غُرْتَاکِ 25
25
دٛکّٜ نغَمْ مَحُغٛ جٛوطٛرْدٜ سٜنَاندٜ
1جَوْمِرَاوٛ وِعِ مُوسَى: 2«يٜشُّ إِسْرَاءِيلَعٜنْ نغَدَّنَمِّ دٛکَّلْ#ڢَرِلَّاجِ لٜوِعٜنْ 7:14؞؞ نجَࢡٜ نغَلْ حَا کٛو مٛيْ ڢُو، دٜيْدٜيْ کٛ ࢡٜرْندٜ مَاکٛ سٜيِ حٛکُّغٛ؞ 3ندَا کٛ وٛنِ دٛکَّلْ نغَلْ نجَࢡٛتٛنْ حَا مَࢡّٜ: کَنغّٜىٰرِ عٜ شَرْدِ عٜ نجَمْندِ مبٛطٜىٰرِ، 4غَارَاجِ لٜنغْ#25:4 لَارْ 9:31 طِغُّطِ عٜ شَرْوِنَاطِ عٜ بٛطٜىٰجِ سٜطَّ عٜ بٛطٜىٰجِ شٛيْ عٜ غَاسَ بٜعِ 5عٜ لَرٜ جَوْطِ بَالِ بٛوجِنَاطٜ عٜ لَرٜ لِطِّ مَوْطِ بٛوجِنَاطٜ عٜ لٜغَّلْ غَوَرَلْ 6عٜ نٜبَّمْ نغَمْ ݠِتِّرْلَ عٜ عُورْلٜ نغَمْ نٜبَّمْ شٜنِرْطَمْ عٜ عُورٜتٜىٰطُمْ 7عٜ کَاعٜ عٛنِکِسْ عٜ کَاعٜ تَکّٜتٜىٰطٜ حَا طَنْشِکِيٜلْ عٜ جِيبَ وِࢡّٜرٜ نغَمْ حٛورٜىٰجٛ لِمَنْعٜنْ؞ 8إِسْرَاءِيلَعٜنْ مبَطَنَمِّ جٛوطٛرْدٜ سٜنِيندٜ، حَا مِجٛوطٛ شَکَ مَࢡّٜ؞ 9مبَطٜ جٛوطٛرْدٜ سٜنَاندٜ عٜ کُوجٜ مَارٜ ڢُو ڢٛدّٜ مِسَالُ مٛ مِحٛلّٜتٜ؞»
سُنْدُکْرُ عَلْکَوَلْ
10«ࢡٜمبَطَ سُنْدُکْرُ ندُ لٜغَّلْ غَوَرَلْ؞ نجُوتِرْکَ مَارُ مٜىٰتِرْ غٛوتٜلْ بٜى رٜىٰتِتَ؞ نجَاجِرْکَ مَارُ بٛو مٜىٰتِرْ غٛوتٜلْ رٜىٰتِتَ وَلَا، تٛوِرْکَ بٛو مٜىٰتِرْ غٛوتٜلْ رٜىٰتِتَ وَلَا؞ 11عَسُدَّ ندُ ڢُو بٜى کَنغّٜىٰرِ لَاࢡْندِ، ندٜرْ عٜ يَاسِ ڢُو؞ عَتَارْنَ سٜرَ مَارُ بٜى ڢَوْنٜ کَنغّٜىٰرِ؞ 12ࢡٛلِنْ کَلَغَاجٜ کَنغّٜىٰرِ نَيِ نغَمْ مَارُ، ڢٜطُ طٜ حَا شٛࢡُّلِ مَارُ نَيِ، کَلَغَاجٜ طِطِ حَا وُتُّدُ وٛورُ، نٛنْ بٛو کَلَغَاجٜ طِطِ حَا وُتُّدُ ندُيَ؞ 13عَوَطَ شَبِّ لٜطّٜ غَوَرٜ، شُدَّ طِ بٜى کَنغّٜىٰرِ؞ 14عَنَسْتِنَ شَبِّ طِعِ ندٜرْ کَلَغَاجٜ حَا بُتُّلِ سُنْدُکْرُ نغَمْ رٛونْدَاغٛ ندُ؞ 15شَبِّ مَنْ نَسْتَ کَلَغَاجٜ، تَا طِ عِتّٜ عٜ مَاجٜ؞ 16عَلُّحَاجٜ سٜىٰدَمْکُ طِطِ طٜ ندٛکَّنْمَامِ، وَلِّنْ طٜ ندٜرْ سُنْدُکْرُ مَنْ؞ 17ندٜنْ وَطْ جٛوطٛرْدٜ نغَمْ کٜڢٜرْغَلْ ندٜ کَنغّٜىٰرِ لَاࢡْندِ، نجُوتِرْکَ مَارٜ مٜىٰتِرْ غٛوتٜلْ بٜى رٜىٰتِتَ، نجَاجِرْکَ مَارٜ بٛو مٜىٰتِرْ غٛوتٜلْ رٜىٰتِتَ وَلَا#رٛمَعٜنْ 3:25؞؞ 18عَوَطَ کٜرُبَعٜنْ طِطٛ دٛوْ سٜࢡَتّٛوجِ جٛوطٛرْدٜ نغَمْ کٜڢٜرْغَلْ طِطِ بٜى کَنغّٜىٰرِ تَݠَّاندِ؞ 19عَوَطَ کٜرُبَ غٛوتٛ حَا سٜࢡَتّٛ وُتُّدُ جٛوطٛرْدٜ نغَمْ کٜڢٜرْغَلْ وٛورُ، کٜرُبَ عٛيَ بٛو حَا سٜࢡَتّٛ وُتُّدُ ندُيَ؞ مبَطٜ کٜرُبَعٜنْ طِطٛ، طُمْ لَاتٛ کُووَاطُمْ غٛوتُمْ بٜى سٜࢡَتّٛوجِ مَارٜ طِطِ ڢُو؞ 20کٜرُبَعٜنْ مبٜىٰطَ بِلٜىٰجِ مُوطُمْعٜنْ حَا دٛوْ، ࢡٜمبَطَ طٛوْدِ دٛوْ جٛوطٛرْدٜ نغَمْ کٜڢٜرْغَلْ بٜى بِلٜىٰجِ مَࢡّٜ؞ غٜىٰسٜ مَࢡّٜ تِيتٛتِرَ، ندَارَ جٛوطٛرْدٜ نغَمْ کٜڢٜرْغَلْ؞ 21عَوَلِّنَ عَلُّحَاجٜ سٜىٰدَمْکُ طٜ ندٛکَّنْمَامِ ندٜرْ سُنْدُکْرُ، ندٜنْ عَمَࢡَّ ندُ بٜى جٛوطٛرْدٜ نغَمْ کٜڢٜرْغَلْ؞ 22تٛنْ ݠٛتَّنْمِ بٜى مَاطَ؞ حَا جٛوطٛرْدٜ نغَمْ کٜڢٜرْغَلْ عٜ حَا کٜرُبَعٜنْ وٛنْࢡٜ دٛوْ سُنْدُکْرُ عَلْکَوَلْ مبِعَنْمَامِ عُمْرٛوجٜ عَمْ ڢُو نغَمْ إِسْرَاءِيلَعٜنْ؞»
تَابَلْ تَمْسٜىٰجٜ لِيعَنَاطٜ اَللَّه
23«عَوَطَ تَابَلْ لٜغَّلْ غَوَرَلْ، نجُوتِرْکَ مَاغَلْ مٜىٰتِرْ غٛوتٜلْ، نجَاجِرْکَ مَاغَلْ رٜىٰتَ مٜىٰتِرْ، تٛوِرْکَ مَاغَلْ بٛو مٜىٰتِرْ غٛوتٜلْ رٜىٰتِتَ وَلَا؞ 24عَسُدَّ نغَلْ بٜى کَنغّٜىٰرِ لَاࢡْندِ، عَتَارْنَ سٜرَ مَاغَلْ بٜى ڢَوْنٜ کَنغّٜىٰرِ؞ 25عَوَطَ حَا مَاغَلْ ڢَدّٛرْدٜ ندٜ حَݠَکَارٜ، عَتَارْنَ سٜرَ مَارٜ بٜى ڢَوْنٜ کَنغّٜىٰرِ؞ 26عَوَطَ نغَمْ مَاغَلْ کَلَغَاجٜ کَنغّٜىٰرِ نَيِ، عَڢٜطَ طٜ حَا شٛࢡُّلِ نَيِ غٛنْطِ حَا کٛسْطٜ مَاغَلْ؞ 27کَلَغَاجٜ مَنْ لَاتٛ ࢡَدِيطٜ ڢَدّٛرْدٜ؞ طٜ نجٛغٛ شَبِّ نغَمْ رٛونْدَاغٛ تَابَلْ؞ 28عَوَطَ شَبِّ لٜطّٜ غَوَرٜ، عَسُدَّ طِ بٜى کَنغّٜىٰرِ؞ عَرٛونْدٛتٛ تَابَلْ بٜى مَاجِ؞ 29عَوَطَ تَاسَاجٜ عٜ تَاسَحٛيْ عٜ بُلْکِ عٜ جَرْدُطٜ نغَمْ لِيعَاغٛ دٛکّٜ دُڢٜتٜىٰطٜ؞ عَوَطَ طُمْ ڢُو بٜى کَنغّٜىٰرِ لَاࢡْندِ؞ 30دٛوْ تَابَلْ مَنْ مبَلِّنْتَ ڢٛرٛيْ تَمْسٜىٰجٜ جٛعِّنْتٜىٰطٜ يٜىٰسٛ عَمْ؞#ڢَرِلَّاجِ لٜوِعٜنْ 24:5-8؞»
جٛعِّنِرْطُمْ ݠِتِّرْلَاجِ جٛوٜىٰطِطِ
31«عَوَطَ جٛعِّنِرْطُمْ ݠِتِّرْلَاجِ جٛوٜىٰطِطِ بٜى کَنغّٜىٰرِ تَݠَّاندِ لَاࢡْندِ؞ طُمْ لَاتٛ کُووَاطُمْ غٛوتُمْ بٜى دُبّٜىٰرٜ عٜ تَاسَحٛيْ عٜ مٛرْلٜ عٜ ݠِنْدِ حَا مَاجُمْ ڢُو؞ 32لِشٜ جٛوٜىٰغٛ نغُرْتٛ حَا بُتُّلِ مَاجُمْ؞ تَتِ حَا وُتُّدُ ندُعُ، تَتِ حَا وُتُّدُ ندُيَ؞ 33تَاسَحٛيْ تَتٛيْ بَنَ ࢡِࢡّٜ لَوْجَحِ#25:33 لَارْ ݠَامْتِنْکِ لٜسْ لِمْلٜ 17:23؞ حَا لِسَلْ غٛوتَلْ ڢُو بٜى مٛرْلٜرٜ عٜ ݠِنْدِرِ؞ نٛنْ بٛو تَاسَحٛيْ تَتٛيْ بَنَ ࢡِࢡّٜ لَوْجَحِ حَا لِسَلْ غٛطْنغَلْ بٜى مٛرْلٜرٜ عٜ ݠِنْدِرِ، بَنَ نٛنْ لِشٜ جٛوٜىٰغٛ ڢُو غُرْتٛتٛوطٜ حَا جٛعِّنِرْطُمْ ݠِتِّرْلَاجِ؞ 34حَا دُبّٜىٰرٜ بٛو، تَاسَحٛيْ نَيٛيْ بَنَ ࢡِࢡّٜ لَوْجَحِ بٜى مٛرْلٜ مَارٜ عٜ ݠِنْدِ مَارٜ؞ 35مٛرْلٜرٜ وٛورٜ لٜسْ لِشٜ مَارٜ طِطِ، کَدِبٛو مٛرْلٜرٜ وٛورٜ لٜسْ لِشٜ مَارٜ طِطِ، ڢَحِنْ مٛرْلٜرٜ وٛورٜ لٜسْ لِشٜ مَارٜ طِطِ، نغَمْ لِشٜ جٛوٜىٰغٛ غُرْتٛتٛوطٜ حَا جٛعِّنِرْطُمْ ݠِتِّرْلَاجِ؞ 36مٛرْلٜ عٜ لِشٜ بٜى جٛعِّنِرْطُمْ ݠِتِّرْلَاجِ ڢُو، طُمْ لَاتٛ کُووَاطُمْ غٛوتُمْ، طُمْ کَنغّٜىٰرِ تَݠَّاندِ لَاࢡْندِ؞ 37عَوَطَ ݠِتِّرْلَاجِ جٛوٜىٰطِطِ، عَجَمْنَ طِ حَا طِ نجَيْنَ يٜىٰسٛ مَاجِ؞ 38عَوَطَ بٛو مٜکٜڢْجٜ مَاجُمْ عٜ تَاسَحٛيْ ندٛونْدِ مَنْ بٜى کَنغّٜىٰرِ لَاࢡْندِ؞ 39عَوَطَ کُووْرُطٜ مَاجُمْ ڢُو بَاکِنْ کِلٛ کَنغّٜىٰرِ لَاࢡْندِ شَݠَّنْطٜ تَتِ؞ 40عَحَکِّلَنَ کُوطٜ مَنْ بٛوطُّمْ، عَوَطَ طُمْ ڢُو ڢٛدّٜ مِسَالُ مٛ نغِعْطَ دٛوْ حٛوسٜىٰرٜ؞#کُوطٜ نٜلَاࢡٜ 7:44؛ عِبْرَنِنغْکٜعٜنْ 8:5؞»
Currently Selected:
غُرْتَاکِ 25: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.