Yohanna 16

1Nənah sukum wənəs pak na vi kədawrahaŋ zəga nazbərgukum ɓa. 2Wagilgukumən səddəv gəla nakkal net Yudeɗi. Ya pay tay əzzani, ɗəf dəbaykum pak waɗɗum na Maŋgəlva adawgagdakani. 3Waɗɗanən vaska vi dəsənən Afən ɓa, in ɓa. 4Nənah sukum vasna, an pay nan adeke, kəɗɗumonəngən na naw nənah sukumko.

Wəza nə Zeŋgile Salala

Nənah sukum wənəs də ətəŋ nan ɓa, vi in tat də munokum. 5Kakaŋ in tat əmbat aza məs dəslənwa, ya ɗəf tay taka səmbokum dəssohõw na: Aŋga kədodok di ɓa. 6Vi nənah sukum wənəski mokrokum azlahə. 7Ya gesiŋ nədawnah sukum: Moggoni azokum an nəmbatka, an nəmbat ɓa məzəbbah nak ade na azokum ɓa. Ya an nəmbatka, wanəslən sukum. 8Ya nan an adeke, warban mambraya, təstəsə, gəm ətawwən sit ɗiy naka dəlva. 9An dəwəlsən mambray na: Vi dətafwən ɓa. 10An dəwəlsən təstəs na: Vi in tat əddaw aza Afəni, kuluwən na əmpa ɓa. 11An dəwəlsən ətawwən na: Vi mətawi wən aka daya naka dəlvəŋ səkay.

12In tat dit zəgeɗ diyɗa nawnah sukum əmpa, ya kəɓəsin na kakaŋ ɓa. 13Pay Zeŋgile na gegesiŋ adazzani, wadawgukum addəv gegesiŋ pakə. Vi apel na na kiyən ɓa, ya wanah an adaprəm pakə, wanah sukum zəga an dədazzani. 14Nan wagagdakawa, vi wagəm səza an naw kawnah sukum. 15Zəga na Əbba pak nawi. Vini nənah na: Əmpəs wagəm səza an naw kawnah sukum.

Əzəm sahã akkpaŋgək ənneke

16Abe siɗikke aŋ na kuluwən na ɓa, dərɓagan siɗikke əmpa wakuluwəni. 17Gewleɗ nan apeleŋgik a walaŋ zit na: Mi adawnah səməs di? Abe siɗikke aŋ na kuluwən na ɓa, dərɓagan siɗikke əmpa wakuluwəni. Gəm vi intat əmbat aza Afən əŋ di? 18Aɓɗaŋ kan na: Mi as van adawnəh abe siɗikkeŋ di? Məsən an adawpel akan ɓa. 19Yesu asənək na met aka əssohoni, aɓsit na: Aka an nənah na: Abe siɗikke aŋ na kuluwən na ɓa, dərɓagan siɗikke əmpa wakuluwəni kedassohonən ma zukum sa? 20Gesiŋ gesiŋ nədawnah sukum: Wakəhəmaŋgə wakəɓuhun mokum, ya mamba dələv wanneken zəni. Wakəssahanən zukum ya wəssahan zukuməs wakkpaŋ ənneke. 21An guluk tat əɓay uwa, mat wasan ɓəɓiɓəɓi vi pay nat agapka. Ya an tuwak muzliya, taɗɗumon əzəm sahã nat ɓa sən ənneke vi tuwək ɗəf egge. 22Vaski yi'e nokum, kakaŋ na mokum tay ɓəɓiɓəɓi, ya wanəmsak ulukum. Mokrokum wanneki, ɗəf tay nawgəm ənnek nokum ɓa.

23Pay nan na, zəga tay kədassohowən ɓa. Gesiŋ gesiŋ nədawnah sukum: An kədassohoŋ ava Afən də iya naw pak wapsukum. 24Hã kakaŋka, tay an kəssohoŋ də iya naw ɓa. Məssõhu, wakərəhaŋgə, vi ənnek nokum dəknahgəni.

Yesu məskə wəla dəlva

25Zəgeɗis pak də əmpa kiwən nəpel sukum, ya pay tay əzzan məs nəpel sukum na də əmpa kiwən ɓa, wanəpel sukum an dəwəl sən Afən appaka ta'ə. 26Pay nani, wakəssohoŋ də iya nawa. Nənah sukum na, wanəkkaman Afən vikum ɓa. 27Afən zək nan aŋglukumko, vi kəŋgluwənka, kətafənək na səza Maŋgəlva nəde. 28Səza Afən nəgil nəde aka dəlva. Kakaŋ in tat əppan dəlva in tat əmndaw aza Afəni.

29Gewleɗ nan aɓɗaŋ na: Awla, kakaŋ na is tat əpel kotakə məza də əmpa ki wən ɓa. 30Kakaŋ məsənək na kəsənək zəga pakə. Kəŋgəl ɗəf dəssohongən mok ɓa. Vini mətaf na səza Maŋgəlva kəgili. 31Yesu aɓsit na: Kakaŋ na kətafaŋgək kan sa? 32Mula pay tay əzzani, agapək səkay, kawtəragukumi, naway pak əmbat azet zəgeɗ nani, wakəppawən takərguwa. Ya takərgu nan ɓa, vi Afən tay də ina. 33Nənah sukum pak vasna vi kərahaŋgən zazay də əsler də iyna. Wakəssoŋ mokum ɓəɓiɓəɓi aka dəlva, ya məsok zukum, naw nəskak wəla dəlva.

Attualmente Selezionati:

Yohanna 16: GB

Evidenziazioni

Copia