Gadiyeeda Giijasoodiga 6
6
Weadan ispwa
1Nea aba askweajoojisu ea niihaada monneeda ginealanga, ng'atta ghoaptu giniikghta dageascheeda fuga Yahuudi baloola iitta Yunaani sea fuga Ebraniya aba gideaba ninung'usa heeda masiinung'weega nyaawa aba lakkiisiinda haleanjeedeaba galeagasean. 2Hit gaguursa fukka attamaniyyeenyean ginealanga sean nea gwayeeshsha, “Mwahida gideaba gajeanung'waada rukkwiideayda ng'asheanda Aseetta ak geeppiitpiichchi aba badahuukka measajeega. 3Asi fuga eaduupcheewi, aloada fii ispwa aba jeedeaba fiisu miyaas searoojiin, mideawa Gurorooda Ghaydit, ak ea weaghoodi, ak gajeettaw gadiyeani. 4Ak aseasa gajeamwaasha Aseetta nea geesinnyi gadiyeeda ng'asheanda.” 5Nea ng'asheanda rugu goohoosan emeetuw, ak ghwaloat Stefaano, siida mideawa masaweega muuchchi ak gwandeawa Gurorooda Ghaydit, ea Filiippo, ea Burokkoro, ea Nikkano, ea Diino, ea Barmeenas, ea Nikkola, was siida doabiiwaat bea ng'eanyiida Antiyokkiya. 6Ng'atta geayaat fiisu madeeda giijasoodiga, ak ghamwaash Aseetta nea ghwayiin geattinga nyaawa iheenga nyaawa. 7Ghaghayda ng'asheanda Aseetta; nea ghoahaada muuchchi monneeda ginealanga aba Yerusaleemu, nea ashoohoodiga saang'a gwasissa mureeda masaweega.
Ging'ooyda Stefaano
8Nea Stefaano, abeeda gwandeawa dagheerjeandumeeda ea uurda, gwasna ng'asheega deamdeameadi ea gwadeagwajeega aba jeeda buuneeda. 9Iiduw gwanda fuga mwaatkwa bea gheeda sinnealshachcheewa bea Fuga abalgeat (aba gidasuguura), ea gea Greene, ea gea Aleksandariya, ea fukka leabu Gilikkiya ea Asiyan, hean ghoaptu sheang'nyeeda sea Stefaano. 10Ak ea meammu eajoar aba weaghuumeeda adaw Gurorooda ak ghwanung' gabaloolliin. 11Ng'atta geahaak buuneeda aba makcheameeda, nea gwayi, “Siyiinyi siisi nea gwargu ng'asheega ging'weakka appadayda Muusa ea Aseetta.” 12Ak geng'ng'uuchchi buuneeda ea gweargwa ea ng'oorshoodiga, hean geeweesa niny ak geeng'ng'waay ak geeyaat madeeda gheeda sirgweachcha, 13geesin muushoodiga ng'uyyeega ak gwayeeshsha, “Siisi moang'ng'wa ea marukuna ng'asheega munyas appadaydeaba hiji ghaydidiin ea deaweeda; 14aba gideaba siyiinyi nea gwayi, Yeesuheani bea Nasareettiin gaygwanyarja gheawi sibatta Aseettean, ak gayghwayam searoojiga ghayi gooneasa Muusa.” 15Asi gang'ula buuneessean niny, nea fuga sean mida jeeda gheeda sirgweachcha ghwadaa gideaba gheamamdaannyi gawuurji sea gheamamda malaykajeanda.
Attualmente Selezionati:
Gadiyeeda Giijasoodiga 6: DTGANT09
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Datooga New Testament © Bible Society of Tanzania, 2009.
