yuwana 14

asa 14

ṯaṯ ḏeḏi baba

1aṯaji dugwor mɩɽiḏo no. əmɩnyil eloŋu, nyiləmɩnyi dino. 2kalo geḏi baba gwi lɩdunu lo lutu, ḏa late lijo no nyi gwajuməḏɩjo, gwunnɩno nyi mele nyi gwajigelijo gala muma. 3namɩni ḏa nyi mele nyi gwajigelijo gala muma, na nyi gwaje gwaɽuwa mɩna, na nyi gwajapa lugwi, na galo gun ginɩje gwanyanje dino. 4na nyalalɩŋe gala gun ginwele na nyalalɩŋe ṯaṯ. 5na ṯoma uməḏɩjo nueicɩno, gwele gwəri, anate analɩŋe gala gun gar ganwele no; namɩni galakwe anəṯi ŋɩma analɩŋe ṯaṯ? 6na yecu eicɩno, nyi gwiro ṯaṯ, na ŋuɽun ŋun ŋiro gwerkwe, na ḏɩmiḏa. gwiji gwate gwun gwele ḏi baba gwi no, ḏa gwate gwumila lugwi no. 7ḏa nya lilɩŋiḏɩnyi nanyalaŋalɩŋe babaŋ gwi dino, na uro gwunnɩnno gwanyalɩŋe; na gwaŋəḏanya. 8na bilibus eicɩno, gwele gwəri, aŋijije babaŋ na ŋedaḏaṯo lagəri. 9na yecu eicɩno, ilijo ŋwamon ŋwutu dino na ŋa gwate milɩŋe, bilibus na? gwun gwaŋəḏi na gwimaŋu babaŋ dino namɩni galakwe gəko na ŋarno, aŋɩjije babaŋ? 10ŋa gwate gwəmɩnyu naŋarno nyi gwajaḏaṯa ḏi baba na baba gwajaḏaṯa lugwi na? ŋuɽun ŋun ŋaṯajiŋuməḏɩjo ŋate ŋaṯilumə ŋele ŋe ŋinyi no, namɩni baba gwun gwajaḏaṯa lugwi gwiro gwun gwaṯape ŋɩru ŋuŋun. 11əmɩnyil nyi gwajaḏaṯa ḏi baba na baba gwajaḏaṯa lugwi i nyəmɩnyi ŋuɽun ŋe ŋeḏi ŋɩru. 12gwerkwe, gwerkwe ganu, nyi gweiceijɩno, gwun gwəmɩnyi na ŋɩru ŋun ŋaṯilape ŋulape dino, na ŋu ŋape gworo gwubuṯano gi gwune nyi gwar gwele ḏi baba gwi. 13na ŋuɽun wei ŋun ŋanyalɽoṯəḏɩjo jɩrɩ je jinyi ŋilarre, kani a ŋi ŋaɽe buḏi babaŋ. 14ḏa manyaɽoṯəḏɩjo gwaŋ gwe gwədi jiri je jinyi na ŋilarre.

yecu gwuməḏɩjo calɩmis jal elo ḏəḏə gwuɽɩwə gwun gwɩpiḏo pɽul

15ḏa nyalmɩnyiəmɩnyi nyamɩni dɩme ŋuɽuna ŋinyi; 16na nyi gwaṯuməḏəṯɩjo babaŋu lagalo, na ŋu gwajiḏəḏə gwun gwaṯɩmoɽe ganu, gwun gwiro kaja gwaṯanyalijaḏaṯa gi gɩḏilio. 17gwun gwiro gwuɽɩwə gweḏi ŋuɽun ŋun ŋiro gwerkwe gwun gwate gwəṯi ŋɩma gwa liji leḏi gɩḏilio əmɩnyi no, gi gwune gwate gwaŋəḏɩlo no, na gwate gwilɩŋiḏɩlo no. namɩni nyaŋa gwilɩŋiḏanya gɩ gwune aṯanyalijaḏaṯa na gwaṯɩje lagalo. 18nyi gwate gwəjouwɩrico nya laro leḏol cucun no, nyi gwo gwuwiḏi lagalo. 19ŋwamon ŋwouwɩrio na liji leḏi gɩḏilio late linyinaŋu minu no, namɩni nyaŋa nyalɩnyiaŋu, na gi gwune nyi məmɩḏe na nya ləmɩḏe dino. 20na gi lamon lono nalalɩŋe nyi gwo ḏi baba gwi, na nyaŋa lo lugwi, na nyi gwo lagalo. 21gwun gwəṯi ŋuɽuna ŋinyi nuldɩme, gwiro gwun gwəmɩnyi; na gwun gwəmɩnyi na gwa baba gwi əmɩnyi, na nyi gwiəmɩnyi na nyi gwiaŋinijo. 22na yauḏa uməḏɩjo gwun gwate gwan iskariyuṯi no, nueicɩno, gwele gwəri, galakwe ŋa gwijaŋinijo namɩni ate naŋinijo gɩḏilio no? 23na yecu wɩrlijo ŋuɽuna nueicɩno, na ḏa gwete mɩnyiəmɩnyi gwadɩme ŋɩɩɽuna ŋinyi, na gwa baba gwi əmɩnyi, na anila lugwun gwanalijaḏaṯa. 24na gwun gwate gwəmɩnyinyi no gwate gwadɩme ŋuɽuna ŋinyi no; na ŋuɽun ŋun ŋaṯanyaldiŋɩni lugwi ŋinyi ŋədu no namɩni ŋeḏi baba gwun gwuwəjɩŋi.

25na nyi gwuməḏɩjaje ŋuɽuna ŋeno gi gwune nyi gwijɩre lagalo; 26namɩni gwun gwaṯɩmoɽe ganu, gwun gwiro gwuɽɩwə gwun gwɩpiḏo pɽul, gwun gwaji baba wəḏɩjo jiri je jinyi, gwajalɩmi ŋɩdi wei na gwaṯajaḏɩŋani ŋuɽuna wei, ŋun ŋuməḏɩjejɩlo. 27ḏouwɩɽiḏa ḏajɩnwelijene; ḏouwɩɽiḏa ḏinyi ḏimajiḏəḏə; ḏate ḏiro gi ḏun ḏiḏəḏi gɩḏilio no namɩni ḏajiḏəḏə nyaŋa. aṯaji dugwor mɩɽiḏo no i nyaḏonyɩḏa no. 28nyalmaḏiŋɩni nyi gweiceijɩno, nyi gwawele namɩni nyi gwaɽuwa laglo. na ḏa nya ləmɩnyinyi nyaladile ganu gi gwune arne nyi gwele ḏi baba, gi gwune baba gwi gwubuṯano lugwi. 29na nyi gwuməḏɩjaje gwunnɩno ŋore ŋate ŋɩmila no, kəbe ḏa ŋɩmar ŋɩmila nyaləmɩnyi. 30ilate lar lumə gɩtten mɩna no, gi gwune gwele gweḏi gɩḏilio keno gwila. na gwate gwəṯi ŋuɽuna ŋədi lugwi no; 31kani a gɩḏilio lɩŋe nyi gwəmɩnyu babaŋ, na gi gwune ḏəḏi baba ŋuɽuna na dino ŋilarre. diɽil, ilwele ŋɩnəwei.

Attualmente Selezionati:

yuwana 14: OTR1966

Evidenziazioni

Copia