Amaokwu Akwụkwọ Nsọ Ndị Ama Ama siteré na San Marcos 9

Kesaa

Magbaawai Jesuu irig, —¿Jãgwi mag pua mʉrʉg “ʉu i monaaupʉiju aai chirʉm khai” a sĩwi? ajim anʉm. Ar Ẽwandam gaaita ʉkha nʉm khʉʉn ithee chan bʉ̃ʉrjã phithurm nem chukhum. Maagwai puajã chadcha thãraucha ʉkhamʉn, pʉ chaaijã monaaubajup ajim anʉm irig.

Magbaa chi ayau, —Muan chadcha ʉkha chirʉmgui ajim anʉm. Mamʉ pua mʉch chaai monaauju khĩirjugta ʉ̃rcha mʉrʉg khĩirjupibá ajim anʉm, warag Ẽwandamag ʉkhaag.

Mag chaai mor eem mepeer jʉrpʉiwi ereubaadeeu, ya amach ap deg paaukhabaimaawai, iyʉʉ nʉmua Jesuug, —¿Khan jãgwi jãg chaai mor ee ben khaigbam wai sĩerr marau pod obeerpi aubajĩ? a jeeujierram anʉm chi khapeenau. Mag ichig jeeubaawaita, —Mua pãrag jaaukhimgui ajim anʉm: Jãg mepeer khĩir õor mor eemua jʉrpäaigan, jãan sĩi thachjã khoba ãba Ẽwandamagpai jeeu nʉʉ aawaita jʉrpäaijemgui ajim anʉm.

Thakharan chadcha nem wajaphamʉu. Mamʉ mag sim nakha aadekhiin, ¿khaíu magʉm thakhaar igju khai? ajim anʉm. Jãg thakharauta nem thum sĩpha apiejemjo abat, pãach khapeen dʉi nem wajapha wau nʉmua agdaujo thumaa khõinaa wenʉrraag a jaaumajim aajem.

—Mʉg chaai agtha ich juau paba aawai serbiiba khitʉmjo õor thʉnʉm thum mua khõsi chitʉm. Pãrau mʉ denjo mʉg khitheem ãb khãijã jãsenkhawia pãach di aig aumʉn magan pãrau mʉchchata khĩir jãsenkhabarmjo abarm ajim anʉm. Mag pãrau ʉdʉraa pãach aig mʉ baarpi nʉm aiguin magan pãrau mʉ Aaijã khõsi nʉmgui ajim anʉm, ichdeuta mʉ pʉitarr aawai.

Maimua ich agjo ãbmua khãijã pãar Cristo khapeen aawai pãrag nemdam bʉ̃rʉʉm khãijã deebarm wounan, Ẽwandamau agjo irig nem wajapham deeb khaba deeju a chirʉmgui ajim anʉm.

’Pari magba ãbmua khãijã mʉ chaai mʉg mʉ iek ʉkha kherʉmta pekau ee burrpimʉn, Ẽwandam dʉita iekkhõr pooma sĩsiju. Mamʉ mag Ẽwandam dʉita iekkhõr paarpaju khãai, ichdeupai ich o gaai mokpor pomkham jʉ̃naa phũas ee baudʉkhiin ʉucha ajugui ajim anʉm.

Wa pʉ daúa khãijã pʉ pekau waupi sim khai, magan mag dau warag jẽubapʉi. Pʉch dau numwe monakha khĩmie durr Ẽwandamag pʉch barpʉipiju khãai, dau bese khãijã pʉʉta Ẽwandam denkha simʉn ʉucha simgui ajim anʉm.