Amaokwu Akwụkwọ Nsọ Ndị Ama Ama siteré na San Marcos 10

Kesaa

Mʉ pãar khãai Emkhooi Iewaakha chirʉmjã mag sĩi mʉch garmua chikham chogaagjã beebajim. Mʉ beetarran, sĩi chikhamnag mʉch chogamkhĩirta beejimgui ajim anʉm, mag chitʉmua chikham jua machgau thõwi mag thõbarm gaaimua õor pom sĩi amach pekau ee preso sĩsidʉmjo nʉm khʉʉn obeerkhapäain.

Magbaa Jesuu amag eerpanaa, —Õragan chadcha phithurgma ajim anʉm, mag ũurwai. Mamʉ Ẽwandamag chan bʉ̃ʉrjã phithurg chukhu simgui ajim anʉm.

Magbaawai Jesuu irig magjim anʉm: —Chadcha muata pʉch dau monaauju khaphʉ khĩirju chirarr gaaimua ʉu pʉ monaau chirsim. Ya pʉ pʉch diig maju aai chirʉmgui ajim anʉm. Irua mag iekhabarm bʉrre chadcha dau eerdʉ sĩsiwi ich bi eem daujo daujã wajaug sĩsijim anaabá. Mag ich dau monaaubapäaiwai warag i dʉi petajim aajem.

Mag warrgarwejã ich Ẽwandamauta mag papitarr aawai pod iwiir ãbmuajã i ichaaur awi dich õor pʉaju khaba nʉmgui ajim anʉm Jesuu amag.

Mag wounau mag iekhabaawai Jesuu i dau ee aug khaug paraa eerpanaa irig, —Mamʉ agtha pua nem khĩir ãb wauju waaur wai sĩebahab ajim anʉm. Pʉch diig mawia, nem thum pʉchdeu wai sim perkhʉʉipʉinaa, mag phatkhon jũrr dau aphʉʉ khitheem khʉʉnag thum jigbapʉi ajim anaabá. Maimuan chadau mʉ ẽudee pidú ajim anʉm, chadcha mʉ dʉi chitam khõsi chirʉm khai. Pua magmʉn ʉ̃gthar pawiajã bʉ̃ʉrjã augcheba phatkhon khãai nem ajapham pomta wai chirsijugui ajim anʉm irig.

Mag chadcha ich aar dʉnʉʉubaimaawai Jesuu irig, —¿Khani pua mʉrʉg pʉch dʉi apim khõsi chirʉ́? a jeeujim anʉm. Magbaa chi daudam khĩsu khitʉm garmua jũrr irig, —Maestro, muan pʉrʉg mʉch dauta monaaupʉipim khõsi chirʉmgui ajim anaabá.

Pari jũrr pãrau pod am denjo magju khaba nʉm, pãach eepai. Magju khãai ãbmua khãijã pãach eepai ichta thumaam khʉʉn khãai ʉ̃rʉʉ am khõsi sim khai, magan jũrr ich garmuata ich khapeenau nem mag abaawaijã am ipierr nʉnʉʉu aju aai simgui ajim anʉm.

Mamʉ chi ʉ̃gthar oberju khĩirju nʉm khʉʉnaujã mʉkhʉʉn chaain denjo ʉkhabam chan pod oberbamgui ajim anʉm.

Pari mag ed ãaur khʉʉn ar mʉig eegar aawai amachta chikham khãaijã ʉ̃rʉʉcha nʉm aajerr khʉʉnta ʉ̃gthar Ẽwandam aar paaukhaimaawaijã jũrr serbiibacha aajerrjoo nʉisijugui ajim anʉm. Maimua jũrr ar mʉ gaaimua chikhamnau serbiibag pheejerr khʉʉnta jũrr warm khʉʉn khãaijã ʉ̃rʉʉcha nʉisijugui a jaaumajim aajem.

Pari warrgarwe ich Ẽwandamau maach ompaawaijã emkhooi ʉʉi dʉita ompaajimgui ajim anʉm. Magtarr aawaita emkhooi ich ʉʉi dʉi pabaademʉn ich dennaan kha ogdʉajemgui ajim anʉm, ya ich ʉʉi dʉita ãba nʉrraag. Ya magbarm aigmuan warran agdaujo amach appai naajerrta õor ãbpaimjo ich mag nʉisiejem. Ya mag nʉisim chan ya tag amach ãhãbdo nʉrrjee aba, õor ãbpaimjo nʉisiejem.