Luke 8
8
1ဟိုသို့သည့်န်ဒေရီအို့ယေးနန့် ကိုယ်တော်ယေရှု သာဝကဘာရောဝိုးလွို့ယ်ဖောင့်ကတ် တောမ့်န် ဖာရာအောကောလောသ် ဇိုက်ဘာဇေ ဘောဂဝင့်နောရ် ချားချော်နော်ရ် ဟော်သအောကောလ် ဟောဂိုကျဲ။ 2သိုဘာဇေ ဖတ်ဆာရာဘတ်ရာ(မ်)မော်သူးန် ဂင်မ်အို့ယေးသတ် မာနုချ်အပ်ဒတ် ဟောရက်ပ်ဒတ်ဖောသာ့ ဂို့လေးသေအဲသူ(န်) ဂင်မ်အို့ယေးဒတ် မာယာဖွာဟိုးသုနို့ ကိုယ်တော်ရ်ဖောင့်ကတ် ဇာရ်။ အဲမာယာဖွာ အဲယူးနော်ရ်ဘိသောရတ် ဟောရက်ပ်ဒတ်ဖောသာ့ အာ့သိုနေလဲသတ် မာဂဒလဖာကျာ မာရိ၊ 3ဟေရုဒ်ရာဇာရ် ဟာ(မ်)ဂေါ်ရတ်သတ် ခုဇရ်ဘေရီ ဟောဟန္နအပ်ဒတ် ရှုရှန္နသက်ရယိုး အဆတ်။ အိသေးရာ နီဇော်ရ်တန်ညာဖူချားလွို့ယ် ကိုယ်တော်ရတ်သတ် သဘီအောကောလောရတ် ဟားဘယေ။ 4တောမ့်န် ဖာရာအောကောလောသူးန် မာနုချ်ဘီရှိဂို့ရိ ကိုယ်တော်ရ်ဟာင်ဆတ် အယတ်နန့် ဒေါ်လာအွို့ယ်ရိုးယေးဒတ်အန်းသေ ကိုယ်တော်ယေ မာနုချ်အဲယုနော်ရတ် ဘော်ဆော်(န်)ကီစ အတ်ခါးန်လွို့ယ် အော်ဒလ်ဂို့ကျဲဒတ် 5"ချာချအတ်ဇောနန့် ဘီလော်မားသပ် သာဏာချိရိဘတ်လိုက် ဇာယေး။ ချာချယေး ချိထေ့သေအန်းသေ သာဏာဟိုသူးန် ရာဆာမားသပ်ဖိုကျဲရရ် မာနုချောရ်အူမ်းရဟိုက် ဖိုက်ခ်အောကောလ် ဖန်ရာဇ်ဟားဗျတ်လိုက်။ 6သာဏာအရ်ဟိုသူးန် မေရီဆီဟော်မ်သပ် ချိလော်ဇာငှာမားသပ်ဖိုရီယတ်နန့် ဂါစ်ဖုရိအိုက်လေးယိုး အစိုဓါတ်နိုက်သေးအပ်သလိုက် ဖီစား အိရာအွို့ယ် ဖောဝိုက်ဇာ့ဂို့ယ်။ 7သာဏာအရ်ဟိုသူးန်ဒတ် ကန်ရာဇော်မ်လော်သော်လေ ဖိုရီယတ်နန့် ဂါစ် ဖုရိလေယိုး ကန်ရာဇော်မ်လေ ဇာ့ဘိုက်ရိုးယေ။ 8သာဏာအရ်ဟိုသု(န်) ဘောလ်အဆတ်သတ် ဇာငှာမားသတ် ဖိုကျဲရရ် ဂါစ်ဖုရိ ဂူလာဘီချိဂိုရိ သို့ကျေ" ဟွို့ယ် အော်ဒလ်ဂို့ကျဲ။ အဲနိကျ အော်ဒလ်ဂို့ရိဘာဇေ ကိုယ်တော်ယေ "ဟာ(န်)သက်ကိ ဖုနောသေ မာနုချ်အောကောလ်၊ ဂင်ဂို့ရိ ဖုနော" ဟွို့ယ် ဂူဇူကျဲ။ 9သိုဘာဇေ သဘီအောကောလတ် ကိုယ်တော်ယေရှုသူးန် ဘော်ဆော်(န်)ကီစရ် မှနိရတ် ဖော်စောရ်လို့ယေး။ 10အန်းစောလော်သ် ကိုယ်တော်ယေ "ဘောဂဝင့်နပ် သော်ရရတ် အိဘေရ် ချားချော်နော်ရ် ဘိသောရတ်ရ်ဂူ(န်) ဖူးနိဘူဇိဘတ်လိုက် အခွမ်းရတ် သည်အေကျဲ။ သို့ အာရ်မာနုချ်အောကောလတ် ဆိုက်လေးယိုး နော်သေကတ်၊ ဖုနိလေယိုး နိုဘူဇတ်သပ်အပ်သလိုက် အိသေးရာရတ် အေနီကျာ ဘော်ဆော်(န်)ကီစလွို့ယ် ဘငိဟောဖောရတ်ဒတ်အို့ယေ" ဟွိုးယ် အော်ဒလ်ဂို့ကျဲ။ 11ကိုယ်တော်ယေ "ကီစအိယားနောရ် မှနိသတ် သာဏာဒတ် ဘောဂဝင့်နောရ် နှုတ်ကပါတ်တော် အို့ယေ။ 12ဖော်မ်သောသ် ဖိုကျဲသတ် သဏာဒတ် ဘောဂဝင့်နောရ် နှုတ်ကပါတ်တော်ရတ် ဖုနန့်ဒေအန်းသေ ဘီချသ်ဂို့ရိ အူဖာရ်နာဖာဗျတ်လိုက် မာရ်နတ် အယဲ့နန့် အိသေးရာရ် မော်နော်ရ်ဘိသောရတ်သူ(န်) ဘောဂဝင့်နောရ် နှုတ်ကပါတ်တော်ရတ် နီဇာယွို့ယ်ဒဲ ခံဂေါ်ရဖို့ကျဲသပ် မာနုချ်အောကောလ် အို့ယေ။ 13ချိလ်လော်သောလတ် ဖိုကျဲသတ် သာဏာသတ် ဘောဂဝင့်နောရ် နှုတ်ကပါတ်တော်ရတ် ဖုနန့်သေအန်းစောလော်သ် ကုချီဂို့ရိ မာနီလဲယိုး အိသေးရာရ် မော်နော်မားသပ် နာသကိ အတ်စသ် ဘီချသ်ဂို့ရိ ဒူကောသ်ဖောရတ်သပ်အန်းသေ အိသေးရာရ် ဘီချသ်အဲယူ(န်) အောထောမားသေ အာင့်ဇိဇာ့ဂွို့ယ်ဒေ မာနုချ်အောကောလ် အို့ယေ။ 14ဇောမ်လော်မားသတ် ဖိုကျဲသတ် သာဏာသတ် ဘောဂဝင့်နောရ် နှုတ်ကပါတ်တော်ရတ် ဖူးနိသိုက်လေးယို စိမ်သာဗတ်သာ့အောကောလ်၊ ချောဏဖူချားအောကောလွို့ယ် ကာမဂုဏ်ခံစားခြင်းအောကောလ် ဇာ့ဘိုက်ယတ်နန် ဂုရိအဲကျဲသေအပ်သလိုက် ဂူလာနော်သောရတ်ဒတ် မာနုချ်အောကောလ် အို့ယေ။ 15ဘောလ်အဆတ်သတ် ဇာငှာမားသတ် ဖိုကျဲသတ် သာဏာဒတ် ဘောဂဝင့်နောရ် နှုတ်ကပါတ်တော်ရတ် ဖုနိဘာဇေ အိသဲရာရ် ဂင်မ်မော်နော်ရ်ဘိသောရတ် သော်ရောဂို့ရိ လာကိသည့် မာနန်သပ်အပ်သလိုက် ဂူလာအောကောလ် သောရတ်ဒေ မာနုချ်အောကောလ် အို့ယေ။" 16"အိုနော်ရတ် သောရစ် ဘိုက်ရ်လွို့ယ် ဂုရိအဲကျဲသေမာနုချ် နို့လေး ကုတင်သော်လေ ဂေါလိုက်အတ်ရတ်သေ မာနုချ်ဟောဒတ် နိုက်။ ဂို့လိအာယတ်ဒတ် မာနုချ်အောကောလတ် ဖောရ်ဖိုက်ဗျလိုက် အိုနော်ရတ် တုနီမားသတ်ဘဲ ထာကီအေရီဗျို့။ 17နော်ဒေကတ်ဖားန် လူခိုက်အေရီသာရေသပ် ဇီနိချ်ဟောဒတ် နိုက်။ ဟွိုယ်နဖားရတ်ဖားန် အေရီသာရေသပ် လျှို့ဝှက်ချက်ဟောသပ်ယိုး နိုက်။ 18အပ်သလိုက် ဂင်ဂိုးရိ ဖုနော။ ကေစုအတ်ခါးန် အဆတ်သပ် အိသေးရာရတ် ဘီရှိဂို့ရိ သည်ဘို။ သို့ ကေစုနိုက်သေ အိသေးရာသူးန် အဆတ်ဘို့လိ ထရတ်သေ အဲယူ(န်)အို့သို့ လော်ဖတ်လိုက်ဗျို့" ဟွို့ယ် အော်ဒလ်ဂို့ကျဲ။ 19ကိုယ်တော်ရ် မာအပ်ဒတ် ဘိုက်အောကော်လို့ ကိုယ်တော်လွိုယ် အော်သော်ရ်အိုးဗျတ်လိုက် အချဲရရ် မာနုချ်ဘီချိသပ်အပ်သလိုက် ကိုယ်တော်ရ်အတ်ရေ ဇိုက်နာဖာရတ်ရ်။ 20အပ်သလိုက် မာနုချ်အို့ဂို ကိုယ်တော်ရတ် "ကိုယ်တော်ရ် မာသပ် ဘိုက်အောကော်လ် ကိုယ်တော်လွိုယ် အော်သော်ရ်အို့ဗျတ်လိုက် ဘရတ် စိုည်ရိုယေး" ဟွို့ယ် လျှောက်ဂိုကျဲ။ 21အန်းစောလော်သ် ကိုယ်တော်ယေ "ဘောဂဝင့်နောရ် နှုတ်ကပါတ်တော်ရတ် ဖူးနိ မာနန်သတ်အိသေးရာ အာင့်ရ် မာသပ် ဘိုက်အောကော်လ် အို့ယေ" ဟွို့ယ် အော်ဒလ်ဂို့ကျဲ။ 22အေသည်န် ကိုယ်တော်ယေ သဘီအောကောလောရ်ဖောင့်ကတ် နူကာအပ်ခနောသ်အူရိ "အေဟားလောရတ် ဖာရ" ဟွို့ယ် အော်ဒလ်ဂို့ကျဲရရ် အိသေးရာ ဘယတ်နန် ဇာရ်။ 23ဖာရဒတ်အန်းသေ ကိုယ်တော်ယေ ဂုန်းဖို့ကျေ။ ဘောက်ဂို့ရိ သူဝါးန်ဘက်သချ် ဘရရ် နူကာဒူဖိဇိုက်ဗျိုးသောသ်အို့ယေးနန့် ဒူကောသ်ဖို့ကျဲ။ 24အန်းစောလော်သ် သဘီအောကောလတ် ကိုယ်တော်ရတ် သူလိသည့်ယေးနန့် "ကိုယ်တော်၊ ကိုယ်တော် အာင်ရ မိုရီဇာယိုဘွို့ယ်" ဟွို့ယ် လျှောက်ဂိုကျဲရရ် ကိုယ်တော်ယေ အူရိ သူဝါးန်ဘာသချ်အပ်ဒတ် လှိမ်းငေါရေ သိယားဗျတ်လိုက် အော်ဒလ်သည့်ယေးရရ် သူဝါးန်ဘာသချ် လှိမ်းအောကောလ် နီဇက်ပ်အို့ယေး။ 25သိုဘာဇေ ကိုယ်တော်ယေ သဘီအောကောလောရတ် "သော်ရရ် ဘီချသ် ဟော်ရတ်" ဘို့လိ ဖော်စောရ်ဂို့ကျဲရရ် အိသေးရာ အော်ဘက်ဖ်ဂိုရိ ဟာဖီယတ်နန့် "အေမာနုချ်အီဘဲ ဟော်န်။ သူဝါးန် ဘသချ်အောကောလ်သို့ အိဘေရ် အော်ဒလ်လောရတ် ဖုနားဖောရတ်နာ" ဟွို့ယ် အတ်ဇော်နော်ရတ် အတ်ဇော်နန် ဟောရ်။ 26သိုဘာဇေ ကိုယ်တော်လွိုယ် သဘီအောကောလတ် ဂါလိလဲ ဟလော်ရတ် ဖာရစ် ဂါရစတောမ့်နောရ်ဒ့ဟောသ် ဆော်ရ်အတ်ခါးနောသ် ဘယတ်နန့် ဇာယေး။ 27အဲဇာငှာမားသပ် ဖိုစိ ကိုယ်တော် ကူလော်မားသပ် အူထေ့သပ်အန်းသေ အဲတောမ့်နောရ် ဟောရက်ပ်ဂို့လဲသေ မာနုချ်အို့ဂို ကိုယ်တော်လွိုယ် အော်သော်ရ်အို့ယေး။ အိသေးသူ(န်) ဟောရက်ပ်ဂို့လဲသေ ဒေရီအို့ယေးနန့် အိသေး ဂေါရောမားသေယိုး နာသကတ်၊ ဟော်ရိုး ဂါနိုသည် စီသာမားသတ်ဘဲ ဂုရိဂုရီ သကတ်။ 28အိသေး ကိုယ်တော်ရတ် ဒေကဲရရ် မွင့်သည့် နော်ရော်မ်ဂိုရိ အာင်ရူးဖတ်လိုက် ဒေါမ့်ရ်ဂို့ရိ ဂူဇူရီ "ဘောဂဝင့်နောရ်ဖွာ ယေရှု၊ အာင့်သူးန် ကီသော်ဝေါ်ဒတ်၊ အာင်ရတ် ဟော်ချ်ထော်နိုသည်ယိုး၊ တောင်းပန်ရေ" ဟွိုယ် ဂူဇူရီယတ်နန့် လျှောက်ဂိုကျဲ။ 29အဲနိကျ ကပ်လိုက် ချောက်ဂိုကျဲဒတ်ဟို့လဲ ကိုယ်တော်ယေ ဟောရက်ပ်အိဘေရတ် အိသဲရ် ဂါသူးန် နေလီဗျတ်လိုက် အော်ဒလ်သည့်ယေးသတ် အပ်သလိုက်ယ်။ အိသေးရေ ဟောရက်ပ်အိဘေ သော်ရော ဒူကိုးသည့်ယေး။ အိသဲရ် အာ့သ် ထန်းငေါ်ရတ် စိယောလွို့ယ် ဘာင်သိ စိုည်ဂိုရိလေးယိုး အိသေး စိယောလောရေ စိရိ မာနုချ်နိုက်သေး ဇာငှာမားသတ် ဟောရက်ပ်အိဘေရ် ဖီစောသည့် ဇာဂွို့ယ်။ 30ကိုယ်တော်ယေ အိသေးရေ "သော်နာ(မ်) ကီ" ဖော်စောရ်လို့ယေးရရ် အိသဲရ်ဂါမားသပ် ဟောရက်ပ်ဒတ်ဖောသာ့ ဘီရှိဂို့ရိ ဂို့လိရိုးယေးဒေအပ်သလိုက် အိသေး "လေဂေါင်bဘိုလီ" ဟွို့ယ် ချောက်ဂိုကျဲ။ 31အဲဟောရက်ပ်အဲယူ(န်) အိသေးရာရတ် ဟောရက်ပ်အောကောလော်ရတ် ဒူချ်ဒေသတ် ဘီရှိမူရ် ဂါသောရ်ဘိသောရတ် နိုဒီရဘတ်လိုက် ကိုယ်တော်ရတ် တောင်းပန်ဂေါ်ရတ်ရ်။ 32အဲတိုင်မော်သ် အုဝါးရောရ်ဇခ်အို့ဂို မူရရ်အူဝါရေ စော်ရတ်ရ် ဟောရက်ပ်အဲယူ(န်) အဲအုဝါးရောရ်အတ်ရေ ဂိုလ်သို့သည့်ဗျတ်လိုက် ကိုယ်တော်ရတ် တောင်းပန်ဂိုကျဲဇသတ် ကိုယ်တော်ယိုး မာသ်ဂိုကျဲ။ 33အပ်သလိုက် ဟောရက်ပ်အဲယူ(န်) မာနုချ်အိဘေရ်ဂါသူးန် နေလီ အုဝါးရောရ်အတ်ရေ ဂို့လိဘာဇေ အဲအုဝါးရောရ်ဇခ်အိဘေ ကူလော်ရ်အူဝါရေသူးန် ဟားလော်မားသတ် ဒူရီဖောလ်မက်ရိ ဒူဖိဇယွို့ယ်။ 34အန်းစောလော်သ် အုဝရ်စောရသေ အိသေးရာ အဲယူ(န်) ဒေကဲရရ် ဒူရီဇိုက် ဟောဘောရ်အိယနော်ရတ် တောမ့်န်အို့သေး ဖာရာအို့သေး ဘေကုနောမားသတ် ဟိုယေး။ 35မာနုချ်အောကောလို့ အဲယူ(န်)ဆိုက်ဘတ်လိုက် တောမ့်နောသူးန် နေလီအချဲ။ အိသေးရာ ကိုယ်တော်ယေရှုရ်အတ်ရေ ဖိုစဲသပ်အန်းသေ ဟောရက်ပ်ဂို့လေးသေ အဲသူ(န်)ဆူးကျဲသေ မာနုချ်အိဘေ ဟောရ်စူရ်ဂါသည်ယေးနန့် ကိုယ်တော်ရ် ထန်းငေါ်ဒ့ဟောမားသေ ဂင်မော်ဒိခါးန် ဘွို့ယ်ရိုးယေးသတ် ဒေခဲရရ် အော်ဘက်ဖ်ဂေါရတ်ရ်။ 36အိုးယေးသေအဲယူ(န်) ဒေကဲသတ်အိသေးရာ ဟောရက်ပ်ဒတ်ဖောသာ့ဂို့လဲသေအဲသူ(န်) အိသေး ဟိုနီကျာ ဆူးကျဲသေအဲယုနော်ရတ် ဟွိုယ်ဒ့ဟယေး။ 37အန်းစောလော်သ် ဂါရစတောမ့်နောရ် ဒဟောသူ(န်) အရှဲသတ် မာနုချ်ဘေကူးန် ဘီချိဒေါ်ရာရ်ဇသတ် ကိုယ်တော်ရတ် အဲဇာငှာသူးန် နေလီဇာဗျိုဂို့လိုက် တောင်းပန်ဂိုကျဲသပ်အပ်သလိုက် ကိုယ်တော်ယိုး သဘီအောကောလွို့ယ် ဖောင့်ကတ် နူကာသ်ဂိုရိ အဲဇာငှာသူးန် နေလီဇာယွို့ယ်။ 38အန်းစောလော်သ် ဟောရက်ပ်ဂို့လဲသေအဲသူ(န်) ဂင်မ်အို့ယေးသတ်အိသေး ကိုယ်တော်ရ်ဖောင့်ကတ် နီဇာဘတ်လိုက် လျှောက်ဂိုကျဲရရ် ကိုယ်တော်ယေ အိသေးရေ ဇိုက်သိုနိုသည်ယေးနန့်၊ 39"ဂေါရောမားသေ ဇိုက် ဘောဂဝင့်နန့် သော်ရ်အူဝါရေ ဂင်ဂိုကျဲသတ်အဲယူ(န်) မာနုချ်ဘေကူးနောရတ် ဟွိုယ်ဒ့ဟက်စ်" ဟွို့ယ် အော်ဒလ်ဂို့ကျဲ။ အပ်သလိုက် အိသေးယို တော(န်)အောကောလောမားသတ် ဇာယေးနန့် အို့ယေးသေအဲယူ(န်) ဟောရ်။ 40အာဘာရ် ကိုယ်တော်ယေရှု ဟားလော်ရ် အာရ်ဖားလ်သည့် ပြန်လို့ဇာဒတ် အန်းစောလော်သ် မာနုချ်အောကောလတ် စိုည်ဂိုရိ ဘတ်ရစ်လို့ယေး။ 41အဲဇာငှာမားသပ် ဂျူးမော်ရာသာအို့ယေးသပ် ယာဣရုဟောဒတ် ဒမာရုံတာဝန်ခံအတ်ဇော(န်) အာဆတ်။ အိသေး ကိုယ်တော်ရ်မွင့်သိ အာယတ်နန့် အာင်ရူးဖတ်လိုက် ဘိုယေးနန့် ကိုယ်တော်ရတ် အိသဲရ်ဂေါရောသ် ဇာဗျာလိုက် ဖိတ်ဂိုကျဲ။ 42ကပ်လိုက်ဟိုးလေး ဘာရောဘောစောဂျ အိသဲရ် အို့ဂို့ဇုရ်ဖွားအိဘေ မိုရီဇိုက်ဗျိုးသောသ်အို့ယေးသေ အပ်သလိုက်။ ဂေါရ်အိယားနော်မားသတ် ဇာဗျိုချောသ် မာနုချ်ဘီရှိဂို့ရိယိုး ကိုယ်တော်ရတ် ဘတ်ရစ်သို့ရိ ထပ်လှထဲလီ အို့ယေး။ 43မာနုချောရ်ဘိသောရတ် ဘရောဘောစောရ်ဝါးန် ရော်သော်အူလေဒတ် ဘတ်ရာ(မ်)အို့ယေးသပ် မာယာဖွာအတ်ဇောနို့ အဆတ်။ အိဘေ အဆတ်သတ် တန်ညာဘေကူးန် ဖူးရစ် ဒါတော်ရ်ဘီရှိဂို့ရိလွို့ယ် ဒဟယတ်ဒဲသို့ ဟိုနိကျ အိဘေရ် ဘတ်ရာမော်ရတ် ဂင်မ်အောဖားန် ဂိုရိနဖားရေ။ 44အိဘေ ကိုယ်တော်ရ် ဖီစောသိ ဇာယေးနန့် ကိုယ်တော်ရ် ဟော်ရော်ရတ် အာ့သေ ဘာဇယေးမောသောရ် အောထောမားသေ အိဘေရ် ရော်သော်အူလေသပ် ဘတ်ရာ(မ်) ဂိုမိဇာယွို့ယ်။ 45အန်းစောလော်သ် ကိုယ်တော်ယေ "အာင့်ရတ် ဟော်နန် ဘာဇယေးဒဲ" ဖော်စောရ်ဂို့ကျဲရရ် မာနုချ်အောကောလို့ အိသေးရာ နောဘာဇာ့သပ်အဲယူ(န်) ငြင်းဂိုရိ ပေတရုယေး "ကိုယ်တော်ရ် ဒဟောမားဒေ မာနုချ်အောကောလ် ထပ်လားထေ့လီ ဂေါရတ်ရ်" ဟွို့ယ် လျှောက်ဂိုကျဲ။ 46သို့ ကိုယ်တော်ယေ "ဟော်နောအတ်ဇော်နန် အာင့်ရတ် ဘာဇယပ်သပ်အပ်သလိုက် အာင့်သူးန် ဂူနီနေလဲဒတ်အဲယူ(န်) အိုင့် ဟိုသဂျိ" ဟွို့ယ် အာရ်ဘာရ် အော်ဒလ်ဂို့ကျဲ။ 47မာယာဖွာအိဘေယိုး လာကိနဖားရိ ဒေါ်ရာယတ်နန့် ကိုယ်တော်ရ်မွင့်သိ အာင်ရူးဖတ်လိုက် ဟော်ရော်ရတ် ဘာဇယတ်နန့် အိဘေရ်ဘတ်ရာ(မ်) အောထောမားသေ ဂိုမိဇာ့ယွို့ယ်ဒဲအဲယူ(န်) မာနုချ်အောကောလောရတ် ဟွိုယ်ဒ့ဟယေး။ 48ကိုယ်တော်ယေ မာယာဖွာအိဘေရတ် "သော်ရ် ဘီချသ်သတ် သော်ရ် ဘတ်ရာ(မ်)မော်ရတ် ဂင်ဂိုကျဲသပ် အို့ယေ။ စိတ်ချလက်ချ ဇာ" ဟွို့ယ် အော်ဒလ်ဂို့ကျဲ။ 49ကိုယ်တော် အဲနိကျ အော်ဒလ်ဂို့ကျဲသပ်အန်းသေ ယာဣရုရ် ဂေါရောသူ(န်) မာနုချ်အို့ဂို့ အယဲ့နန့် ယာဣရုရတ် "သော်ရ် ဇုရ်ဖွား မိုရီဇာယွိုယ်၊ ကိုယ်တော်ရတ် ကေစုနိုဂိုရိစ်" ဘို့လိ အယတ်နန့် ဟိုယေး။ 50အဲဟော်သအဲယူ(န်) ကိုယ်တော် ဖုနေရရ် ယာဣရုရတ် "စိမ်သာနိုဂိုကျိုး။ ဘီချာသ် ဂို့ရိစ်။ သော်ရ် ဇုရ်ဖွား ပြန်လို့ဂင်မ်အို့ဗျိုး" ဟွို့ယ် အော်ဒလ်ဂို့ကျဲ။ 51သိုဘာဇေ ကိုယ်တော်ယေ ယာဣရုရ် ဂေါရောမားသေ ဇာဗျိုချောသ် ပေတရု၊ ယောဟန်၊ ယာကုပ်ဒတ် ဇုရ်ဖွား အိဘေရ် မာဘဖ်ဒူဇော်(န်)ဘာဇေ အာရ်ဟိုနိကျရတ် ဂေါရောရ်ဘိသောရတ် ဂိုလ်သို့ နော့သေ။ 52မာနုချ်ဘေကူးနဲ ဇုရ်ဖွားအိဘေ မိုရီဇာယွို့ယ်ဒဲအပ်သလိုက် ဘီချိဟာင်သေရ်။ သို့ ကိုယ်တော်ယေ "အေဇုရ်ဖွားအီဘဲ နောမောရေ။ ဂုန်းဇိုက်ရိုးယေးသေ" ဟွို့ယ် အော်ဒလ်ဂို့ကျဲရရ် 53မာနုချ်အောကောလတ် ဇုရ်ဖွားအိဘေ မိုကျဲသတ် ဟိုသရတ်သပ်အပ်သလိုက် ကိုယ်တော်ရတ် သပ်ချတ်ရာဇ် အာင့်ချတ်ရ်။ 54ကိုယ်တော်ယေ မိုကျဲသတ် ဇုရ်ဖွားအိဘေရ် အာ့သောရေ ဒို့ရိ "ဇုရ်ဖွား၊ အုထ်" ဟွို့ယ် အော်ဒလ်ဂို့ကျဲမောသောရ် 55ဇုရ်ဖွားအိဘေ ဖော်ရာ(န်)ဂို့လိ အောထောမားသေ အူရိ ဘိုချဲ။ သိုဘာဇေ ကိုယ်တော်ယေ ဖွာအိဘေရတ် ကေစုအတ်ခါးန် ဟားဘဗျတ်လိုက် အိဘေရ် မာဘာဖော်ရတ် ဟိုယေး။ 56မာဘာဖ်ဖို့ ဘီရှိအော်ဘက်ဖ်ဂေါရတ်ရ်။ သို့ ကိုယ်တော်ယေ အေယူးန် ဟိုနိကျရတ် နိုဟိုဗျတ်လိုက် မာနဂို့ကျဲ။
Pilihan Saat Ini:
Luke 8: mtpv-rv
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
This translation of the Marmagyi Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
