དང་པ་ཀོ་རིན་ཐི། 1
1
1ཨོ་ཐ་ཡི་གུ་ཤོ་ དཀོན་མཆོག་ག་ ཐུགས་བཞེད་དང་ཏུ་ཉི་ ཡི་ཤུ་ཁིརིས་ག་ སྐུ་ཚབ་ཨ་ཉི་སི་ཁཱན་ པ་ཝལ་དང་ ཨ་ཧ་ཀོ་ཏ་སོས་ཐེ་ནེས་གེ་གི༌ལ།
2ཨ་ཆིང་གི་ ཨོ་ཐ་ཡི་གུ་ཁེ་པ་ ཀོ་རིན་ཐི་ག་ཆོ་ཁཱན་ དཀོན་མཆོག་ག་ ཆོས་ཚོགས་ག་ཏཱན་ འབྲི་ཅ་གི༌ལ། ཉི་ན་ཧ་བ་ཤོ་ དམ་པ་ཨ་ཉི་ཆོ་ལེ་དེན་གེ་ དཀོན་མཆོག་གི་ར་ཝ་གི༌ལ། ཨུ་ཉུ་པུརུས་ཀིན་ཨ་ཉི་ ཆོ་ལེ་དེན་གེ་ གཙོ་བོ་ཡི་ཤུ་ཁིརིས་ག་ མཚན་ཞུ་ཁཱན་ བཱརའ་ས་ཆ་ཐམས་ཅན་ག་ དཀོན་མཆོག་ག་ དམ་པའི་སོ་ངོ་བ་བུ་ རོ་ཀི་ར་ཝ་གི༌ལ། ཉི་ཁིརིས་ཤོ་ ཨའི་དང་ རོག་ཏེ་བ་ ཐམས་ཅན་ག་ གཙོ་བོ་གི༌ལ།
3ཨ་ཧ་ཡབ་དཀོན་མཆོག་དང་ གཙོ་བོ་ཡི་ཤུ་ཁིརིས་གི་ ན་ཧ་ཐུགས་རྗེ་དང་ སྐྱིད་པུ་གནང་ཆེན༎
བཀའ་དྲིན་བསམ་མ༌ལ།
4ཁིརིས་ཡི་ཤུ་ག་ཐུང་ཀེ་ཨ་ཉི་ དཀོན་མཆོག་གི་ ན་ཧ་ཐུགས་རྗེ་གནང་མ་ཨ་དེན་གེ་ ཇི་གི་ན་ཧ་དེན་གེ་ ཏ་བུ་རང་ བཀའ་དྲིན་བསམ༌ཅ། 5ཧང་ཡ་དག་ནེ་ལ་ ན་ཧ་ཆཱས་ཐམས་ཅན་དང་ ཡོན་ཏན་གེ་གོ་ཙུག་ཉི་ བཱརའ་ཧང་ག་རང་གི་ནེ་བུ་ རོ་ཀི་ན་ཧ་བ་ ཁིརིས་ག་ཐུང་ཀེ་ཨ་ཉི་ ཇོབ་ཇོབ་ཅོད་ཉི་གནང་མ༌ཅ། 6ཉི་ཨུ་ཐུ་གི་ཤོ་ ཨ་ཤི་ཁིརིས་ག་ཀོར་གེ་ འཛོམས་དཔང་དཔང་བཞག་ཨ་ཁཱན་ཁེ་པ་ དེན་པ་གི་ལ་ཨ་ཉི་ ཁུངས་ཀེ་ཅ་གི༌ལ། 7ཉི་ཨོམ་ ན་ཧ་བ་ཚ་གྱང་བང་ཉི་ ཨ་ཧ་གཙོ་བོ་ཡི་ཤུ་ཁིརིས་ ལོག་ཉི་བྱོན་མེ་ག་ ནོང་ཅ་ཨ་ཉི་ ན་ཧ་བ་ ཐུགས་ཉིད་ག་སེ་རབ་ ཧང་གི་རང་ མ་ཀོན་མ་རི་ཝ༌ཅ། 8ཉི་ན་ཧ་བ་ ཨ་ཧ་གཙོ་བོ་ཡི་ཤུ་ཁིརིས་ག་ནོང་ཀ་ ཅོན་ད་སུ་རང་མ་ཝ་ ཨུན་ཆེན་དག་པ་གི་ རོ་ཀི་ན་ཧ་བ་ ཇུ་ཀ་སག་པུ་རང་ སྒྲིང་སྒྲིང་ཨ་ཉི་ཐཱན་གནང༌མེ། 9རོ་ཀ་སྲས་ཡི་ཤུ་ཁིརིས་ ཨ་ཧ་གཙོ་བོ་ཀབ་ཉི་ ཆོས་གྲོགས་ཨ་ལེ་དེན་གེ་ ན་ཧ་བ་ར་ཁཱན་ དཀོན་མཆོག་ཤོ་ དམ་ཚིག་ཙུང་ཁཱན་ དཀོན་མཆོག་གི༌ལ༎
ཆོས་ཚོགས་ག་ མ་ཆ་མ་ཅ་གི་ཝ༌ལ།
10ཡུང་ཟི་བ་ ཨ་ཧ་གཙོ་བོ་ཡི་ཤུ་ཁིརིས་ག་ དབང་ཚད་ག་ཐུང་ཀེ་ཨ་ཉི་ ཇི་གི་ན་ཧ་ཡེག་ཅ་ ན་ཧ་བ་ ཐུར་དང་ཐུར་ཀབ་ཉི་ དྲིག་ཉི་ཆོའི། ཉི་ཤ་ ན་ཧ་བ་ནང་དོ་ མ་ཆ་མ་མ་རི༌ལ། ཉི་ན་ཧ་སེམས་དང་མི་ཐང་བུ་ ཐུར་རི༌ལེ། 11ཧང་ཡ་དག་ནེ་ལ་ ན་ཧ་བ་ནང་དོ་མ་ཆ་མཱན་ ཤག་རུམ་ལ་དག་ཉི་ ཀ་ལོ་ཨེ་ག་ཕའི་ག་ སོ་ངོ་ཚེ་བང་གི་ ཇ་ག་ཡེག་ཆོ༌ཝ། 12ཇི་གི་ཡེག་པེ་དེན་ཐ་ཤོ་ ཚེ་བང་གི་ཡེག་ལ་དང་ ཇང་པ་ཝལ་ག་གི་ལ་དག༌ཉི། ཉི་ཚེ་བང་གི་ཡེག་ལ་དང་ ཇང་ཨ་པོལ་ལོས་ག་གི་ལ་དག༌ཉི། ཉི་ཚེ་བང་གི་ཡེག་ལ་དང་ ཇང་པ་ཏྲུས་ག་གི་ལ་དག༌ཉི། ཉི་ཨོམ་ཆང་ ཚེ་བང་གི་ཡེག་ལ་དང་ ཇང་ཁིརིས་ག་གི་ལ་དག༌ཉི།
13ཧང་ཁིརིས་བོང་མ་ཅ་སྨོ། ཧང་པ་ཝལ་ ན་ཧ་དེན་གེ་ ཁྲིམས་ཤིང་ག་ཇཱན་ཉི་ ཤི་ཝ་སྨོ། ཧང་ན་ཧ་བ་ པ་ཝལ་ག་མིང་ག་ ཁྲུས་གསོར་ཕི་ཝ་སྨོ། 14ན་ཧ་པོང་ཀེ་ ཀིརིས་པཱས་དང་ ག་ཡཱས་གེ་ལག་ཉི་ བཱརའ་ཨི་བི་ག་རང་ ཇི་གི་ཁྲུས་གསོར་མ་ཕི་ཝ་ཨ་དེན་གེ་ ཇི་གི་དཀོན་མཆོག་ག་ བཀའ་དྲིན་བསམ༌ཅ། 15ཨོ་ཉི་ཨ་དེན་གེ་ ན་ཧ་བ་ ཇ་ག་མིང་ག་ ཁྲུས་གསོར་ཕི་ཝ་གི་ལ་དག་ཉི་ ཨི་བི་གི་རང་ ཡེག་པེ་མར༌བ། 16གི་ལ་ ཨིས་ཏི་ཕ་ནཱས་#1:16 མཛད་པ་ 6–8ག་ཕའི་ག་ སོ་ངོ་བ་ཀ་ ཇི་གི་ཁྲུས་གསོར་ཕི༌ཝ། དག་པ་ཀབ་ཉི་ ཨོ་ཉ་གེ་ལག་ཉི་ ཇི་གི་བཱརའ་ཨི་བི་ག་རང་ ཁྲུས་གསོར་ཕི་ཝ་ག་ ཡིད་ཀ་ཨ་ལུ་མ༌ལ། 17ཧང་ཡ་དག་ནེ་ལ་ ཇང་ཤོ་ ཁིརིས་གི་ ཁྲུས་གསོར་ཕི་ལེ་དེན་གེ་ ཀུན་ཏི་ཝ་མང་གི་ཝ་ འཐེན་ལེག་པུ་བཤད་པེ་དེན་གེ་ ཀུན་ཏི་ཝ་གི༌ལ། ཉི་ཨོམ་ཆང་རང་ སོ་ངོ་ག་རིག་པ་ཐུང་ཀེ་ཨ་ཉི་ བཤད་པེ་དེན་གེ་བུ་ ཀུན་ཏི་ཝ་མང་གི། ཨོ་ཉེན་རང་གི་ནེ་ཏ་ ཁིརིས་ཁྲིམས་ཤིང་ག་གཤགས་ཉི་ ཁུངས་ཧང་རང་མ་ཝ་རི༌ལེ༎
ཁིརིས་ཤོ་ རིག་པ་གི༌ལ།
18དམྱལ་བ་ག་དི་ལེ་ཁེ་ཁཱན་ སོ་ངོ་བ་ཀི་ ཁིརིས་ཁྲིམས་ཤིང་ག་ གཤགས་པ་ཀོར་གེ་ ཡེག་པ་ཀབ་ཉི་ ཇུང་ཁུངས་མ་ཝ་ཙིན༌ཅ། དག་པ་ཀབ་ཉི་ ཨའི་ཐར་པ་ ཉོང་པེ་གང་ཆོ་ཁཱན་བ་ཀ་དེན་གེ་ དཀོན་མཆོག་ག་དབང་གི༌ལ། 19ཧང་ཡ་དག་ནེ་ལ་ གསུང་རབ་ག་ ཨོ་ཐེན་འབྲི་བ་ཅ་
ཇི་གི་སོ་ངོ་སེ་བུ་བ་ཀ་རིག་པ་ མེ་པ་ཕི༌ལེ། ཉི་སོ་ངོ་མཁས་ཏྲ་བ་ཀ་རིག་ཚེ་ མ་ཝ་ཅོད་པེ་#1:19 ཡ་ཤའི་ཡ་ག་དཔེ་ཆ་ 29:14 དག༌ཉི།
20སོ་ངོ་སེ་བུ་བ་ ཨོ་ག་ཅ་ཡ། མཁན་པོ་བ་ ཨོ་ག་ཅ་ཡ། ཉི་འཛམ་གླིང་ག་ རྩོད་པ་ཕི་ལེ་ག་ མཁས་ཏྲ་ཆོ་ཁཱན་བ་ ཨོ་ག་ཅ་ཡ། ཧང་འཛམ་གླིང་ག་ རིག་པ་ཁེ་པ་ དཀོན་མཆོག་གི་ ཁུངས་མ་ཝ་ཅོད་ཉི་ མ་གནང་མ་ལ་སྨོ། 21དཀོན་མཆོག་གི་ རོ་ཀ་རིག་པ་ག་ ཐུང་ཀེ་ཨན་གཟིགས་ཉི་ སོ་ངོ་བ་ཀི་ རོག་ཏེ་བ་ཀ་ རིག་པ་ག་ཐུང་ཀེ་ཨ་ཉི་ རོག་ཏི་ངེ་རང་ མཇལ་བེ་མར་བ་ ཅོད་ཉི་གནང་མ༌ཅ། དག་པ་ཀབ་ཉི་ ཨ་ཤི་བཤད་ཁཱན་གསུང་ག་ རིག་པ་མ་ལ་དག་ཉི་ སོ་ངོ་བ་ཀི་ མིན་ཐཱན་རང་གི་ནེ་བུ་ ཨ་ཤི་བཤད་ཁཱན་ག་ དད་པ་ཨ་ཁཱན་བ་ཀ་ ཐར་པ་གནང་མེ་ག་ དཀོན་མཆོག་ཐུགས་བཞེན༌ཅ། 22ཡ་ཧུ་དི་པ་བ་ཀི་ རྟགས་གེན་ཤོ་ཨ་ཉི་ཡེག༌ལ། ཉི་གིརིག་བ་ཀི་ རིག་པ་ལམ༌ལ། 23དག་པ་ཀབ་ཉི་ ཨ་ཤི་ ཁིརིས་ཁྲིམས་ཤིང་ཐུང་ཀ་ཇཱན་ཉི་ བཀྲོངས་མ་ཀོར་གེ་བཤད༌ཅ། ཉི་ཨོ་ཐ་ཆཱས་གི་ ཡ་ཧུ་དི་པ་བ་ཀ་ སེམས་ཀ་ཁེ་ན། ཉི་ཡ་ཧུ་དི་པ་མང་གི་ཁཱན་བ་ཀི་ཡེག་ལ་ ཨོ་ཐ་ཆཱས་ ཇུང་ཁུངས་མ་ཝ་ལ་དག༌ཉི།
24དག་པ་ཀབ་ཉི་ དཀོན་མཆོག་གི་ར་ཁཱན་ ཡ་ཧུ་དི་པ་དང་ གིརིག་ག་དེན་གེ་ ཁིརིས་ཤོ་ དཀོན་མཆོག་ག་ ཤུགས་སྟོབས་དང་ རིག་པ་གི༌ལ། 25ཧང་ཡ་དག་ནེ་ལ་ སོ་ངོ་གི་ དཀོན་མཆོག་ཡོང་བ་ཅ་དག་ཉི་ མི་ནེ་བུ་ རོག་ཤོ་ སོ་ངོ་མཁས་ཏྲ་ག་ རིག་པ་གེ་ལག་ཉི༌ཅ། ཉི་སོ་ངོ་གི་ དཀོན་མཆོག་ ཤུག་མཱན་ཅ་དག་ཉི་ མི་ནེ་བུ་ རོག་ཤོ་ སོ་ངོ་ཤུག་ཅཱན་ག་ ཁེ་ཀོ་གེ་ལག་ཉི༌ཅ།
26ཡུང་ཟི་བ་ དཀོན་མཆོག་གི་ ན་ཧ་བ་ར་ལེ་གང་ཀ་ ནའི་ཧང་ད་བུ་ཆོ་ཝ་གི་ལ་སྨོ་ ཡིད་ཀ་ཨའི། སོ་ངོ་བ་ཀ་མིང་གི་ གོད་པ་ཀབ་ཉི་ ན་ཧ་བ་མང་པུ་ཐུར་ སེ་བུ་མཱན་ཆི། ཤུག་ཅཱན་བུ་མཱན་ཆི་ ཉི་བེ་དིང་བུ་མཱན་ཆི། 27དག་པ་ཀབ་ཉི་ འཛམ་གླིང་ག་སོ་ངོ་སེ་བུ་བ་ ངི་ནང་ཁུ་ལེ་བི་ལེ་དེན་གེ་ དཀོན་མཆོག་གི་ སོ་ངོ་ཡོང་བ་བ་ སི་ཉི་གནང༌མ། ཉི་འཛམ་གླིང་ག་ཤུག་ཅཱན་བ་ ངི་ནང་ཁུ་ལེ་བི་ལེ་དེན་གེ་ དཀོན་མཆོག་གི་ ཤུག་མ་ཁཱན་བ་ སི་ཉི་གནང༌མ། 28འཛམ་གླིང་གི་ ཁག་ཆི་ལུ་གི་ལ་དག་ཉི་ མི་ཁཱན་བ་ ཁུངས་ཧང་རང་མ་ཝ་ཅོད་པེ་དེན་གེ་ འཛམ་གླིང་གི་མ་ཙི་ཁཱན་དང་ མ་ལེག་ཁཱན་ ཉི་ཁུངས་མ་ཝ་ཙི་ཁཱན་བ་ དཀོན་མཆོག་གི་ སི་ཉི་གནང༌མ། 29ཉི་ཨུ་ཉུ་ཤོ་ ཨི་བི་གི་རང་ དཀོན་མཆོག་ག་སྐུན་མདུན་ག་ ཁམ་མ་ཙོང་ཆེན་དག་པ་གེ་གི༌ལ།
30དཀོན་མཆོག་གི་ ན་ཧ་བ་ ཁིརིས་ཡི་ཤུ་ག་ ཕ་ཉི་གནང་མ་གི༌ལ། ཉི་ཁིརིས་ཤོ་ དཀོན་མཆོག་གི་ ཨ་ཧ་རིག་པ་ཅོད་ཉི་གནང་མ༌ཅ། ཉི་ཁིརིས་གི་ཨ་ཉི་ ཨའི་དཀོན་མཆོག་ག་ ཐུགས་ཀ་ཚུད་པ་ ཅོད་ཉི་གནང་མ༌ཅ། རོ་ཀི་ཨའི་ཙང་མ་དང་ དམ་པ་ཅོད་ཉི་གནང་མ༌ཅ། ཉི་རོ་ཀི་ ཨ་ཧ་ཚེ་ཐར་གནང་མ༌ཅ། 31ཨོ་ཉི་ཨ་དེན་གེ་ གསུང་རབ་ནང་ཀ་ ཨོ་ཐེན་འབྲི་བ་ཅ་ ཨི་བི་གི་ ཁམ་ཙོང་མ་ཐུར་ གཙོ་བོ་ག་མཚན་ག་ ཁམ་ཙོང་ཤོ་#1:31 ཡར་མི་ཡ་ག་དཔེ་ཆ་ 9:24དག༌ཉི།
Attualmente Selezionati:
དང་པ་ཀོ་རིན་ཐི། 1: TNTB
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Tshangla New Testament
© 2023, The Bible Society of India
all rights reserved