Amaokwu Akwụkwọ Nsọ Ndị Ama Ama siteré na መልእክተ ጴጥሮስ 1 2

Kesaa

ወአንትሙሰ ፍጥረት ኅሩያን ወታቦት ለንጉሥ ወሕዝብ ንጹሕ ወሕዝብ ዘይትሜካሕ ከመ ትንግሩ ሠናይቶ ለዘጸውዐክሙ እምጽልመት ውስተ ብርሃነ ስብሐቲሁ።

ወበእንተ ኀጣውኢነ ውእቱ ተሰቅለ ዲበ ዕፅ በሥጋሁ ከመ ያውፅአነ እምኀጣውኢነ ወበጽድቁ ያሕይወነ እስመ በቍስለ ዚኣሁ ሐየውክሙ ቍስለክሙ እንዘ ከመ አባግዕ ትሳኰዩ። ወይእዜኒ ግብኡ ኀበ ኖላዊክሙ ወዐቃቢሃ ለነፍስክሙ።

እንዘ ቀዲሙ ኢኮንክሙ ሕዝቦ ይእዜሰ ሕዝበ እግዚአብሔር አንትሙ እንዘ ቀዲሙ ኢኮንክሙ ምሁራነ ይእዜሰ መሀረክሙ።

ወኩኑ ከመ እለ ይእዜ ተወልዱ ሕፃናት ወአፍቅሩ ሐሊበ ነባቤ ዘአልቦቱ ቱስሕት ከመ ቦቱ ትልሀቁ ለድኂን።

ኦ አኀውየ ፍቁራን እስእለክሙ ብቍዑኒ ከመ ፈላሲ ወከመ ነግድ ወከመ ድኩም ታርሕቅዋ ለፍትወተ ሥጋክሙ እንተ ትጸብኣ ለነፍስክሙ። ወግዕዝክሙኒ በማእከለ አሕዛብ ሠናየ ለይኩን ከመ ኢይርከቡ በዘየሐምዩክሙ ከመ ገባሬ እኪት ወሠናየ ምግባሪክሙ ይርአዩ ወይሰብሕዎ ለእግዚአብሔር ከመ ይትመየጦሙ።

ወአንትሙኒ ጽንዑ ከመ እብን መንፈሳዊ ወኩኑ ታቦተ መንፈሳዌ ለክህነት ቅድስት ወንጽሕት ከመ ታቅርቡ ወታዕርጉ መሥዋዕተ መንፈሳዌ ዘይሰጠወክሙ እግዚአብሔር በእደዊሁ ለኢየሱስ ክርስቶስ።

አሰስልዋ እንከ እምኔክሙ ለኵላ እከይ ወለኵላ ሕብል ወለናፍቆ ወለተሓምዮ ወለተቃንኦ።

ወይእቲ እብን እንተ በኀበ ሰብእ ምንንት ወበኀበ እግዚአብሔርሰ ኅሪት ወክብርት።

ወኩኑ ከመ አግዓዝያን ወአኮ ከመ እለ ቦሙ ጌጋይ ዘእኩይ ወአንትሙሰ ከመ አግብርተ እግዚአብሔር።

እስመ ከመዝ ውእቱ ፈቃዱ ለእግዚአብሔር ከመ በሠናይ ምግባሪክሙ ትእስሩ አፉሆሙ ለአብዳን ሰብእ እለ ኢየአምርዎ ለእግዚአብሔር።