Genesis 22
22
Isahak do dãṛẽ menteye samaṅede
1 #
Ibr 11.17-19
Noako ghoṭna tayom Isor do Abraham biḍạureye paṛao ocokedea. Isor do uniye hohowadea, “E Abraham.”
Abrahame roṛ ruạṛkeda, “Minạńgea.”
2 #
2 Bõs 3.1
Isore menkeda, “Amren gidrạ, amren uni sadher hopon, okoe do ạḍim dulạṛede uni ar am do Moriạ ṭoṭhate calakʼ ben. Ar onḍe okaṭakʼ buru reakʼ kathań lạiyam onḍe mitʼṭecʼ jeredokʼ samaṅokʼakʼ lekate uni samaṅem.”
3Onate Abraham do ạḍi setakʼre beretʼkate gadhae palanadea. Ar ona tayom acʼren hopon Isahak ar jeredokʼ samaṅokʼakʼ lạgitʼ sahane hataokeda ar acʼren barea gutiye soṅgeketʼkinte Probhu Isor okaṭakʼ ṭhạ̃i reakʼ kathae metade tahẽkan ona secʼe mohnḍayena. 4Ar tesar hilokʼ Abraham doe beṅgetʼ rakapʼketʼ khan sạṅgińre ona ṭhạ̃iye ńel ńamkeda. 5Unre acʼren gutiye metatʼkinạ, “Gadha ar aben do nonḍege tahẽ hataṛokʼben; ar ińren hopon ar iń do onḍeliń calaolenge. Ar onḍe dewa sewa sạtkate arhõ aben ṭhen liń ruạṛ hijukʼa.”
6Noa menkate Abraham do jeredokʼ samaṅokʼakʼ lạgitʼ sahan bojha do acʼren hopone gokʼadea ar acʼ do seṅgel ar chorae hataokeda. Ar ona tayom do mitʼte taṛamkin ehopʼena. 7Unre Isahak do acʼren apate metadea, “E ba.”
Abrahame menkeda, “Hẽ beṭa cetʼem meneda?”
Isahake menkeda, “Jeredokʼ samaṅokʼakʼ lạgitʼ sahan ar seṅgel ma menakʼ talaṅge, menkhan alaṅren samaṅokʼ lạgitʼ bheḍa hopon do ukuricʼ ?”
8Abrahame menkeda, “E beṭa, Isorge jeredokʼ samaṅokʼren dãṛẽ lạgitʼ bheḍa hopone jogaṛ alaṅa.” Ar noako katha roṛ roṛte unikin dokin laha idiyena.
9 #
Jak 2.21
Ar oka jaega reakʼ katha Isor do Abrahame metade tahẽkan onḍekin seṭerena. Onḍe seṭerkate unkin do mitʼṭecʼ pinḍkin benaokeda ar onare sahankin ladekeda. Ar Abraham do Isahakakʼ ti-jaṅgae tolketʼtaete ona pinḍ reakʼ sahan cetanreye dohokedea. 10Ona tayom acʼren hopon teṅgene lạgitʼ uni do chora hataokate tiye tulketʼtaea. 11Unre Probhu Isorren goḍet do serma khon uniye hohoadea, “E Abraham, E Abraham!”
Abrahame roṛ ruạṛkeda, “Nõkʼõe minạńgea.”
12Goḍete menkeda, “Hoponme teṅgene lạgitʼ ti do alom tul tama se unire cetʼge alom cekaea. Isor botorae hoṛkanem ona do ńitokʼ bujhạuena, ente iń ńutumte amren sadher hopon teṅgene lạgitʼ do bam pạclena.”
13Unre Abraham do beṛhaeteye beṅgetʼ ạcurketʼ khan acʼ tayomre mitʼṭen bheḍa do jhạuạre dereń aṭkao akane ńelkedea. Unre Abraham do uni bheḍae ạgukedea ar acʼren hopon bodolte uniye teṅgenkedea. 14Ar ona jaega reakʼ ńutum Yehowa-Yire (metakʼme “Probhu Isorakʼ jogaṛ”) dohokeda. Onate teheń hõ hoṛko mena, “Probhu Isorakʼ burure Probhu Isorgeye jogaṛa.”
15-16 #
Ibr 6.13,14 Probhu Isorren goḍet do serma khon Abraham arhõ hohoadeteye metadea, “Am do amren gidrạ, uni sadher hopon dãṛẽye lạgitʼ bam pạclena. Ona iạte iń Probhu Isor do ińakʼ ńutumte kiriạkateń meneda, 17#Ibr 11.12 khạṭigeń bhorama, ar sermaren ipilko ar jalapuri reakʼ gitil leka amakʼ bõsrenkoń saṅge ocokoa. Am bõsren hoṛ do akoren bạirikoakʼ nagrahako jitạu joṅa, 18#Apos 3.25Ar amren bõsko hotete dhạrtiren sanam jạtrenko do bhorko ńama. Am do ińakʼ hukumem manao akatʼte onań onkaea.”
19Noa tayom Abraham do acʼren gutikin ṭhene ruạṛ hecʼena. Unre jotoko mitʼ dhaote onḍe khon Ber-sebateko ruạṛ hecʼena; ar nonḍege Abraham doe tahenkan tahẽkana.
Nahorren bõsko
20Noako ghoṭna tayom Abraham doe ańjomkeda, uniren boeha Nahorren bạhu Milkạ do gidrạkoe janam akatʼkoa. 21Nahorren maraṅicʼ hoponakʼ ńutum do Us. Ar ona tayom do Bus ar Kemuelakʼ janam hoyena. Kemuelren hoponakʼ ńutum do Aram tahẽkana. 22Nahorren eṭakʼ hoponkoakʼ ńutum do Kesed, Hajo, Pildas, Jidlaph ar Bethuel. 23Bethuelren hoponera do Rebekae tahẽkana. Abrahamren boeha Nahorren bạhu Milkạwakʼ kukhire noko irạl goṭecʼ hoponko janamlena. 24Nahorren do mitʼṭen chuṭki erae tahẽkantaea uniyakʼ ńutum do Ruma. Ar uniyakʼ kukhire do Tebah, Gaham, Tahas ar Makat, nokoko janamlena.
Nke Ahọpụtara Ugbu A:
Genesis 22: SBT
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Santali Bible © Bangladesh Bible Society, 2021.