Luka 13

1Kurua pani ai a’a aruru U ai anenave, awkiai uku Galilaia a’a Pilato e‐avaka, omo aro epie pei u apaueaka ane.

2Iesu erau voa veve’einave, Noro amalaikora’i ei Galilaia a’a namea ovara kei’inave, uku oroe‐avakei’?-?inave; Galilaia a’a e namea mau’u kei’inave?

3Nai erau voa kurunaina, Ai! noro lai urukiape liane, noro uriria awku na‐avakeiakana.

4A’a 18 upa mere Siloama mukua marea ara’anave, e‐avanave ane, noro amalaikora’i Ierusalema a’a uriria awkono avao ai oro e namea a’a kei’inave?

5Nai erau voa kurunaina, Ai! noro lai urukiape liane, noro uriria awku na‐avakeiakana.

6Ei aipo voa awku U erau voa kuruenave, A’a monou uru iri miaka una aura ai la’amakei’inave, uru evoroai u anenave, uru eria u auinave.

7Una aura oiviria a’a u erau voa kurunave, Akoi’i, aumeia rere kaiane eire nai vairuane euna uru evoroai ei uru iri upa mere, nai uru eria auiane euna: iri arene, uku oiana ei iri ka’e ivawvoa’a li’ina?

8Aura oiviria a’a erau voa kurunave, Amua e, iri keinamoki ei aumeia pani ai, anea’anea una neva ka’e nai awpono liane,

9Neko mere ai u uru meriane, imau! u uru meriape liane, ni areakana.

10Sabati lare omoro marea monou laru ai U ipekimakei’inave.

11A’e monou i‐pokoinave aumeia 18 u maia miaka: una kape vaparia?-?awkiakei’inave, kape anana u oiai ali’inavea.

12Iesu a’e inamu‐oiaka’ane, U laea‐ulau’unave, erau voa kurunave, A’e e, ni maia mere ni ururuakeina.

13Una eve a’e upa mere U ai’inave, u emoki kape anana oinave, Eloi avioinave ane.

14Omoro marea anu mai?-?vaki ia’iakei’inave uku Iesu ei a’e sabati lare aukarikavaka, u a’a aruru erau voa kuruenave, Ebedoma monou lare 6 mi’ina a’a iaki liai limakina. Lare 6 pani ai anene, noro aukarinakava?-?keia’ane‐iai; sabati lare peo.

15Iesu erau voa kurunave, Ewaea vaki e, noro a’a monou monou sabati lare una bovi, una asini, ururua?-?peana u ere nava’ane‐iai?

16Ei a’e, Aberahamo onu kiri a’e, Satani aumeia 18 maia piriane euna, opara anana peana ei a’e una maia mere ururuai sabati lare ai?

17U ei voa kuruaka’ane una mani a’a uriria makiri?-?ekavakei’inave, a’a aruru uriria kopaili’inave uku awku re uriria eiai i U liakei’inave.

18U erau voa veve’einave, Eloi inu eiei oi mikiri ana? Nai ou eiei oiama‐mikirimau?

19Kurua eiei sinapi uru mikiriakeina a’a una aura ai voenave; uru la’anave, iri ovara evere’enave ane; naku iri vao ai pokoinave ane.

20U moawku erau voa veve’einave, Eloi inu eiei Nai oiama‐mikirimau?

21Kurua eiei paruava veila ika mikiriakeina a’e una pu apauenave pu iki paru?-?avai.

22Pai’iri pai’iri U enanave, aki‐enamakei’inave Ierusalema i.

23A’a monou erau voa veve’enave, Amua e, a’a ailapea e iekavakeina? Iesu erau voa kuruenave,

24Ipia‐mi’ine akike kikau ikiriai: Nai kurunaina, uku a’a aila ikiriai ipia‐miakana, oro ikiriai liapea.

25Marea mai‐vaki la’ane euane, kikau awkuane euane, noro iki ai oiai‐awkava’ane, kikau vakiai‐awkava’ane, erau voa kurumakina, Amua e, Amua e, kikau aune enei eiai; u erau voa kurunaiakana, Nai ipanalaupeo, noro Na a’a peo.

26Noro erau voa kuruakana, Ni kiripai enei pei na’ane euna, ene pai’iri kanikara ai Ni ipawkiane euna.

27U erau voa kuruakana, Nai nakina, Nai ipanalaupeo; enara, namealia a’a e.

28Viki, ni’iri ekiki ane, keiakana, Aberahamo, Isako ane, Iakobo ane, laikorava a’a uriria ane, noro inamu‐eiane Eloi inu eiei laru ai, noro laoiakeiakana iki ai.

29Anu eiei mere, maruru eiei mere, auanu eiei mere, nara eiei mere, oro aneakana, Eloi inu eiei laru ai oro papa’avakana.

30A’a ika keina oro pinai keiakana, a’a pinai keina oro ika keiakana.

31Kurua lare ai Parisea a’a varomo U ai anenave, erau voa kurumakei’inave, Ei pai’iri keinamoki, Ni aki elera, Heroda ni‐avai umuli’ina.

32U erau voa kuruenave, Enara, kurua ewaea vaki erau voa kurura, Akoi’i, ei lare pani ai, namai lare ane, avaea‐lipi Nai laeimakina, maia a’a aukarika’amakina, lare rere kaiane enu pani ai Na iaki Nai oailiakana.

33Ei lare, namai lare awku, lare rere kaiane ane Nai aki‐enavai limakina: uku laikorava a’a Ierusalema iki ai avakeiape.

34Ierusalema e, Ierusalema e, laikorava a’a ni e’a’ana, iva a’a ane ni ai ekaiviriakeina ni rawre‐epa?-?kina, pani aila ni ukua‐mere roikiai Nai umuliane euna orau kokora una ukua una vao u’ui ai roikina, a noro umuliape.

35Akoi’i, ni marea enakavakeina ni eiai. Nai nakina, noro inamu‐i’iapea anea’anea noro kuruane, U ane U Amua anu nawi aneliviai anelia U kopai‐awkavakeina.

Attualmente Selezionati:

Luka 13: IAR1920

Evidenziazioni

Copia