Nahumu 1
1
Uburake bg’Imana ku bansi bayo
1 #
Yes 13:1; Yon 1:2; Hab 1:1. Imbūri yo kuri Ninewe. Igitabo c’ivyo Nahumu Umwelekoshi yeretswe.
2 #
Kuv 20:5. Uhoraho n’Imana ifūha kandi ni we ahōra; Uhoraho arahōra kandi yuzuye uburake; Uhoraho yihōra abarwanizi biwe, kand’ abansi biwe ababīkira uburake. 3#Kuv 34:6, 7; Zab 97:2; 147:5.Uhoraho ateba kuraka, kand’ afise ububasha bginshi, ntatsindanishiriza na gatoya abo gutsindwa; inzira y’Uhoraho ica mu gashururu no mu kirura, kand’ ibicu ni wo mukungugu utumurwa n’ibirenge vyiwe. 4#Yes 33:9; 50:2.Akankamira ikiyaga akagikamya, agakamya n’ inzūzi zose; Bashani na Karumeli harahondobereye, n’amashurwe y’i Lebanoni arahondobereye. 5#Zab 98:7; Yer 4:24; Hab 3:6.Imisozi ishizwe mu gatengo na we, n’uturambi turashonze; isi isebagizwa imbere yiwe, isi n’abayibako bose. 6#Zab 79:6; Ezk 38:20; Mal 3:2.Ni nde yoshobora guhagarara imbere y’ ubushangashirwe bgiwe? Kandi ni nde yoshobora kwihanganira uburake bgiwe bukaze? Uburake bgiwe busukwa nk’umuriro, kandi ni we amenagura ibitandara.
Ingen’ Imana izigama abayo ikica abamenja
7 #
Zab 46:1; 100:5; Yes 25:4; Yoh 10:14, 27; 1 Kor 8:3. Uhoraho ni mwiza, n’ubuhungiro bgo ku musi w’amagorwa; kand’ arazi abamwizigira. 8#Yes 8:22; 30:28.Arikw abarwanizi biwe azotuma batwarwa n’uruzi rusendanisha, kand’ abansi biwe azobakinagiza abashitse mu mwiza. 9#Yes 10:7.Ivyo muja imigabo k’Uhoraho n’ibiki? Azobageseza rwose: ubgo buyobe ntibuzorinda guhaguruka ubugira kabiri. 10#Yow 2:5; Mik 7:4.Kuko naho bomera nk’amahwa azitanye, canke bagahindurwa iveve n’inyobga, bazotōngōrwa rwose nk’ibirararara vyumye. 11#2 Abam 19:22, 23.Muri wewe haturutse uwagiye imigabo mibi k’Uhoraho, aja inama y’ibibi. 12#Yes 10:33, 34; 37:36.Uku ni k’Uhoraho agize, ati Naho bogira inkomezi nyinshi, bagatako bakaba benshi, bazogesezwa, n’uyo na we azokamangana. Ariko weho naho nakubabaje, sinzosubira kukubabaza ukundi. 13#Yes 10:27.Mber’ ubu ngira mvune ingōgo yiwe ikuveko, mvutagure n’imvuto zikuboshe.
14 #
Zab 109:13; Yes 30:33; Ezk 32:21-23. Kand’ Uhoraho yarashinze ivyawe, ngo Nta bandi b’izina ryawe bazosubira gutoha; nzohenebereza igishushanyo cabājwe n’igishushanyo cavugutiwe mu nkero mu nzu y’ibigirwamana vyawe; nzokwimbira icobo co kuguhambamwo, kuk’ ugayitse.
15 #
Yes 52:7; Yow 3:17; Rom 10:15. Rāba ku misozi ibirenge vy’ ūzanye inkuru nziza, akāmāmaza ivy’ amahoro! Buyuda we, ni witondere imisi mikuru yawe, ushitse amasezerano yawe: kuk’ umunyakibi atazosubira guca hagati muri wewe: arahenebereye rwose.
Attualmente Selezionati:
Nahumu 1: RUN1967
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Bibliya Yera © Société Biblique du Burundi, 1967
