Velþóknun fjölskyldunnar

Velþóknun Guðs flæðir náttúrulega inn í líf okkar eins og velþóknun föðurs flæðir inn í líf barna sinna. (og hann er besta mynd föðurs sem að þú gætir nokkurn tímann dreymt um eða ímyndað þér). Guð elskar þig. Hann lítur á þig sem barnið sitt, og það gerir þig að viðtakanda blessana hans.

Ekki láta þér líða eins og að þú þurfir að afsaka eða réttlæta gæsku Guðs gagnvart þeim sem að kunna að vera ósammála eða skilja ekki gæsku hans. Það verður alltaf til fólk sem bíður eftir því að gagnrýna sigur þinn eða líta fram hjá þeim blessunum sem Guð vill veita þér, vegna þess að þeim fannst einhver annar/önnur eiga það frekar skilið. Reyndar, ef þér hefur einhvern tímann fundist einhver ekki eiga skilið þá blessun sem sá einstaklingur fékk (hey, við höfum öll verið þarna...), þá hafðirðu líklega rétt fyrir þér! En hér er sannleikskorn til að vekja okkur öll til umhugsunar: við getum ekki pirrað okkur á óverðskuldaðri velþóknun í lífi annarra ef að við viljum taka henni fagnandi í okkar eigin lífi.

Þegar að við byrjum að skilja það að velþóknun er leið til að láta náð Guðs í ljós, þá getum við skilið það að sú velþóknun sem við hljótum - alveg eins og náð - er ekki í réttum hlutföllum við það sem við eigum skilið.

Hugsaðu um nokkur dæmi í lífi þínu þar sem þú hlaust óvænta eða óverðskuldaða velþóknun?

BÆN: Guð, þakka þér fyrir að vera mér sem Faðir. Sama hvernig jarðneski pabbi minn hefur verið, þá ert þú örlátur Faðir og þú hefur áframhaldandi velþóknun í vændum fyrir framtíð mína. Kenndu mér í dag að sætta mig við þá velþóknun sem þú hefur veitt mér sem barn þitt. Í Jesú Nafni. Amen.