Markus 13
13
DEŠTRINTO KAPITLO.
1Her ta gejeslo drani kangeri, phendes jek lesker sikermangerende apo leste: Dikehe sikerpaskerrai, havi barenge ta havi bare kher! 2Ta Jezus rakerdes ta phendes apo leste: Dikhe tu hake kala bare kherenge? Mo ta vel kenk bar api vaver meklo, kai veles gar telephagemen!
3Her ta bešeslo o kangeriater pralavergl api džetesker bregeste phučes peske kokeres Petrus ta Jakobus ta Johanes ta Andreas: 4Phen menge, kai vela kava, ta havi boto hi, her mo ta vel hako kova kerapeneske. 5Jezus rakerdes ta phendes lenge: Dikhena tume, ta chocherela tumenge kenkes. 6But ta vena tela miro lab ta phenen me homes, ta chocherena buteder an. 7Tu hunen tume i kurapenester ta i kurapenester krisni, pala daren tume gar; ta kova hunte vel, ta les hi kome gar vri. 8Ta veles midžik čel api čel, ta them api them, ta venes phubiakertrisapen, čordopen ta veles. Kava hi o sikederdukhapen.
9Dena tume jak apa tumende! Jon ta dena tume prala o krisniester, ta ani kangeri veles tume kurdo, ta glano baro raienge ta kralenge vel tume tardo vaške mange, lenge o čačopenester. 10Ta hake čelenge hunte vel sikeder o sastobičerpenes (evangelio) rakerdo. 11Ta dena jon tume prala kome, pala bichen tume gar sikeder, ho mo ta rakerenas tume, foni, ho vel tumen drin delto ani kova kori ho rakerlo; ta gar tume hanes, kai rakerena, les hi o boldo mulo. 12O phral dela o phrales api merapen ta o dad lesker čavo, ta o čaven vena midžik lenger menšende (Eltern) ta jon maren pen len. 13Tumen vela hakoneste midžike vaške mange ta miro labester. Kon ta rikerela džin palduno vri, kova vela hilderdo.
14Ta dikhena tume kome ta štela kava midžikapen o džungalepenester kate kai mo ta veles gar (kon draverela kova, kova dela jak pre!) pale našehas kon ani Judea hi api bregende. 15Kon ta hi api kheresker čakerpen, džala gar ani kher tele, ta džala nina gar drin, ta aneles čomoni drani lesker kher. 16Kon ta hi api phub, džala gar palel ta lelo lesker ripen. 17Midžik hi kolender kai hi len phare, ta kolen kai piena an kola divesenge! 18Priserena, ta vela kava gar ani vend. 19Ta kola divese ta vena i bibacht, her ta hi les gar keake baro siter o kerapenester kai kerdes o Devel, džin kana, ta veles nina čačopaha nicht. 20Kai ta kerela o Rai kola divesa gar tikneder, keake veles kenk dženo hilderdo; vaške o lače dženenge kai rodeslo vri, kerdes job o divese tikneder. 21Her ta phendes jekes tumender: Dikhe ake hi Christus! Pale pacene les gar. 22Ta venas vaver Christusa ta vaver profetenge preštardo, ta keren pena bote ta baro kova, ta chocherena kola našte vel o lače dženenge. 23Dena tume jak apo tumende! Dikhena me phendomes tume sikeder lauter!
24An kola divesenge pala kana midžikopenester vela o kham tameldo, ta o tikno kham dela leskr momeli gar. 25I cirna o bolapenester pejena tele ta i zorelopenende kai hi len an o bolapen velen triserdo. 26Pale dikhena ta vela o dženengerčavo ani felešnodi i baro zorelopen ta railapenester. 27Pala bičerelo lesker engle vri ta lesker lače dženenge vejen ketene kola štar bravalender i papelo kunč o phubester džin o papelo kunč i bolapeneske. O gibesterrukeste ta sikerena o parnisa.
28Ta hi o rukeskerkoter sido, ta i patria hi len bares, keake džanena tume, ta hi o nijel gar dur. 29Keake džanena tume nina, ta dikhena tume ta džala kava, ta hi lo gar dur glano vuder. 30Cačo phenau me tumen: Kana čel džala gar vri, džin ta vela kava lauter. 31O bolapen ta o phub džalen vri, ta miri labenge vel ta džalen gar vri.
32Kova dives ta kola kori džanela kenkes, nina o engle ani bolapen gar, kome gar o čavo, foni o dad. 33Dikhene, priserena ta han džangle, tume džanena gar, kai hi les ciro. 34Les hi her paši dženo, ta mekjes lesker kher ta gejes peske, ta dejes lesker valete o zorelopen hakeneske lenger butikaben, ta nina koles kai hilderdes o vuder phendeslo, job mo ta džangereslo. 35Han kome džanglo, tume džanena gar, kai vela o rai i kherester, brevul ta o maškeral rateske, paši bašnestergodlopen ta taisirlakro! 36Gar, kai ta velo sik, ta hacelo tumen sutlo. 37Ho ta phenau me tumen, kava phenau me hakene: Džanglen tume!
Attualmente Selezionati:
Markus 13: SINT1912
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
First published by the British and Foreign Bible Society in 1912.
