Amosi 1
1
Imbūri zo ku mahanga ndwi akikije Abisirayeli
1 #
2 Abam 14:23; 2 Ngo 26:1, 3; Hos 1:1; Am 7:10, 14, 15; Zek 14:5. Amajambo ya Amosi wo mu bungere b’i Tekowa, y’ivyo yeretswe ku Bisirayeli ku ngoma ya Uziya umwami w’i Buyuda, no ku ngoma ya Yerobowamu mwene Yehowasi, umwami w’Abisirayeli, avyeretswe, hashira imyaka ibiri kwa gutigita kw’isi kuraza.
2 #
Yow 3:16. Nuko yaravuze, at’ Uhoraho azokwivugira i Siyoni, arangurure ijwi ar’ i Yerusalemu; maz’ amaragiro y’abungere azosigara aganya, no ku gatwe k’i Karumeli hazokwuma.
3 #
2 Abam 10:33; Imig 30:18; Yes 8:4. Uku ni k’Uhoraho agize, ati Kubg’ ibicumuro bitatu vy’i Damasiko, mbere ni bine, sinzovyirengagiza; kuko bāhūraguje i Gileyadi ibibando vy’ivyuma: 4#2 Abam 13:24, 25; Yer 49:27.nuko nzokwanda umuriro inzu ya Hazayeli, utongore ingoro za Beni‐hadadi. 5#2 Abam 16:9; 19:12; Am 9:7.Kandi nzovunagura ibihindizo vy’i Damasiko, mpenebereze ababa mu kiyaya c’i Aveni, bo n’uwitwaje icumu ry’ubugabe w’i Beti‐Edeni; kand’ ihanga ry’i Siriya rizokwambukanwa i Kiri ar’ inyagano, ni k’Uhoraho agize.
6 #
2 Ngo 28:17, 18; Yer 47:1, 5; Yow 3:4-6; Zef 2:4. Uku ni k’Uhoraho agize, ati Kubg’ ibicumuro bitatu vy’i Gaza, mbere ni bine, sinzovyirengagiza; kuko bajanye ihanga ryose ar’ inyagano, bakabashora ku Banyedomu: 7nuko nzokwanda umuriro uruzitiro rw’i Gaza, utongore ingoro zaho; 8kandi nzohenebereza ababa muri Ashidodi, bo n’uwitwaje icumu ry’ubugabe muri Ashikeloni; kandi nzotuma ukuboko kwanje ntere Ekuroni, maz’ amasigarira y’Abafilisitiya azohona, ni k’Umwami Uhoraho agize.
9Uku ni k’Uhoraho agize, ati Kubg’ ibicumuro bitatu vy’i Tiro, mbere ni bine, sinzovyirengagiza; kuko bajanye ihanga ryose ar’ inyagano, bakabashora ku Banyedomu, ntibibuke isezerano ry’ umuvukano. 10Nuko nzokwanda umuriro uruzitiro rw’i Tiro, utongore ingoro zaho.
11 #
Zab 137:7; Ezk 35:5; Yow 3:19. Uku ni k’Uhoraho agize, ati Kubg’ ibicumuro bitatu vy’i Edomu, mbere ni bine, sinzovyirengagiza; kuko yakinagije mwene nyina n’inkota, akamiriranya icitwa imbabazi cose, uburake bgiwe ntibuhengeshanye kurandamurana, akabīka akazīka ibihe vyose. 12Nuko nzokwanda umuriro i Temani, utongore ingoro z’i Bosira.
13 #
Yer 49:1-3; Hos 13:16; Zef 2:8, 9. Uku ni k’Uhoraho agize, ati Kubg’ ibicumuro bitatu vy’Abamoni, mbere ni bine, sinzovyirengagiza; kuko bāfomoje inda abagore b’i Gileyadi, kugira ngo barye imbibe zabo, bāgukirwe. 14#Ezk 21:20, 28.Nuko nzokwanda umuriro uruzitiro rw’i Raba, utongore ingoro zaho, har’ akāyaga ku musi w’intambara, bo n’ikirura ku musi w’agashururu. 15Umwami wabo azokwambukanwa ar’ inyagano, hamwe n’abaganwa biwe, ni k’Uhoraho agize.
Attualmente Selezionati:
Amosi 1: RUN1967
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Bibliya Yera © Société Biblique du Burundi, 1967
