Mika 1
1
Imbūri zo kuri Samariya n’i Buyuda
1 #
Yes 1:1; Yer 26:18; Hos 1:1. Ijambo ry’Uhoraho ryaje kuri Mika w’i Moresheti, ku ngoma ya Yotamu no ku ya Ahazi no ku ya Hezekiya, abami b’i Buyuda, amajambo y’ivyo yeretswe kuri Samariya n’i Yerusalemu.
2 #
Zab 11:4; 50:7; Yes 1:2; Mal 3:5. Ni mwumve, mwa moko yose mwe; tega amatwi nawe wa si, n’ibiri muri wewe vyose! Umwami Uhoraho n’abe icagiriza canyu, Umwami ari mu rusengero rwiwe rwera. 3#Yes 26:21; Am 4:13.Kukw ehe rāba, Uhoraho ahagurutse ava i we, agira amanuke, atambagire ku mpinga z’imisozi yo mw isi. 4#Zab 97:5; Nah 1:5.Imisozi izoshongera musi yiwe, n’imyonga isaduke, bibe nk’ishashara ir’ imbere y’umuriro, canke nk’amazi arindimuka ku gatembge. 5#2 Ngo 28:4.Ivyo vyose vyatewe n’igicumuro ca Yakobo, n’ivyaha vy’inzu ya Isirayeli. Non’ igicumuro ca Yakobo n’iki? Mbega s’i Samariya? Kand’ ibitabo vyatabge i Buyuda n’ibiki? S’i Yerusalemu? 6#1 Abam 16:24; Mik 3:12.Ni co gituma igisagara c’i Samariya nzogihindura nk’ikigūngūzi c’amabuye co mu ndimiro, habe aho gutera imizabibu; kand’ amabuye yaho nzoyahondoganiriza mu mwonga, n’amatanguriro y’amazu yaho nzoyaserura ahabona. 7#Hos 2:12; 8:6.Ibishushanyo vyaho vyose bibajwe bizojanjagurwa bicike ubunywenywe, n’impēra zaho zose z’ivy’ isoni nke zizoturirwa n’umuriro, kand’ ibigirwamana vyaho vyose nzobihonnya; kuko habirundanije ar’ impēra z’ubumaraya, kandi bizosubira kuba impēra nyene za maraya wundi.
8 #
Yob 30:29; Yes 20:2-4; 22:4. Kubg’ ivyo nzorira mboroge, ngende nambaye ubusa, ata n’ inkweto: nzorira nk’imbgebge, mboroge nk’ igisīga citwa imbuni. 9#Hos 5:13.Kuk’ uruguma rwaho rutazovūrika: mbere rwashitse n’i Buyuda; rushika kw irembo ry’ abantu banje, mbere rurinda rushika n’i Yerusalemu. 10#2 Sam 1:20; Yer 6:26.Ntimukabikerukirize i Gati, ntimuzirukanye ngo murire; i Beti‐Leyafura abe ari ho mwikumbagariza mu mukungugu. 11Enda vayo wambaye ubusa utēterewe, wewe uba i Shafiri; ūba i Zanani ntaruha asokoroka; i Beti‐Ezeli hazorandurwa, hakūrwe ku matanguriro yaho. 12#Am 3:6.Ūba i Maroti yiteganye ivyiza umutima uhagaze: kukw ivyago vyamanutse bivuye k’Uhoraho, bigashika kw irembo ry’i Yerusalemu. 13#2 Abam 18:14, 17; Hos 13:1.Yemwe ababa i Lakishi, muhambīrire umukogote kw ifarasi inyaruka: ni mwebge mwabanje gucumuza umukobga w’i Siyoni; kukw ibicumuro vy’Abisirayeli vyabonetse kuri mwebge. 14Ni co gituma uzoha Moresheti‐Gati ivyo gucancabura: amazu ya Akizibu azoyangārira abami b’Abisirayeli. 15Namwe muba i Maresha nzobarungikira ūzobanesha; ubgiza bg’ Abisirayeli buzoshika no muri Adulamu. 16#Yes 22:12.Imoshe inkomvorera, wiharanguze, kubg’ abana bawe wakunda; ongeranya ubuhanza bgawe, bube nk’ubg’ ikinyakabaka; kuko wabasahuwe, bakajanwa ar’ inyagano.
Attualmente Selezionati:
Mika 1: RUN1967
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Bibliya Yera © Société Biblique du Burundi, 1967
