Luc 21

Skwi man ngwoz mazai a va na Zhiklè

(Marc 12,41-44)

1A Yèsu a mpu dai, a nrka ta ndohi mèshèlè, ta pi skwi man ta va na Zhiklè a koti sulai. 2A nrka ngwoz mazai ntawassa ngiɗè, a mpeda sissi cèw a pa. 3A Yèsu a ngaɗa: A vava, i gaɗa kinè, ngwoz mazi ntawassaʼa haha a mpau, a fena ndohi ngiɗè tèlèba. 4Aman ndohi ngiɗè tèlèba ta va na Zhiklè njè-kèdiaʼa te skwi man a ngeza ta ma; aman nengaʼa a mpau skwi tèlèba man a ngotso a gèɗ skwi nʼndai.

Yèsu a hodko ma a géɗ ngédèshè gi Zhiklè

(Mt. 24,1-2; Marc 13,1-2)

5Aman ndohi ngiɗè te gi Zhiklè ta gaɗa: Gi Zhiklè ndertsatsa amba, ntila a kwa mbelaʼa. A Yèsu a ngaɗa: 6Skwi man kin rka haha – pats a di a shkè, aman ko kwa staɗ a nzi a géɗ ngiɗè azɓai, a da mbeɗ na tèlèba.

Skwi ngreda nga skwi mwuɗitpa

(Mt. 24,3-14; Marc 13,3-13)

7A ta dzhoɗo; Ndo njèngè ma, skwi haha a da gi a ngèmè? Gada nga, nga da shinè te mè, aman a da gi ar haha?

8A nengaʼa a ngaɗa: Va-gu maya, ndo da pèkètèd kinè ɓai! Aman ta kumba ta da shkè a nzlembaɗ ga, a ta gaɗa: I nengaʼa, a patsa a zhè ndul ndul. Kin dzodzor ma tengaʼa ɓai! 9Aman kin tsena ma var, a nrubi var, kin gu zlau ɓai! Skwi ar haha sèi a gi nshèlèkuraʼa dai. Aman nʼndikè-ma skwi a shkè tsam tsam di azɓai. 10Te deɓaʼa a ngaɗa ta: Ndohi herkeda ngiɗè ta da slèmbèɗè a ta gi var a ndohi herkeda ngiɗè; kokwar-bi ngiɗè a da slambaɗa na va a kokwar-bi ngiɗè; 11herkeda a da gudzi a sam tsaɗ tsaɗ, a mi a gi a herkeda, a matakwan ambaɓiaʼa tsaɗ tsaɗ. Zlau mbiaʼa, a skwihi nʼngreda skwi mbiaʼa ta shkè te zhiklè. 12Aman nshèlèkuraʼa ta da fi ri a kinè. Ta da paraha kinè, ta de kinè a gi njèngè ma Zhiklè, a gi dangai, ta de kinè a sam bihai, a sam ngomna, a géɗ nzlembaɗ ga. 13A skwi haha a gi a skwi malwuɗi kinè. 14Kin hur ɓai, ara man kin woy a kin tsoko gèɗ kinè auda. 15Aman i da va kinè ma a maya, aman ndohi mayamhi kinè ta slaha ta mbeɗa kinè a ma ɓai, a ta shèl va a sam kinè azɓai. 16Aman ko bab a mam kinè, a kramamhi kinè, a gwoli kinè, a mandalahi kinè, ta da gs kinè, a matrehiaʼa te ndev kinè ta da bazl ta. 17Tèlèba ta da gi shèwa a kinè, a géɗ nzlembaɗ ga.

18Aman ko gwots gèɗ kinè staɗ a zi azɓai. 19Aman kin mana ndav kinè a kin dè a ma ma, kin da mbél nshèffè kinè.

20Aman kin rka Jérusalem, man ndohi var ta tèuda a pa, va-huro, skwi ngedassaʼa a zhè ndul ndul. 21Te deɓaʼa ndohi man ta zhè te Judée, da hu a za, a ndohi te ndev kok war Jérusalem, da wuc ta, a ndohi te dak do do a kokwar ɓai. 22Aman nasa pats ndzoan Zhiklè, skwi tèlèba a di a giaʼa, ara man ta windo te ɗèlèwèr Zhiklè. 23A pats nasa Woba ngwozi man ta a hwaɗ, a ngwozi man a wuda a rai. Matakwan mbiaʼa a da zhè te kokwar, a ndzoan Zhiklè mbiaʼa a géɗ ndohai. 24A ta bazl ta a tsakwal, a ta hel ta, ndzawda, a ndev ndohi herkeda tèlèba, a ndohi nte deɓa ta da gatseda Jérusalem a pa a sak, ha nʼndikèma wuɗi ndohi nte deɓa.

Mshke kra-ndo a deɓa

(Mt. 24,29-31; Marc 13,24-27)

25Te va pats, a kia, a bantihai, skwi ngiɗè a rkè, a ndohi a géɗ herkeda ta da gi zlau, a ta sun man ta gia ɓai. Woyam mbiaʼa a da hubètè, a gi tskuduf-tskudufaʼa, 26a ndohi ta gi sawaʼa a zlau, a ta zhèr skwi man a di a shkè a géɗ herkeda; a wuɗihi nte zhiklè te gèɗéʼa ta wurɗko va. 27Te deɓaʼa ta rka kra-ndo man a shkè te va vanai, a wuɗai a nʼnjèlè mbiaʼa. 28Aman skwihi haha ta hinè a ta giaʼa, va-zlatseda va, va-ceda gèɗ a zhiklè, aman skwi mʼmbel kinè a herdeka kinè va.

Va-döl te wof tèngètè

(Mt. 24,32-35; Marc 13,28-31)

29A ngaɗa ta a ngèlègèɗ-ma: Va-rka wof tèngètè, a wofhi tèlèba. 30Man kin rka vah tengaʼa ta dai, vi ndul ndul ma. 31Lèmèlèmè kinè ba, aman kin rka skwi haha a shkè, va-suna, kokwar Bi Zhiklè a zhè ndul ndul. 32I gaɗa kinè a vava, ndohi man a géɗ herkeda antanta, ta da metsi azɓai, sèi skwi haha a gi dai. 33Gidfèk a herkeda ta ndiv ta. Aman ma ga a ndivè azɓai.

Nʼnzì a dai

34Aman kinè, va-gu maya a géɗ va kinè, ndav kinè da ndha ɓai a ntétékè skwi nʼndai, a zom, a zlau a géɗ nshèffè kinè tʼherkeda, a pats nasa a shkè a géɗ kinè tsam tsam, 35nʼngaʼa a sam ndohi herkeda tèlèba ara ɓalai. 36Anai va-nza a dai, va-tsu ri pèc pècèk, aman kin zli va kinè auda a sam skwi haha tèlèba man a di a shkè, a kin slaha a kin zlècè a sam kra-ndo.

37A pats, Yèsu a nsenda ta te gi Zhiklè. A vaɗ a mdo auda, a mʼmana a géɗ za oliviers. 38A prèk, ndohi tèlèba ta shkè a gi Zhiklè, aman ta tsena ma nengaʼa.

Attualmente Selezionati:

Luc 21: MOF89

Evidenziazioni

Copia