Amaokwu Akwụkwọ Nsọ Ndị Ama Ama siteré na መልእክተ ጴጥሮስ 1 1

Kesaa

ይትባረክ እግዚአብሔር አቡሁ ለእግዚእነ ኢየሱስ ክርስቶስ ዘወለደነ በብዝኀ ምሕረቱ ለተስፋ እንተ ባቲ ነሐዩ በተንሥኦቱ ለእግዚእነ ኢየሱስ ክርስቶስ እምነ ምዉታን። ለተዋርሶ ዘኢይበሊ ወዘኢይረኵስ ወዘኢይጸመሂ ዘዕቁብ ለነ ወለክሙ በሰማያት።

ወትትፌሥሑ እስከ ለዓለም ወባሕቱ ኅዳጠ ሀለወክሙ ይእዜ ትተክዙ በዘይመጽአክሙ መከራ ዘዘዚኣሁ። ከመ መከራሃ ለሃይማኖትክሙ ዘይትበደር ፈድፋደ እምወርቅ ንጹሕ ዘበእሳት አመከርዎ ወትትረከቡ ሀለወክሙ በክብር ወበስብሐት ወበውዳሴ አመ ያስተርኢ ኢየሱስ ክርስቶስ።

ወባሕቱ በከመ ዘጸውዐክሙ ቅዱስ ውእቱ አንትሙኒ ኩኑ ቅዱሳነ በኵሉ ግዕዝክሙ። እስመ ጽሑፍ ዘይብል «ኩኑ ቅዱሳነ እስመ ቅዱስ አነ።»

ከመ ውሉድ እለ ይትኤዘዙ እንዘ ኢትትመየጡ ለእንተ ቀዳሚ ጌጋይክሙ በኢያእምሮ ዘፈተውክሙ።

ወይእዜኒ ቅንቱ ሐቌ ልብክሙ ጥዩቀ ወንቁሀ ተሰፈውዋ ለእንተ ትመጽእ ለክሙ ትፍሥሕት በአስተርእዮቱ ለኢየሱስ ክርስቶስ።

እስመ ኵሉ ዘሥጋ ከመ ሣዕር ወኵሉ ክብሩ ከመ ፍሬ ሣዕር ዘእምከመ የብሰ ሣዕር ይትነገፍ ፍሬሁ። ወቃሉሰ ለእግዚአብሔር ይነብር ለዓለም ወዝንቱ ውእቱ ቃሉ ዘነገርናክሙ።