Ọhụrụ n’OkwukweIhe Atụ

Nnọọ n’Ezinaụlọ A!

Ị bụ onye ọhụrụ n’okwukwe? Nnọọ na ezinụlọ a!

Ọ dị mkpa ka ị ghọta ihe mere na ndụ gị.

Ekère mmadụ n’onyinyo na oyiyi nke Chineke mana ọ tara ahụhụ nkewa na nkwusị nke mkpakọrịta mgbe Adam mbụ mehiere megide Chineke. Chineke hụrụ anyị n’anya nke ukwuu ịhapụ anyị na mbibi ebighị ebi. O nwere atụmatụ maka mgbapụta anyị, atụmatụ sitere n’ịhụnanya nke na-enweghị atụ, atụmatụ nzọpụta; onyinye nke nzọpụta. Ọ mere ya site n’izite Ọkpara ọ mụrụ naanị ya ka ọ nwụọ maka anyị. Jizọs bịara n’oyiyi mmadụ ma bie ndụ n’enweghị mmehie. Ọ nọchite anya anyị, buru nmehie anyi n’agbanyeghị na O nweghị njọ, ma kwụghachi ụgwọ nke nmehie anyị nke bụ ọnwụ site n’ịnwụ n’obe.

Naanị ihe anyị ga-eme bụ ikwere na kwupụta mmehie anyị yana ikwupụta Jizọs dịka Onyenwe anyị, na-ahapụ mmehie anyị, ebe anyị nwere onyinye nke ndụ ebighị ebi. Ọ bụrụ na i mewo nke a, a ga-eweghachikwa gị oyiyi ahụ.

Onyinye nke nzọpụta eweterala gị mgbaghara. Chineke emeela ka mmehie gị dị anya n’ebe ị nọ, hichapụkwa mmebi iwu gị ka a ga-asị na I meghị ihe ọbụla. Ọ bụ mmụgharị. Ugbu a amụọla gị ọzọ! Ejikọkwaala gị na Chineke ka gị na Ya na-akpakọrịta ọzọ.