ وِيرْندَلّٛ بٜى غَارَاجِ لٜنغْ طِغُّطِ بَالَاطِ عٜ شَرْوِنَاطِ، بٛطٜىٰجِ سٜطَّ عٜ بٛطٜىٰجِ شٛيْ؞ عَوَطَ نغٛ بٜى سُورَاجِ کٜرُبَعٜنْ طِ تُݠِّتٛووٛ بَاوْطٛ وَطَتَ؞ 32عَࢡِلَ نغٛ حَا دَنغْرَنغٜ نَيِ طٜ لٜطّٜ غَبْدٜ بٜى ࢡِلْدُطٜ، عَسُدَّ طٜ بٜى کَنغّٜىٰرِ، بٜى ࢡِلْدُطٜ طٜ کَنغّٜىٰرِ عٜ کٛسْطٜ طٜ شَرْدِ؞ 33عَࢡِلَ وِيرْندَلّٛ لٜسْ ࢡِلْدُطٜ؞ عَنَسْتِنَ سُنْدُکْرُ سٜىٰدَمْکُ تٛنْ ࢡَاوٛ وِيرْندَلّٛ؞ وِيرْندَلّٛ لَاتَنْتٛ عٛنْ سٜنْدٛرْدٜ حَکُّندٜ نٛکُّورٜ سٜنِيندٜ عٜ نٛکُّورٜ ࢡُرْندٜ سٜنَاغٛ#عِبْرَنِنغْکٜعٜنْ 6:19؛ 9:2-5؞؞ 34عَوَلِّنَ جٛوطٛرْدٜ نغَمْ کٜڢٜرْغَلْ#غُرْتَاکِ 25:17؞ دٛوْ سُنْدُکْرُ سٜىٰدَمْکُ ندٜرْ نٛکُّورٜ ࢡُرْندٜ سٜنَاغٛ؞ 35عَجٛعِّنَ تَابَلْ يٜىٰسٛ وِيرْندَلّٛ، نٛنْ بٛو جٛعِّنِرْطُمْ ݠِتِّرْلَاجِ حَا تِيتٛتِرَ بٜى تَابَلْ، حَا وُتُّدُ جٛوطٛرْدٜ سٜنَاندٜ ڢٛمْبِنَ؞ تَابَلْ بٛو، عَجٛعِّنَ طُمْ حَا وُتُّدُ وٛيْلَ؞ 36عَوَطَ وِيرْندَلّٛ نغَمْ دَمُّغَلْ لَيْمَارُ، نغٛ غَارَاجِ لٜنغْ طِغُّطِ بَالَاطِ عٜ شَرْوِنَاطِ عٜ بٛطٜىٰجِ سٜطَّ عٜ بٛطٜىٰجِ شٛيْ، طُمْ لَاتٛ تُݠِّتَاطُمْ؞ 37عَوَطَنَ وِيرْندَلّٛ دَنغْرَنغٜ جٛوِ طٜ لٜطّٜ غَبْدٜ، عَسُدَّ طٜ بٜى کَنغّٜىٰرِ، ࢡِلْدُطٜ مَاجٜ بٛو طٜ کَنغّٜىٰرِ؞ عَࢡٛلِنَ نغَمْ مَاجٜ کٛسْطٜ جٛوِ طٜ نجَمْندِ مبٛطٜىٰرِ؞»
Currently Selected:
غُرْتَاکِ 26: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.