Luke 7
7
1ကိုယ်တော်ယေရှု မာနုချ်အောကောလောရတ် ဟောဂိုရိဘာဇေ ကပေရနောင်တောမ့်နောသ် ဇာယေး။ 2အဲတောမ့်နောသ် ရောမတပ်မှူးအို့ဂို့သူးန် အိသေးဗီချိဟက်ရတ်သေ ဂိုရ်အိသေး ဂါဇော်ရ်အွို့ယ် မိုရီဗျိုးသောသ် အိုးယေ။ 3အဲတပ်မှူးaအိဘေ ကိုယ်တော်ရ် ဟောဘောရ် ဖုနေရရ် အိသဲရ် ဂို့ရောရတ် ဂင်ဂိုရိသည့်ဗျလိုက် ဂျူးဇာသီဒေါမ့်ရ် ဟို့ဒုနောရတ် ကိုယ်တော်ရ်ဟာင်ဆတ် ဒီရစ် ဒါခါဒီရယေး။ 4အိသေးရာယိုး အယတ်နန့် ကိုယ်တော်ရတ် "အေတပ်မှူးအီဘဲ ကိုယ်တော်ရ် အကူညီရတ် လော်ဝါဇာသပ် မာနုချ်။ 5အိသေး အာင်ရရ် ဇာသီအောကောလောရတ် အာသော်ရ်ဂေါ်ရပ်ဒပ်အပ်သလိုက် အာင်ရလိုက် ဒမာရုံအတ်ခါးန် ဘာနစ် သာ(န်)ဂိုကျဲသပ် မာနုချို့အို့ယေ" ဟွို့ယ် လျှောက်ဂိုကျဲ။ 6အပ်သလိုက် ကိုယ်တော်ယေ အိသေးရာရ်ဖောင့်ကတ် ဇာယေးနန့် တပ်မှူးအိဘေရ် ဂေါရောရ်ဒ့ဟောမားသေ အချဲသပ်အန်းသေ တပ်မှူးအိဘေ အိသဲရ် ဘုံဒုဟိုးဒုနောရတ် ဒီရယေးနန့် ကိုယ်တော်ရတ် "ကိုယ်တော်၊ အာင့်ရ် ဂေါရောမားသေ ကိုယ်တော်အာဗျတ်လိုက် မထိုက်တန်သပ်အပ်သလိုက် ဒူကိုးဂို့ရိ နော်ဝင်ချို့။ 7အဲယူ(န်)ဘာဇေ ကိုယ်တော်ရ်အတ်ရေ အိုင့် ဇာယေးနန့် သော်လာအို့ဗျတ်လိုက်ယိုး မထိုက်တန်။ ကိုယ်တော် အော်ဒလ်သည့်လေးမောသောရ် အာင့်ရ် ဂိုရ်အိဘေ ဂိုမိဇိုက်ဗျိုးယ်။ 8အိုင့်ယိုး အူဝါသည့်ရ် အရာရှိအောကောလောရ် အာ့သော်မားသတ် ရိုယိသည့်အဲနိကျ အာင့်ရ် အာ့သော်မားသပ်ယိုး တပ်သားအောကောလ် ဘီရှိဂို့ရိအဆတ်။ အိုင့် တပ်သား အို့ဂို့ရတ် 'ဇာဘိုလီ' ဟိုလေး အိသေးသူ(န်) ဇာဖိုရီ၊ 'အိုက်ဘိုလီ' ဟိုလေးယိုး အိသေးသူ(န်) အာ့ဖောရတ်။ အာင့်ရ် ဂို့ရ်အောကောလောရတ်ယိုး 'အေယူးန်ဂေါရ်ဘို့လိ' ဟိုလေး အိသေးရာသူးန် ဂေါ်ရဖောရတ်" ဟွို့ယ် လျှောက်ဂိုသို့ဟို့ယေး။ 9အဲဟော်သအဲယူ(န်) ကိုယ်တော် ဖုနေရရ် အော်ဘက်ဖ်ဂိုရိ ဖီစောသိအချဲသတ် အိသေးရာရတ် ဖိရိဆာယေးနန့် "သော်ရရတ် အိုင့် ဟွို့ယ်။ အစ္စရေးသိုနို့ အေနီကျာ ဘီချသ်ဒေါမ့်သပ် မာနုချ်ချောရတ် အိုင့် နို့သည်ကိ" ဟွို့ယ် အော်ဒလ်ဂို့ကျဲ။ 10တပ်မှူး ဒီရယေးသတ် အိသေးရာယိုး ဂေါရောသ် ဖိုစဲသတ် အန်းစောလော်သ် အဲဂိုရ်အိဘေ ဂင်မ်အွို့ယ်ရိုးယေးသပ် ဒေခဲ။ 11အာရ်သည်န် ကိုယ်တော်ယေ သဘီအောကောလွို့ယ်ဖောင့်ကတ် နာဣနဟောသတ် တောမ့်နောသ် ဇာသပ်အန်းစောလော်သ် မာနုချ်အောကောလို့ ဖီစောသည့်အချဲ။ 12တောမ့်နောသ် ဂေါလတ်သေ ဒူဝါရောရ် ဒဟောမားသေ ဖိုစဲရရ် မော်သာအို့ဂို့ ဆော်လိုက်ဗျတ်လိုက် မာနုချ်ဟိုးသူးန် အာလောင်းလွို့ယ် ဟာင်သောလို့ယေးနန့် တောမ့်နောရ် ဘရတ် နန်လာယေး။ မိုကျဲသပ်အိသေး ရာရီဘေရီရ် အိုဂို့ဖွာအို့ယေးနန့် တောမ့်နောရ် မာနုချ်အောကောလို့ အိဘေရ်ဖောင့်ကတ် ဇိုက် ဘတ်ရစ်ဒတ်ရ်။ 13ကိုယ်တော်ယေ အဲရာရီဘေရီအိဘေရတ် ဒေခဲရရ် အိဘေရတ် ဘီရှိသနားဂိုရိယတ်နန့် "နာဟိုင်ဒို" ဘိုလီ ဟိုယေး။ 14သိုဘာဇေ ကိုယ်တော်ယေ မာနုချ်အောကောလ် အိုက်နဲသတ် အလောင်း ဒဟောမားသေ ဇာယေးနန့် အာလောင်းအိဘေရတ် အာ့သေ ဘာဇယေးမောသောရ် အာလောင်းအိုက်နဲသတ်အိသေးရာ သိယာသည့်ယေးရရ် ကိုယ်တော်ယေ "ဖွာ၊ သော်ရတ် အိုင့် ဟွို့ယ်။ အူထ်" ဟွို့ယ် အော်ဒလ်ဂို့ကျဲ။ 15အန်းစောလော်သ် မိုရီဂီယိုးသေး ဖွာအိဘေ အူရိ ဘိုယေးနန့် ဟော်သဟောရ်။ ကိုယ်တော်ယိုး အိသေးရေ မာရ်ဟာင်ဆတ် ဂေါ်ဆိုက်သည့်ယေး။ 16မာနုချ်အောကောလို့ အော်ဘက်ဖ်ဂိုရိယတ်နန့် "အာင်ရသူးန် မြင့်မြတ်ရေ ဂန်ညာနော်ချားဒူအို့ဂို့ နေလီအချဲ။ ဘောဂဝင့်နပ် အာင်ရရတ် ဆာယေး" ဟွို့ယ် ဘောဂဝင့်နောရ် ဂူနော်ရတ် ချီးမွမ်းဂိုကျဲ။ 17ကိုယ်တော်လွိုယ်ပတ်သက်စော် အဲဟောဘောရ်အေယူနို့ ယုဒဒတ်ချ် သိုနို့ ဒ့ဟောရ် ဇာငှာဘေကူးနောမားသတ် ဘော်ယာ(န်)အို့ဂိယွိုးယ်။ 18သိုဘာဇေ ရေနှစ်မင်္ဂလာဆရာ ယောဟန်ရ် သဘီအောကောလတ် အဲအကြောင်းအရာဘေကူးန် ယောဟန်ရတ် ဟိုယေးရရ် အိသေး သဘီဒူဇော်နော်ရတ် ဒါကီ 19"ကိုယ်တော်ဒတ် အာဗျိုးဟိုးယေးသပ် အိဘေနား နာကီ အာင့်ရ အာရ်ဇော်နော်ရတ် စိုည်ဂေါ်ရဖို့ရိဘို့နား" ဘို့လိ ဖော်စောရ်ဂို့ရိဘတ်လိုက် ကိုယ်တော်ရ်အတ်ရေ ဒီရယေး။ 20အိသေးရာယိုး ကိုယ်တော်ရ်အတ်ရေ ဖိုစဲရရ် ကိုယ်တော်ရတ် "ရေနှစ်မင်္ဂလာဆရာ ဟောဟန်ယေ အာင်ရရတ် ကိုယ်တော်ရ်ဟာင်ဆတ် ဒီရယေးနန့် 'ကိုယ်တော်ဒတ် အာဗျိုးဟိုးယေးသပ် အိဘေနား နာကီ အာင့်ရ အာရ်ဇော်နော်ရတ် စိုည်ဂေါ်ရဖို့ရိဘို့နား ဘို့လိ ဖော်စောရ်ဂို့သို့ ဟိုးယေး" ဟွို့ယ် လျှောက်ဂိုကျဲ။ 21အဲတိုင်မော်သ် ကိုယ်တော်ယေ ဂါဇော်ရ်အိုးယေးသတ် မိုင်ချေးရတ် ဂင်ဂိုရိ ဟောရက်ပ်ဂို့လဲသေ အိသေးရာသူးန် ဟောရက်ပ်ဖော့ရေ နန်လိုက်သည်ဘာဇေ ဟာနာမာနုချ် ဘီရှိဂို့ရိရတ်ယိုး စူဂေါရ်ဖောရ်ဖိုက်ဗျတ်လိုက် ဂေါ်ရတ်ရ်။ 22ကိုယ်တော်ယေ ယောဟန်ရ် သဘီအောကောလောရတ် "သော်ရ ဒေကောသတ်အဲယူ(န်) ယောဟန်ရတ် ဇာယေးနန့် ဟွိုယ်ဒ့ဟက်စ်။ ဟာနာအောကောလ် ယာဒတ်ကတ်ရ်။ အာ့သ်ထန်း ဂင်မ်နောယ်သေး အိသေးရာယိုး အာင့်ရီသရတ်ရ်။ ဖတ်ဆာရာဘတ်ရာမျှာအောကောလို့ ဂင်မ်အို့ယေး။ ဟာနန် နိုဖုနန့်သတ် အိသေးရာယိုး ပြန်လို့ ဖုနန့်ရ်။ မိုရီဇာယိုးဒဲ အိသေးရာယိုး ဖော်ရာ(န်) ဘိုက်စဲ။ ဂိုရီ(ပ်)မာနုချ်အောကောလို့ မော်ဂေါလ် ဟောဘောရောရေ ဖုနေ။ 23အာင့်ရတ် ငြင်းနော်ဂေါ်ရတ်ဒတ် အိသေးရာရတ် ဘောဂဝင့်နပ် မော်ဂေါလ် အချီးဘက်သ် သည့်ဘို" ဟွို့ယ် အော်ဒလ်ဂို့ကျဲ။ 24ယောဟန်ရ် သဘီအောကောလတ် ဇာယွိုးရရ် မာနုချ်အောကောလောရတ် ယောဟန်ရ်အကြောင်း ကိုယ်တော်ယေ ဟောဂိုကျဲဒတ် "မူရမားသတ် ကီယောရတ် ဆိုက်ဘတ်လိုက် ဇော်သတ်။ ဘာသချ် ဇီကျဲမာရေ အိကျေ ဇာသတ် ကျူပင် ဂါစောရတ်နား။ 25ဘရတ်နန်လော်ဒတ် ကီယောရတ် ဆိုက်ဗျတ်လိုက်။ ဂင်မ်ဟောရ် ဂါသ်သည်ယေးသတ် အိသေးရာရတ် ဆိုက်သို့ဟောသပ်နား။ အဲနိကျ မောန်းဂဟော်ရ် ဂါသည်ယေးနန့် ဖူချား ဖူရီယာလွိုယ် သကတ်သေ မာနုချောရတ် ရာဇာရ် ဘာရီမားသပ်ဘဲ ဒေကိဘိ။ 26နို့လေး ဟိုနီကျာ မာနုချ်ချောရတ် ဆိုက်ဗျတ်လိုက် ဘရတ်နန်လော်ဒတ်။ ဂန်ညာနော်ချားဒူရတ် ဆာဗျတ်လိုက်နား။ အော့ယ်။ သော်ရရတ် အာင့်သူးန် ဟိုသို့ဟောသပ်ဒတ် ယောဟန်ယေ ဂန်ညာနော်ချားဒူသူးန်ဘောလတ် ဒေါမ့်ရ်။ 27ကျမ်းစာမားသတ် "အိုင့်ဘောဂဝင့်နပ် ဖွာရ်မောသည့် ဇာဖိုရီဘို့သပ် ရာဆာရတ် သိုယာရ်ဂိုရိဘတ်လိုက် အာဂိုသိ အာင့်ရ် စေတမန်ရတ် ဒီရယွိုးမ်" ဟွို့ယ် လေကိအဲကျဲဒတ်သပ် ယောဟန်ရ်ဟော်သ အို့ယေ။ 28သော်ရရတ် အိုင့် ဟွို့ယ်။ အေဒူနီယာမားသတ် ယောဟန်သူးန်ဘောလတ် ဒေါမ့်ရ် ဟိုနိကျ နောဝိုင်။ သို့ ဘောဂဝင့်နောရ် ချားချော်နော် ဘိသောရတ် ဟာဇော်ရ်နိုက်သေးအိသေးသို ယောဟန်သူးန်ဘောလတ် ဒေါမ့်ရ်" ဟွို့ယ် အော်ဒလ်ဂို့ကျဲ။ 29ကိုယ်တော် အော်ဒလ်ဂေါရတ်သပ်အဲယူ(န်) ဖူးနန့်သေ မာနုချောရ်ဘိသောရတ် ဘောဂဝင့်နောရ် အလိုရတ် မာနီယတ်နန့် ယောဟန်ရ်အတ်ရေ ရေနှစ်မင်္ဂလာ လိုယေးသပ် အခွန်ကောက်ဂေါ်ရတ်သပ် အိသေးရာယိုး အဆတ်။ 30သို့ ဖာရိရှဲအတ်ဒတ် ကျမ်းစီနန့်သပ် မာချ်ထော်ရ်အောကောလတ် ဘောဂဝင့်နောရ် အလိုရတ် နော်မာနီယတ်နန့် ယောဟန်သူးန် ရေနှစ်မင်္ဂလာ လိုဗျေလိုက် ငြင်းဂိုကျဲ။ 31သိုဘာဇေ ကိုယ်တော်ယေ အာရော ဟိုယေး "သော်ရ ကီလွိုယ် ဘော်နော်စ်၊ ဟိုနီကျာ မာနုချ်ဟိုးလေး 32'အာင်ရ သာလ်ဘာဇိုက်သည့်သို့ သော်ရ နော်နာဆော်ရ်။ အာင်ရ ဟာင်သေဒတ် ဂီသ်ဂိုက် ဒ့ဟိုက်လေးယိုး သော်ရ နော်ဟာင်သော်စ်' ဟွို့ယ် ဘာဇာရော်မားသပ်ဘိုယေးနန့် ဂူဇူရီဟော်သဟောဒတ် ဂူရာဖွာကောလွို့ယ် အေဒီလာ။ 33ယောဟန်ယေ ဟားနားယိုနာဟိုက်၊ မာသဂုရသပ် စပျစ်ရည်ရတ်ယိုး နာဟိုက် သကတ်သေအဲယုနော်ရတ် 'ယောဟန်ယေ ဟောရက်ပ်ဂို့လေဒေမာနုချ်" ဘို့လိ သော်ရ ဟောစ်။ 34အဲယူ(န်)ဘာဇေ မာနုချောရ်ဖွာယေ ဟားနားဖားနီဟားယေးနန် သကိလေယိုး သော်ရ 'ယေရှု ဘီရှိ လောဖ မာနုချ်အို့ယေးနန့် အခွန်ကောက်ဂေါ်ရတ်သပ် အိသေးရာလွို့ယ် ဂင်မ်နော့ယ်သေး အိသေးရာလွို့ယ် ဘိုနီယတ်နန့် ဟားရ်' ဘို့လိ ဟောစ်။ 35သို့ ဘောဂဝင့်နောရ် ဖူဇိဟားထိအို့လေ အာင့်လွို့ယ် ယောဟန်လွိုယ် ဂိုရိသည့်အဲယူ(န်) မှန်ရေဒတ် ဘူဇိဘိ" ဟွို့ယ် အော်ဒလ်ဂို့ကျဲ။ 36သိုဘာဇေ ဖာရိရှဲအတ်ဇောနန့် ကိုယ်တော်ယေရှုရတ် အိသဲရ်ဂေါရောသ် အာ့ဇုနာ ဘသ်ဟားဗျတ်လိုက် ဖိတ်ဂိုကျဲ။ အပ်သလိုက် ကိုယ်တော်ယေ အိသဲရ် ဂေါရောသ် ဇာယေးနန့် ဟားဗျတ်လိုက် ခုံမော်မားသတ် ဘိုချဲ။ 37အဲတောမ့်နော်မားသတ် ဒူချ်ဂိုကျဲသပ် မာယာဖွာအို့ဂို့ အဆတ်။ အိဘေ ဖာရိရှဲရ် ဂေါရောမားသေ ကိုယ်တော်ဘိုယေးနန့် ဟားသေအဲယူ(န်) ဖုနေရရ် ဘီရှိမွင့်ဂ ရမွီးဘော်သောလ်အို့ဂို့ လိုယေးနန့် အတ်ရေ အချဲ။ 38သိုဘာဇေ မာယာဖွာအိဘေ ကိုယ်တော်ရ် ဖီစောသည့် အယတ်နန့် သိယိုက်ယ် ဟာင်သည်ယတ်နန့် အိဘေရ် စူဂေါရ်ဖာနိလွို့ယ် ကိုယ်တော်ရ် ထန်းငေါ်ရတ် ဘိဇိုက် မာသရ် စူလွိုယ် ဖူစိ ဖူးဝှစ်သည့်ယေး။ သိုဘာဇေ ကိုယ်တော်ရ် ထန်းငေါ်ရတ် စူ(မ်)သည် ရမွီးလွို့ယ် ဒိုလီသည်ယေး။ 39အန်းစောလော်သ် ကိုယ်တော်ရတ် ဖိတ်ဂိုကျဲသေ ဖာရိရှဲယေး ဒေကဲရရ် "အီသေ ဂန်ညာနော်ချားဒူ ဟားတိအို့လေ အိသေးရေ ဘာဇဒတ် မာယာဖွာအိဘေ ဟိုနီကျာမာယာဖွာ ဟွိုယ်သရဖို့ရိဗျို့။ ဂင်မ်နောယ်သေး မယာဖွာသတ်ယိုး ဟိုသရဖို့ရိဘို့" ဟွို့ယ် မော်နန် မော်နန် ဟောရ်။ 40ကိုယ်တော်ယိုး အိသေးရေ "ရှိမုန်၊ သော်ရတ် အာင့်သူးန် ဟိုဗျရ် အာဆတ်" ဟွို့ယ် အော်ဒလ်ဂို့ကျဲရရ် ရှိမုန်ယေ "ဟော၊ ကိုယ်တော်" ဘို့လိ ဟိုယေးရရ် 41ကိုယ်တော်ယေ "တန်ညာချိဂေါ်ရတ်သတ် မာနုချ်အို့ဂို့သူးန် မာနုချ်ဒူဇော်နန် တန်ညာချိဂိုကျဲ။ အတ်ဇော်နန် ဒေနာရီဒင်္ဂါးb ဖာချောတန်းညား၊ အရ်ဇော်နန် ဒေနာရီဒင်္ဂါး ဖော်သာချ်တန်ညာ ဟော်ဇော်ဂိုကျဲ။ 42အိသေးရာ ဟော်ဇော်ဖိုက်ဗျိုသေ အိသေးရေ သည်နာဖာရတ်ဒတ်အပ်သလိုက် ဖိုက်ဗျိုသတ်အိသေး ဒူနောဇောနောရတ် ဟော်ဇော်အဲယူ(န်) သည်ယာနိုဖိုရီဗျို့ ဟိုးယေးသပ်အန်းသေ ဟော်ဇော်ဖာဗျိုဒတ်အိသေးရေ ဟော်နန် ဘီရှိကျေးဇူတင်ဂိုရိဘို့" ဘို့လိ ဖော်စောရ်လို့ယေး။ 43ရှိမုန်ယေ "ဘီချိလို့ယေးသတ်အိသေး ဘီချိဂို့ရိ ကျေးဇူးတင်ဂိုရိဘို့" ဟွို့ယ် လျှောက်ဂိုကျဲ။ ကိုယ်တော်ယိုး "အောယ်" ဟွို့ယ် အော်ဒလ်ဂို့ရိဘာဇေ 44မာယာဖွာအိဘေရ် အိကျေ အာဘာရ်ဖိရိယတ်နန် ရှိမုန်ရတ် "အေမာယာဖွာအီဘဲရတ် ဒတ်ကောနား။ သော်ရ်ဂေါရောမားသေ အိုင့် အချိသိအန်းသေ သူယ် အိုင့် ထန်းဒုဗျတ်လိုက် ဖာနိ နိုသည်လေးယိုး အိဘေ အာင့်ရ်ထန်းငေါ်ရတ် စူဂေါရ်ဖာနိလွို့ယ် ဒေါဝိုက်သည့် အိဘေရ် စူလ်လွိုယ် ဖောဝိုက်ဖားန် ဖူစိသည့်ယေး။ 45အိုင့် အချိသိ အန်းစောလော်သို့ သူယ် အာင့်ရတ် စူမ်သည်ယေးနန့် ဘတ်ရစ်နောလော်စ်။ သို့ အိဘေ အာင့်ရ် ထန်းငေါ်ရတ် စူမ်သည်ယေး။ 46သူယ် အာင့်ရ် မာသရတ် သံလွင်ဆီလွိုယ် ဒိုလီနိုသည်လေးယိုး အိဘေ သောရ်မောန်းဂ ရမွီးလွို့ယ် အာင့်ရ် ထန်းငေါ်ရတ် ဒိုလီသည်ယေး။ 47အပ်သလိုက် သော်ရတ် အာင့်သူးန် ဟိုသို့ဟောသတ်ဒတ် အေမာယာဖွာအီဘဲရ် ဒူချ်ဘီရှိအဲယူ(န်) မာသ်ဖာယေးဒတ်သပ် အိဘေရ် အာသော်ရ်မာယာ ဒေါမ့်သပ်အပ်သလိုက်။ ဒူချ်အေကီနိဂို့ရိ မာသ်ဖာယေးသတ်အိသေး အေကီနိဂို့ရိ အာသော်ရ်မာယာ ဒါဟိုက်ဘို့" ဟွို့ယ် အော်ဒလ်ဂို့ကျဲ။ 48သိုဘာဇေ ကိုယ်တော်ယေ မာယာဖွာအိဘေရတ် "သော်ရ် ဒူချ်ဘဲကုနောရတ် မာသ်ဂိုဂျိ" ဟွို့ယ် အော်ဒလ်ဂို့ကျဲ။ 49အန်းစောလော်မားသပ် ကိုယ်တော်ရ်ဖောင့်ကတ် ဘွို့ယ်ရိုးယေးသတ် အာရ်မာနုချ်အောကောလတ် "ဒူချောရတ်သို့ မာသ်ဂိုရိသရတ် ဟောဒတ် အေမာနုချ်အီဘဲ ဟော်(န်)အို့ဗျို့" ဟွို့ယ် ဟော်ဝါးဟို့ဝိ ဂေါရတ်ရ်။ 50သို့ ကိုယ်တော်ယေရှု မာယာဖွာ အိဘေရတ် "သော်ရ်ဘီချသတ် သော်ရတ် အူဖာရ်ဂိုကျဲ။ စိတ်ချလက်ချ ဇာ" ဟွို့ယ် အော်ဒလ်ဂို့ကျဲ။
Pilihan Saat Ini:
Luke 7: mtpv-rv
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
This translation of the Marmagyi Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
