I Versetti Biblici più popolari da Иа́но 11

Condividi

Ису́со пхэндя́ ла́кэ: “Мэ сом отджидякирибэн и джиибэ́н; одова́, кон патя́ла дрэ Ма́ндэ, ко́ли и мэрэ́ла, усае́кх отджидёла; И кажно, кон исын джидо́ и патя́ла дрэ Ма́ндэ, на мэрэ́ла ние́кхвар. Ци патя́са ту дро дава́?”

Ису́со ракирэ́ла ла́кэ: “Ци Мэ на ракирдём ту́кэ, со ко́ли явэ́са тэ патяс, дыкхэ́са Дэвлэ́скири сла́ва?”

Ису́со зарондя.

Ке́ли Ису́со шундя́ пал дава́, Ёв пхэндя́: “Дая́ дукх исын на кэ мэрибэ́н, ёй исын ваш Дэвлэ́скири сла́ва, соб (кай) Чхаво́ Дэвлэ́скиро тэ славинэлпэ пир ла́тэ.”

И ке́ли Ёв пхэндя́ дава́, Ёв дыя́ го́дла зоралэ́ заня́са: “Лазаре! Выджа яври́.” И выгия́ муло́, ґэра́ и васта́ лэ́стэ сыс спхандлэ гараибнытконэ тханэса, и муй лэ́скиро сыс пхандло дыхлэса. Ису́со пхэндя́ лэ́нгэ: “Роспхандэн лэс, мэк ёв тэ джал.”

Ису́со, нэвэ́стыр пиридживи андра́л, явдя́ кэ копли́ца. Дава́ сыс ґеба́р (пешчэра) дрэ бэ́рга, и бар сыс пашто́ пэ ла́тэ.

Ёв пхэндя́ дава́, и коригэды́р (позжэды́р) ишчо (инкэ́) ракирэ́ла лэ́нгэ: “Амаро́ дру́го (мал) Лазарё засутя, нэ Мэ джа́ва тэ джангавав лэс.”