Enzũko 5
5
Esyondengo sya Adamu
1Ekĩ kye kitabu kyʼesyondengo sya Adamu. Oko kiro Nyamuhanga ahangika omundu, mwamuyira omo kĩsosekanĩo kya Nyamuhanga. 2Kandi mwahangikabo, omulume nʼomũkalĩ, neryo mwatsumulabo, mwaluka amena wabo mo bandu ekiro bahangikawa. 3Neryo Adamu abere abuga emyaka erĩgana nʼamakũmĩ asatu, mwabuta omugala oyũmũsosĩre, omo kĩsosekanĩo kiwe, mwahula erĩna liwe mo Setĩ. 4Ebiro bya Adamu enyũma wʼeributa Setĩ byabya myaka magana munani, neryo mwabuta abandi bagala nʼabali. 5Nʼebiro byosĩ Adamu abyaho byabya emyaka magana mwenda nʼamakũmĩ asatu, neryo mwahola.
6Neryo Setĩ mwabyaho emyaka erĩgana nʼeyĩtanu, neryo mwabuta Enosĩ. 7Neryo Setĩ abere abibuta Enosĩ mwabyaho emyaka magana munani nʼirinda, mwabuta abandi bagala nʼabali. 8Ebiro byosĩ bya Setĩ byabya myaka magana mwenda nʼerĩkũmĩ nʼeyĩbĩrĩ, neryo mwahola.
9Neryo Enosĩ mwabyaho emyaka makũmĩ mwenda, neryo mwabuta Kenanĩ. 10Neryo Enosĩ mwabyaho enyũma wʼeributa Kenanĩ emyaka magana munani nʼerĩkũmĩ nʼeyĩtanu, neryo mwabuta abandi bagala nʼabali. 11Nʼebiro byosĩ bya Enosĩ mobyabya emyaka magana mwenda nʼeyĩtanu, neryo mwahola.
12Neryo Kenanĩ mwabyaho emyaka makũmĩ alinda, neryo mwabuta Mahalalĩ. 13Neryo Kenanĩ mwabyaho enyũma wʼeributa Mahalalĩ emyaka magana munani nʼamakũmĩ ani, neryo mwabuta abandi bagala nʼabali. 14Ebiro byosĩ bya Kenanĩ byabya emyaka magana mwenda nʼerĩkũmĩ, neryo mwahola.
15Neryo Mahalalĩ mwabyaho emyaka makũmĩ ndatu nʼĩtanu, neryo mwabuta Yaredĩ. 16Neryo Mahalalĩ mwabyaho enyũma wʼeributa Yaredĩ emyaka magana munani nʼamakũmĩ asatu, mwabuta abandi bagala nʼabali. 17Ebiro byosĩ bya Mahalalĩ byabya emyaka magana munani nʼamakũmĩ mwenda nʼĩtanu, neryo mwahola,
18Neryo Yaredĩ mwabyaho emyaka erĩgana nʼamakũmĩ ndatu nʼĩbĩrĩ, neryo mwabuta Enoka. 19Neryo Yaredĩ mwabyaho enyũma wʼeributa Enoka emyaka magana munani, mwabuta abagala nʼabali. 20Ebiro byosĩ bya Yaredĩ byabya emyaka magana mwenda nʼamakũmĩ ndatu nʼĩbĩrĩ, neryo mwahola.
21Neryo Enoka mwabyaho emyaka makũmĩ ndatu nʼĩtanu, neryo mwabuta Metũsela. 22Neryo Enoka mwalendera haguma na Nyamuhanga enyũma wʼeributa Metũsela emyaka magana asatu, neryo mwabuta abagala nʼabali. 23Neryo ebiro byosĩ bya Enoka byabya emyaka magana asatu nʼamakũmĩ ndatu nʼĩtanu. 24Neryo Enoka mwabya akalendera haguma na Nyamuhanga, neryo mwataswabya eno, kusangwa Nyamuhanga mwamutwala.
25Neryo Metũsela mwabyaho emyaka erĩgana nʼamakũmĩ munani nʼeyirinda, neryo mwabuta Lameke. 26Neryo Metũsela mwabyaho enyũma wʼeributa Lameke emyaka magana alinda nʼamakũmĩ munani nʼĩbĩrĩ, neryo mwabuta bagala nʼabali. 27Ebiro byosĩ bya Metũsela mobyabya emyaka magana mwenda nʼamakũmĩ ndatu nʼomwenda, neryo mwahola.
28Neryo Lameke mwabyaho emyaka erĩgana nʼamakũmĩ munani nʼeyĩbĩrĩ, neryo mwabuta mugala, 29neryo mwaluka erĩna liwe mo Noa, ati, Oyũ yukandisyatũkĩranĩa omo mũbĩrĩ wetu nʼerinuba lyʼebyala byetu, busana nʼekitaka ekyo Nyamuhanga atsuma. 30Neryo Lameke mwabyaho enyũma wʼeributa Noa emyaka magana atanu nʼamakũmĩ mwenda nʼĩtanu, mwabuta abandi bagala nʼabali. 31Ebiro byosĩ bya Lameke byabya emyaka magana alinda nʼamakũmĩ alinda nʼeyirinda, neryo mwahola.
32Neryo Noa abya wʼemyaka magana atanu, neryo Noa mwabuta Semũ, na Hamũ, na Yafetĩ.
Obubi bwʼabandu.
Nke Ahọpụtara Ugbu A:
Enzũko 5: KB80
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Bible in Kinandi © Bible Society of the Democratic Republic of Congo, and Bible Society of Uganda, 1980.