དང་པ་ཀོ་རིན་ཐི། 2
2
1ཡུང་ཟི་བ་ ཇང་གོ་མ་ ན་ཧ་པོང་ཀ་ཨུན་ཅ་ཨ་ཉི་ ཆཱས་ཆི་ལུ་ཆི་ལུ་ ཨ་ཝ་བ་ཨ་ཉི་ ཉི་རིག་པ་ གནམ་མེད་ས་མེད་ཆོ་ཝ་ཅོད་ཉི་ དཀོན་མཆོག་ག་གསུང་ མ་བཤད་ཅི། 2ཧང་ཡ་དག་ནེ་ལ་ ཇང་ན་ཧ་པོང་ཀ་ ཆོ་ལེ་གང་ཀ་ ཡི་ཤུ་ཁིརིས་དང་ ཁྲིམས་ཤིང་ཐུང་ཀ་ཇཱན་ཉི་ བཀྲོངས་མ་ཀོར་གེ་ཤ་ མ་ཏོག་པ་ བཱརའ་ཧང་རང་ སེ་ལེ་ག་སེམས་ ཇ་ག་མཱན་ཆི། 3ཉི་ཇང་ ན་ཧ་པོང་ཀ་ ཨོ་ཕེ་གང་ཀ་ ཇང་ཤུག་མ་ཝ་ཆོ༌ཝ། ཉི་ཡོང་ཁེ་ཉི་ ཁང་ནེང་ནེང་ཨ་ཝ་ཆོ༌ཝ། 4ཉི་ཇི་གི་བཤད་ཁཱན་ ཆོས་གཏམ་དང་གསུང་ཁེ་པ་ ཞིམ་པུ་མ་ཝ་ཆོ༌ཝ། ཉི་རིག་པ་གི་བུ་ མ་ཕུང་མ་ཆོ༌ཝ། དག་པ་ཀབ་ཉི་ ཇི་གི་བཤད་པ་ཀབ་ཉི་ ཐུགས་ཉིད་ག་དབང་གེན༌མ། 5ན་ཤི་སོ་ངོ་ག་ རིག་པ་ཐུང་ཀ་མང་གི་ཝ་ དཀོན་མཆོག་ག་ དབང་ག་ཐུང་ཀ་ དད་པ་ཀེན་ཆེན་དག་པ་གེ་གི༌ལ༎
དཀོན་མཆོག་ག་རིག༌པ།
6གིན་ཐཱན་རང་གི་ནེ་བུ་ ཕུག་ཁཱན་བ་ཀ་པོང་ཀ་ ཨ་ཤི་རིག་པ་ག་ཐུང་ཀེ་ཨ་ཉི་ ཆཱས་ཨན༌ཅ། དག་པ་ཀབ་ཉི་ ཨོ་ཐ་འཛམ་གླིང་ག་ རིག་པ་མང་གི། ཉི་ཨོ་ཐ་ འཛམ་གླིང་དབང་ཁཱན་བ་ཀ་ རིག་པ་བུ་མང་གི། རོག་ཏེ་བ་ཤོ་ ཁུངས་ཧང་རང་མ་ཝ་ རི་ལེ་གང༌ཅ། 7ཨ་ཤི་ དཀོན་མཆོག་ག་ གུམ་ནང་རིག་པ་ག་ཀོར་གེ་ ཆཱས་ཨན༌ཅ། ཨོ་ཐ་རིག་པ་ཁེ་པ་ ཨོ་མ་སག་པུ་ གུམ་ཉི་ཐ་ཝ་ཆོ༌ཝ། མ་པ་ འཛམ་གླིང་མ་བཀོད་པེ་ གོ་མ་གེ་རང་ རོ་ཀི་ཨ་ཧ་གཟི་བརྗིད་ག་དེན་གེ་ རོ་ཀ་རིག་པ་ཐ་ཝ་ཆོ༌ཝ། 8ཨོ་ཐ་རིག་པ་ཀོར་གེ་ ཨོ་ཐ་འཛམ་གླིང་དབང་ཁཱན་བ་ཀི་ ཧ་གོ་ལེ་མར་ཤི། རོག་ཏེ་བ་ཀི་ ཧ་གོན་ཐཱན་ཨ་ནེ་ཏ་ ཨ་ཧ་གཟི་བརྗིད་ཅན་ག་གཙོ་བོ་ ཁྲིམས་ཤིང་ཐུང་ཀ་ཇཱན་ཉི་ མ་བཀྲོངས་མ་ཨོ་ཕེ། 9ཨོ་ཉེ་རང་གི་ནེ་བུ་ གསུང་རབ་ནང་ཀ་ ཨོ་ཐེན་འབྲི་བ་ཅ་
དཀོན་མཆོག་གི་ རོག་ཕང་ཁཱན་བ་ཀ་དེན་གེ་ ཧང་ཅབ་ཉི་ཐ་ཝ་ཅ་གི་ལ་སྨོ་ མིང་ཐུར་གི་རང་ ཐོང་མ་མཱན༌ཅ། ཉི་ན་ཐུར་གི་རང་ ཐ་ཝ་མཱན༌ཅ། ཉི་སེམས་ཐུར་གི་རང་ ཧ་གོ་ཝ་མཱན་ཅ་#2:9 ཡ་ཤའི་ཡ་ག་དཔེ་ཆ་ 64:4 དག༌ཉི།
10དག་པ་ཀབ་ཉི་ དཀོན་མཆོག་གི་ ཐུགས་ཉིད་ག་ཐུང་ཀེ་ཨ་ཉི་ ཨ་ཧ་གེན་ཉི་གནང༌མ། ཧང་ཡ་དག་ནེ་ལ་ ཐུགས་ཉིད་གི་ ཧང་རང་ལམ༌ཅ། ཉི་དཀོན་མཆོག་ག་ཀོར་གེ་ ཐམས་ཅན་རང་ལམ༌ཅ། 11སོ་ངོ་ག་སེམས་ཀ་ ཧང་ཅ་གི་ལ་སྨོ་ རོ་ཀ་ནང་ཀ་ཆོ་ཁཱན་སོ་ངོ་ རོག་ཏེན་ག་ རྣམ་ཤེས་གི་མ་ཏོག་པ་ བཱརའ་ཨི་བི་གི་སེ་ལེ་ཡ། ཨུ་ཉུ་པུརུས་ཀིན་ཨ་ཉི་ དཀོན་མཆོག་ག་ ཐུགས་བཞེད་ཁེ་པ་ དཀོན་མཆོག་ རོག་ཏེན་ག་ ཐུགས་ཉིད་གི་མ་ཏོག་པ་ བཱརའ་ཨི་བི་གི་རང་མ་སེ༌ལ། 12དཀོན་མཆོག་གི་ ཨ་ཧ་ཏོང་པ་གེ་གནང་ཁཱན་ཁེ་པ་ ཨ་ཤི་ཧ་གོན་ཆེན་དག་པ་གི་ འཛམ་གླིང་ག་ རྣམ་ཤེས་མང་གི་ཝ་ དཀོན་མཆོག་གི་གནང་ཁཱན་ ཐུགས་ཉིད་ཁེ་པ་ ཨ་ཤི་ཉོང་པ༌ཅ།
13ཨོ་ཉི་ཨ་དེན་གེ་ ཨ་ཤི་སོ་ངོ་ག་རིག་པ་ག་ ཐུང་ཀེ་ཨ་ཉི་མང་གི་ཝ་ ཐུགས་ཉིད་གི་ ཡེན་གནང་ཁཱན་ག་ ཐུང་ཀེ་ཨ་ཉི་ ཆཱས་ཨན༌ཅ། ཐུགས་ཉིད་ག་དེན་པ་བ་ ཐུགས་ཉིད་ག་ ཚིག་བ་ཀ་ཐུང་ཀེ་ཨ་ཉི་ དེན་ཐ་ཁྲེ་ཉི་བིན༌ཅ། 14ཐུགས་ཉིད་མ་ཁཱན་སོ་ངོ་གི་ དཀོན་མཆོག་ག་ ཐུགས་ཉིད་ག་ཐུང་ཀེ་ཨ་ཉི་ ཨུ་ཁཱན་བ་ ཞུ་ལུ་མཱན༌ཅ། ཧང་ཡ་དག་ནེ་ལ་ ཨུ་ཉུ་ད་བུ་སོ་ངོ་གི་ ཐུགས་ཉིད་ག་ཆཱས་ཁེ་པ་ ཧ་གོ་ལེ་མར་བ་ ཉི་ཁུངས་མ་ཝ་ཆིན༌མེ། ཐུགས་ཉིད་ག་ཆཱས་བ་ཤོ་ ཐུགས་ཉིད་ག་ཐུང་ཀེ་ཨ་ཉི་ཤ་ ཧ་གོ་ལེ་རེ༌བེ། 15ཨའི་ཀབ་ཉི་ ཐུགས་ཉིད་ཆོ་ཝ་ཨ་དེན་གེ་ ཨ་ཤི་ཐམས་ཅན་ག་ རྒྱུགས་ལ་ལེ་རེ༌བེ། དག་པ་ཀབ་ཉི་ བཱརའ་གི་ ཨ་ཧ་རྒྱུགས་ལ་ལེ་མར༌བ།
16གཙོ་བོ་གི་ ཐུགས་བསམ་བཞེས་ཁཱན་ཁེ་པ་ ཨི་བི་གི་སེ་ལེ་རེ་བེ་ཡ། རོ་ཀ་ཨི་བི་གི་ ཡེ་ལེ་རེ་བེ་ཡ།#2:16 ཡ་ཤའི་ཡ་ག་དཔེ་ཆ་ 40:13
དག་པ་ཀབ་ཉི་ ཨ་ཤི་ཨོ་ཐ་བ་ ཧ་གོ་ལེ་རེ༌བེ། ཧང་ཡ་དག་ནེ་ལ་ ཁིརིས་ག་ཐུགས་བསམ་ཤོ་ ཨའི་ཀབ་ཉི༌ཅ༎
Attualmente Selezionati:
དང་པ་ཀོ་རིན་ཐི། 2: TNTB
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Tshangla New Testament
© 2023, The Bible Society of India
all rights reserved