ABÙ ỌMA 79
79
Abù Ọma Esaf.
1Chineke, mba di iche iche abatawo n'ihe-nketa-Gi;
Ha emeruwo ulo uku Gi di nsọ;
Ha emewo Jerusalem ka ọ ghọ ihe etikpọro etikpọ.
2Ha ewerewo ozu ndi-orù-Gi nye iburu anu-ufe nke elu-igwe ihe-oriri,
Were kwa anu-aru nke ndi-ebere-Gi nye anu-ọhia nile nke uwa.
3Ha awusiwo ọbara-ha dika miri buruburu Jerusalem;
Ọ dighi kwa onye ọ bula ṅēli ozu-ha.
4Ayi aghọworo ndi-ab͕ata-obi-ayi ihe-ita-uta,
Ghọ-kwa-ra ndi di ayi buruburu ihe-ichì-ọchì na ihe-ikwa-emò.
5Rùe ole mb͕e, Jehova, ka I ganēwe iwe rue mb͕e ebighi-ebi?
Ekworo-Gi, ọ̀ ganēre dika ọku?
6Wukwasi mba nile ọnuma-Gi, bú ndi nāmaghi Gi,
Wukwasi kwa ala-eze nile nke nākpọkughi aha-Gi.
7N'ihi na ha eripiawo Jekob,
Me kwa ka ebe-obibi-ya tọb͕ọrọ n'efu.
8Echetala ajọ omume nile nke ndi-mbu-ayi imegide ayi:
Kwe ka obi-ebere-Gi nile me ngwa izute ayi:
N'ihi na ayi enweghi ike ma-ọli.
9Yere ayi aka, Chineke nke nzọputa-ayi, n'ihi nsọpuru aha-Gi:
Naputa kwa ayi, kpuchi kwa nmehie-ayi, n'ihi aha-Gi.
10N'ìhi gini ka mba nile nāsi, Òle ebe Chineke-ha nọ?
Ka amara ya n'etiti mba nile n'anya-ayi,
Bú ibọ̀-ọ́bọ̀ ọbara nke ndi-orù-Gi nke awusiworo.
11Kwe ka isu-ude nke onye-nkpọro bata n'iru Gi;
Dika idi-uku nke ogwe-aka-Gi si di me ka ndi nāghaghi inwu anwu fọdu;
12Gi nyeghachi kwa ndi-ab͕ata-obi-ayi ihe-ita-uta-ha nime obi-ha okpukpu asa,
Bú nke ha jiri ta Gi uta, Onye-nwe-ayi.
13Ayi onwe-ayi, bú ndi-Gi na ìgwè aturu nke ọzùzù-anu-gi,
Gēkele Gi rue mb͕e ebighi-ebi;
Ọb͕ọ nile ka ayi gākọrọ akukọ otuto-Gi.
Nke Ahọpụtara Ugbu A:
ABÙ ỌMA 79: IGBOB
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Igbo Bible © Bible Society of Nigeria © 1906, 2006.