Éxodo 3
3
Moisesta Dios kamachisqanmanta
1Moisesmi Madianpi sacerdote suegron #3.1 Jetropa huknin sutinkunam karqa Reuel hinaspa Hobab.Jetropa ovejankunata michichkaspan chunniqninta qatispan Diospa sapaqchasqan #3.1 Oreb orqopa huknin sutinqa Sinaí orqom.Horeb orqokama chayarurqa. 2#Hch 7.30-34.Chaypim Tayta Diospa angelnin rikuriykurqa, ninawan lenwachkaq tankar kichkapa chawpinpi. Moisés sumaqta qawaykuptinmi chay tankar kichkaqa rupaspapas mana kañakurqachu 3chaymi Moisés nirqa:
¿Imataq wakqa? Rispa qawaramusaq. ¿Imanasqataq wak tankar kichkaqa rupaspapas mana kañakunchu? nispa.
4Moisespa risqanta qawaspanmi, tankar kichkamanta Tayta Dios qayamurqa:
¡Moisés, Moisés! nispa.
Payñataqmi nirqa:
¿Imata, Señor? nispa.
5Chaymi Dios nirqa:
Ama asuykamuwaychu, usutaykita hurqokuy, sarusqayki allpaqa ñoqapaq sapaqchasqam, nispa.
6Diosqa nirqataqmi:
Ñoqam kani ñawpaq taytaykichik Abrahampa, Isaacpa hinaspa Jacobpa Diosnin, nispa.
Chaymi Diosta qawaykuyta manchakuspan uyanta Moisés tapakuykurqa. 7Hinaptinmi Tayta Diosqa nirqa:
Llaqtaypa Egipto nacionpi ñakarisqantam qawachkani, llamkachiqninkuna ñakarichiptin waqasqankutam uyarichkani, yachanitaqmi nanaypi kasqankutapas. 8Chaymi uraykamuni Egipto runakunamanta libranaypaq. Egipto nacionmanta hurqospam lliw kawsaykunapa qespinan hinaspa tukuy imapa kanan hatun sumaq allpaman paykunata pusasaq. Chay allpapim cananeokuna, heteokuna, amorreokuna, ferezeokuna, heveokuna hinaspa jebuseokuna yachachkanku. 9Israelpa mirayninkunapa qayakamuy-nintam uyariruni, rikunitaqmi Egipto runakunapa ñakarichisqantapas. 10Chay-raykum rey Faraonman kunan kachasqayki, Israelpa mirayninkunata Egipto nacionmanta hurqomunaykipaq, nispa.
11Chaymi Diosta Moisés nirqa:
¿Pitaq ñoqaqa kani rey Faraonman rispay Egipto nacionmanta Israelpa mirayninkunata hurqomunaypaqqa? nispa.
12Hinaptinmi Dios nirqa:
Ñoqam qanwan kasaq, kaymi kachasqaypa señalnin kanqa: Egipto nacionmanta runaykunata hurqoramuspam kay orqopi yupaychawankichik.
13 #
Ex 6.2-3. Ichaqa Diostam Moisés nirqa:
Sichum Israelpa mirayninkunaman rispay, “ñawpaq taytaykichikkunapa Diosninmi qamkunaman kachamuwan” nisaq hinaptinñataq paykuna “¿Imataq sutin?” nispa tapuwaptinkuqa, ¿imanisaqtaq? nispa.
14 #
Ap 1.4, 8. Chaymi Moisesta Dios nirqa:
“Ñoqaqa kani Ñoqam”, chaynaqa Israelpa mirayninkunamanmi ninki: “Ñoqam kani” niqmi qamkunaman kachamuwan, nispa.
15Kasqallanmi Moisesta Dios nirqa, Israelpa mirayninkunatam kaynata ninki:
“Ñawpaq taytaykichik Abrahampa, Isaacpa hinaspa Jacobpa Diosninmi qamkunaman kachamuwan. Payqa Tayta Diosmi”, nispa. Kaymi wiñaypaq sutiyqa, kay sutiywanmi wiña-wiñaypaq yuyariwankichik. 16Israelpa ancianonkunata huñumuspa nimuy: “Ñawpaq taytaykichik Abrahampa, Isaacpa hinaspa Jacobpa Diosninmi rikuriykuwaspa niwarqa: Cheqaptapunim qamkunata watukamuykichik Egipto nacionpi imam ruwasusqaykichikta qawanaypaq. 17Ñoqam Egipto nacionpi ñakarisqaykichikmanta hurqosqaykichik, cananeo, heteo, amorreo, ferezeo, heveo hinaspa jebuseo ayllukunapa allpanman. Chayqa lliw kawsaykunapa qespinan chaynataq tukuy imapapas kanan allpam”, nispa. 18Israelpa ancianonkunam kasusunki, hinaptinmi paykunawan rispa Egipto nacionpi reyta ninkichik: Hebreo runakunapa Tayta Diosninmi tariramuwanku, chayraykum kunan kimsa punchaw puriyta chunniqman risaqku, chaynapi Tayta Diosman sacrificiokunata ofrecespa hatunchamunaykupaq, nispaykichik. 19Aswanqa yachanim Egipto nacionpi reyqa mana kacharisunaykichikta, kacharisunkichikqa atiyniywan hurqoptiyñam. 20Ichaqa Ñoqam atiyniywan Egipto runakunata tukuy rikchaq admirakuypaq ruwayniykunawan castigasaq, chaymantañam Faraonqa kachaykusunkichik. 21#Ex 12.35-36.Ñoqam Egipto runakunapa kuyapayasqanta ruwasqaykichik, chaynapim ripuspaykichikpas tukuy imankuta apakunkichik. 22Warmikunam sapakama vecinanmanta chaynataq wasinkupi yachaq warmikunamantapas qorita, qollqeta, alhajakunata hinaspa pachakunata mañakunqaku, chaykunawanmi churikichikkunata wawaykichikkunata churachinkichik. Chaynatam Egipto runakunapa tukuy imankuta qechunkichik, nispa.
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
