MATTHEW 23
23
Jesu in Thukham Hil Siete le Pharisee-te Mawsah
(Mrk 12:38-40; Luk 11:37-54; 20:45-47)
1Tua ciengin Jesu in mipite le a nuazuite kungah, 2“Moses’ topha tungah thukham hil siete le Pharisee-te a to uhi. 3Tua ahi ziehin amau’ ang hil zosie zui-in sem un; ahi vangin a thuhil uh bangin gamta lo uh ahi ziehin amau’ gamtat bangin gamta sih un. 4Amate in puoh zawh lo ding#23:4 Adang tang laibute ah “puoh zawh lo ding” ci om lo hi. vangihte guongin midangte’ liengko ah a pat uhi; ahi vangin amate in lah tuate khin nadingin a khutme nangawn uh a piasah nuom sih uhi. 5Amate in a sepna zosie uh mite’ musiet dingin a sem sese uhi; azieh pen a thukham puohna uh ipte#23:5 Thukham puohna savun ipte hi a, talpangah kita-in ban veilamah kibun hi. (Thkna 6:4-9) a golpipi-in bawlin a puonmongtep uzong a sau theithei-in a bawl uhi.#Mat 6:1; Gam 15:38; Thkna 6:8 6Pawi bawlna ah uliente’ tona ding munah a to nuom se vua, kikhopna inn sungah zong tona nuompen tungah a to nuom phadeu uhi. 7Tuale vanzuana munah zatahna tawh kihopi-in, mite in siepa a ci ding a dei uhi. 8Note na hi ule sie kici dingte na hi sih uhi, azieh pen note in sie khat na nei vua, na unpi-un sangnaupangte#23:8 Gk “unaute” na hi uhi. 9Vantungah Pa khat beh nei na hi ziehun leitungah koima pa ci sih un. 10Note in Messiah#23:10 Ahi sihle “Khris” ahi sie khat nei na ahi ziehun koima in siete kicisah sih un. 11Note lahah a lienpen pa in note’ nasem ahi ding hi.#Mat 20:26-27; Mrk 9:35; 10:43-44; Luk 22:26 12Amau le amau a kitawisangte kiniemkhieh ding a, amau le amau a kiniemkhiehte kitawisang ding hi.#Luk 14:11; 18:14
13“Ahi vangin no thukham hil siete le mihoi kipangte in gimna na thuoh ding uhi! Azieh pen note in vantung gam sungah mite a lut thei lo nadingin kot na khah vua, noma lah lut tuon loin adang a lut nuomte lah na khahtan vanuh uhi. 14No thukham hil siete, Pharisee-te, le mihoi kipangte in gimna na thuoh ding uhi! Azieh pen note in meigongte’ inn na valtum vua, a kilimlawm dingin thu na sau nget giap uhi. Tua ahi ziehin note in mawsahna a golzaw na thuoh ding uhi.#23:14 Adang tang laibute in tami tang 14 a belap uh ahi hi. 15No thukham hil siete, Pharisee-te, le mihoi kipangte in gimna na thuoh ding uhi! Azieh pen note in mi a kikhel khat lenlon na nga nadingun tuipi le leitung kantanin na zin kawikawi vua, na ngasa uh mi kikhel thate lah note sangin a zani-in hell#23:15 Gk “Gehenna” khuh tapa dingin na bawl zel uhi.
16“Munsiengtho tawh a kiciem poma bangma a sawng sih a, hizongle munsiengtho sunga om kham tawh a kiciemte poma a kiciemna a sawng uhi,” a ci no mittaw lampuite in gimna na thuoh ding uhi! 17No mittawte le mimawte aw! Tua kham a thupizaw amah, ahi sihle tua kham a siengthosah munsiengtho thupizaw ahei? 18Note in, ‘Maitam tawh a kiciem poma a sawng sih a, hizongle maitam tunga silpieh tawh a kiciem poma a kiciemna a sawng hi,’ na ci uhi. 19Na mit uh taw sam e izaw! Azieh pen silpieh a thupizaw amah, ahi sihle tua silpieh a siengthosah maitam thupizaw ahei? 20Tuaci’n maitam tawh kiciem poma maitam le a tunga om na zosie tawh zong a kiciem ahi hi; 21tuale munsiengtho tawh a kiciem poma zong tua munsiengtho le a sunga a tengpa tawh a kiciem ahi hi; 22tuale vantung tawh a kiciem poma Pasien’ kumpi topha le tua tunga a to mipa tawh zong a kiciem ahi hi.#Isa 66:1; Mat 5:34
23No thukham hil siete, Pharisee-te, le mihoi kipangte in gimna na thuoh ding uhi! Azieh pen note in masala, lengmusel, le cummin sing namtuite sawm-ah-khat na pie phuat vua, thukham sunga a thupizaw ahi: thutang, khuotuona, le upnate lah na don vanuh sih uhi. Adangte nelsie tuom loin tamte na bawl zawh ding uh ahi hi.#Siem 27:30 24No mittaw lampuite aw! Note in thovai seda kinei-in tui na hli vua, hizongle kala-oh na pumval vanuh uhi!
25“No thukham hil siete, Pharisee-te, le mihoi kipangte in gimna na thuoh ding uhi! Azieh pen hai le kuongte a pulam na nawtsieng zemzom vua, hizongle a sung lamah zawthaw bawlna le huoihamna tawh kidim hi. 26No mittaw Pharisee-te aw! A pulam zong a siengtho a suo thei nadingin tua hai#23:26 Adang tang laibute ah “le kuong” kibelap hi. a sunglam nawtsieng masa un.
27No thukham hil siete, Pharisee-te, le mihoi kipangte in gimna na thuoh ding uhi! Azieh pen note na hi ule a pulamah etlawm napi, a sungah misi gute le a kidahhuoi namcin tawh a kidim hankhuh kizutngo tawh na kibang uhi.#Sawl 23:3 28Tuaci’n note zong midangte mai-ah na pudaang lam uh midihte na sun hiauhuau vua, hizongle na sungtawng lam uh pen a kineitawmna le gitlonate tawh kidim hi.
29No thukham hil siete, Pharisee-te, le mihoi kipangte in gimna na thuoh ding uhi! Azieh pen note in kamsangte’ hante na lampieh vua, mi midihte’ phawna dinga kibawl muolsuongte na zem uhi. 30Tuale note in, ‘I pu i pate khan lai-in eite a om hi leih, kamsangte’ sisan a suo amate lahah kihal talawm sam sih vai,’ na ci uhi. 31Tam bangin kamsangte a that mite’ suonlehlah na hina uh noma le noma teci pang na hi uhi. 32Tua ahi ziehin na pu na pate uh’ gamtatna za na phah nadingun zomto vet un. 33No gulte, muoltan suonte aw! Note in hell#23:33 Gk “Gehenna” khuh tun nading thukhenna bang na ci pel thei ding uh ahei?#Mat 3:7; 12:34; Luk 3:7 34Tua ahi ziehin note kungah kamsangte, mipilte, le thukham hil siete kang sawl hi. Note in kimkhat thatin singlamte tungah khailia-in, kimkhatte na kikhopna uh inn sungah satin khuo khat pan khuo khatah na del kawikawi ding vua, 35tuaci’n note tungah midih Abel’ sisan a kipanin munsiengtho sung le maitam kikala na tha uh, Barachiah’ tapa Zechariah’ sisan dongin, leitunga a kibuo midihte’ sisan teng zosie ang tung ding hi.#Pien 4:8; 2Khg 24:20-21 36Keima in a tahtah a kang ci-in, tami khangte tungah tam teng zosie ang tung ding hi.
Jerusalem ading Kaana
(Luk 13:34-35)
37“Jerusalem, Jerusalem, kamsangte thatin na kunga ang kisawl kamsangte suong tawh a seplia khuopi! Aapi in a note a hla nei-ah a huoi bangin na tate sawtveipi ka huoi nuom a, nang na nuom sih hi! 38En in, na innpi uh a hawmin#23:38 Adang tang laibute ah “a hawmin” ci om lo hi. kitaisan ta hi.#Jer 22:5 39Azieh pen ke’n kang ci-in, ‘Topa’ min tawh ang pei mipa in thupha nga taheh,’ na ci masangsie kei nei mukia sih ding hi,’ ci hi,” a ci hi.#Late 118:26
Attualmente Selezionati:
MATTHEW 23: ZBOTF01
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Zo Bible © Bible Society of Myanmar, 2018.
