غُرْتَاکِ 27
27
حِرْسِرْدٜ
1«عَوَطَ حِرْسِرْدٜ ندٜ لٜغَّلْ غَوَرَلْ، نجُوتِرْکَ مَارٜ مٜىٰتِرْ طِطِ بٜى رٜىٰتَ، نجَاجِرْکَ مَارٜ بٛو مٜىٰتِرْ طِطِ بٜى رٜىٰتَ؞ حِرْسِرْدٜ لَاتٛ مَرْندٜ تٛلْطِ#27:1 تٛلْطِ مَلَّ تَلْکُمٛوجٜ؞ نَيِ ݠٛتَنْطِ؞ تٛوِرْکَ مَارٜ مٜىٰتِرْ غٛوتٜلْ بٜى رٜىٰتَ؞ 2عَوَطَ عِرِنْ لُوٜ حَا شٛࢡُّلِ مَارٜ نَيِ، طٜ لَاتٛ کُووَاطُمْ غٛوتُمْ بٜى حِرْسِرْدٜ؞ عَسُدَّ ندٜ بٜى نجَمْندِ مبٛطٜىٰرِ؞ 3عَوَطَنَ ندٜ ݠَيَنْطٜ ࢡٛڢْتُغٛ ندٛونْدِ مَارٜ، نٛنْ بٛو ࢡٛڢْتِرْطٜ عٜ ݠٜحٜ بِشِّرْطٜ ࢨِيࢨَمْ عٜ تُڢِرْطٜ عٜ ݠٜحٜ غُلْدُطٜ؞ عَوَطَ کُوجٜ مَارٜ ڢُو بٜى نجَمْندِ مبٛطٜىٰرِ؞ 4عَوَطَنَ ندٜ کُووَاطُمْ جَمْطٜ بٛطٜىٰجٜ غَاڢِيطٜ، نَنْدُطُمْ بٜى زُبَاوٛلْ؞ حَا شٛࢡُّلِ مَنْ نَيِ، عَوَطَ کَلَغَاجٜ نَيِ طٜ نجَمْندِ مبٛطٜىٰرِ؞ 5عَجٛعِّنَ کُووَاطُمْ غٛ لٜسْ تَارْنَاطُمْ حِرْسِرْدٜ، دِغَ لٜسْ حَا طُمْ يٛتّٛ رٜىٰتَ تٛوِرْکَ حِرْسِرْدٜ؞ 6عَوَطَ شَبِّ نغَمْ حِرْسِرْدٜ، طِ لٜغَّلْ غَوَرَلْ، عَسُدَّ طِ بٜى نجَمْندِ مبٛطٜىٰرِ؞ 7عَنَسْتِنَ شَبِّ مَنْ ندٜرْ کَلَغَاجٜ حَا بُتُّلِ حِرْسِرْدٜ طِطِ نغَمْ رٛونْدَاغٛ ندٜ؞ 8ندٜرْ مَارٜ بَطَاطُمْ بٜى کَاتَاکٛوجٜ، لَاتٛ شٛوکُمْ؞ سٜيْ عَوَطَ ندٜ بَنَ مِحٛلِّ مَ دٛوْ حٛوسٜىٰرٜ؞»
دَلْدَلْ جٛوطٛرْدٜ
9«عَوَطَنَ بٛو جٛوطٛرْدٜ سٜنَاندٜ دَلْدَلْ؞ حَا وُتُّدُ ڢٛمْبِنَ، عَوَطَنَ نغَلْ وِيرْندَلّٛوجِ غَارَاجِ لٜنغْ طِغُّطِ بَالَاطِ؞ نجُوتِرْکَ وُتُّدُ وٛورُ مٜىٰتِرْ شَݠَّنْطٜ جٛوِ، 10بٜى دَنغْرَنغٜ مَارُ نٛوغَسْ عٜ کٛسْطٜ مَاجٜ نٛوغَسْ طٜ نجَمْندِ مبٛطٜىٰرِ عٜ ࢡِلْدُطٜ دَنغْرَنغٜ عٜ غَاڢٜ دَنغْرَنغٜ طٜ شَرْدِ؞ 11بَنَ نٛنْ بٛو حَا وُتُّدُ وٛيْلَ، نجُوتِرْکَ وِيرْندَلّٛوجِ مٜىٰتِرْ شَݠَّنْطٜ جٛوِ، بٜى دَنغْرَنغٜ مَارُ نٛوغَسْ عٜ کٛسْطٜ مَاجٜ نٛوغَسْ طٜ نجَمْندِ مبٛطٜىٰرِ عٜ ࢡِلْدُطٜ دَنغْرَنغٜ عٜ غَاڢٜ دَنغْرَنغٜ طٜ شَرْدِ؞ 12نجَاجِرْکَ دَلْدَلْ مَنْ حَا وُتُّدُ حِيرْنَانغٜ، وِيرْندَلّٛوجِ مٜىٰتِرْ نٛوغَسْ عٜ جٛوِ، بٜى دَنغْرَنغٜ مَارُ سَݠّٛ عٜ کٛسْطٜ مَاجٜ سَݠّٛ؞ 13نٛنْ بٛو نجَاجِرْکَ مَاغَلْ حَا وُتُّدُ ڢُونَانغٜ، مٜىٰتِرْ نٛوغَسْ عٜ جٛوِ: 14وِيرْندَلّٛوجِ مٜىٰتِرْ جٛوٜىٰطِطِ بٜى رٜىٰتَ حَا وَکٜىٰرٜ وٛورٜ، بٜى دَنغْرَنغٜ مَارٜ تَتِ عٜ کٛسْطٜ مَاجٜ تَتِ؞ 15وَکٜىٰرٜ ندٜيَ بٛو وِيرْندَلّٛوجِ مٜىٰتِرْ جٛوٜىٰطِطِ بٜى رٜىٰتَ، بٜى دَنغْرَنغٜ مَارٜ تَتِ عٜ کٛسْطٜ مَاجٜ تَتِ؞ 16نغَمْ نَسْتِرْدٜ دَلْدَلْ، وِيرْندَلّٛ مٜىٰتِرْ سَݠّٛ، نغٛ غَارَاجِ لٜنغْ طِغُّطِ بَالَاطِ عٜ شَرْوِنَاطِ عٜ بٛطٜىٰجِ سٜطَّ عٜ بٛطٜىٰجِ شٛيْ، طُمْ لَاتٛ تُݠِّتَاطُمْ، بٜى دَنغْرَنغٜ مَاغَلْ نَيِ عٜ کٛسْطٜ مَاغَلْ نَيِ؞ 17دَنغْرَنغٜ دَلْدَلْ ڢُو کَوْرِتٜ بٜى غَاڢٜ شَرْدِ؞ ࢡِلْدُطٜ مَاجٜ طٜ شَرْدِ، کٛسْطٜ مَاجٜ طٜ نجَمْندِ مبٛطٜىٰرِ؞ 18نجُوتِرْکَ دَلْدَلْ لَاتٛ مٜىٰتِرْ شَݠَّنْطٜ جٛوِ، نجَاجِرْکَ مَاغَلْ مٜىٰتِرْ نٛوغَسْ عٜ جٛوِ، تٛوِرْکَ مَاغَلْ بٛو مٜىٰتِرْ طِطِ بٜى رٜىٰتَ؞ وِيرْندَلّٛوجِ ڢُو طِ غَارَاجِ لٜنغْ طِغُّطِ بَالَاطِ، کٛسْطٜ ڢُو طٜ نجَمْندِ مبٛطٜىٰرِ؞ 19نغَمْ کُوجٜ جٛوطٛرْدٜ سٜنَاندٜ عٜ کُوغَلْ مَاجٜ ڢُو عٜ تِغِّرْطٜ مَاجٜ ڢُو عٜ تِغِّرْطٜ دَلْدَلْ ڢُو طٜ نجَمْندِ مبٛطٜىٰرِ؞»
نٜبَّمْ نغَمْ ݠِتِّرْلَاجِ
20«عَنْ مُوسَى، عُمْرُ إِسْرَاءِيلَعٜنْ ࢡٜنغَدَّنٜ نٜبَّمْ جَيْتُنْجٜ عَرْࢡَاطٜ لَاࢡْطَمْ نغَمْ جَيْنغٛلْ ݠِتِّرْلَاجِ، نغَمْ طِ نجَمْنٜ ڢٛرٛيْ؞ 21هَـٰرُونَ عٜ ࢡِکّٛيْ مُوطُمْ نجٛعِّنَ جٛعِّنِرْطُمْ ݠِتِّرْلَاجِ ندٜرْ لَيْمَارُ ڢٛتِّرْدٜ، غَاعٜ وِيرْندَلّٛ وِيرْنَنْنغٛ سُنْدُکْرُ سٜىٰدَمْکُ، ݠِتِّرْلَاجِ کُࢡَّ يٜىٰسٛ عَمْ دِغَ کِيکِيطٜ حَا ڢَجِرِ؞ طٛ وٛنِ ڢَرِلَّ ندُومِيکَ نغَمْ غِدٜ مٛنْ ڢُو؞»
Currently Selected:
غُرْتَاکِ 27: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.