OODEZHECHEGAWINEWAH 17
17
1Uhpe dush kahshahbooshkuhmoowaud Amphipolis kuhya Apollonia, ketuhgwishenoog emuh Thessalonicaïng, kahahtanig oodahnuhmeä‐weguhmegoowaun egewh Jewyug:
2Paul dush, debishkoo moonzhug kahezhechegad, oogepeendegahwaun, kuhya nesing aunwabe‐kezheguk oogeguhnoonaun ewh oonje azhebeëgahdag emuh kechetwah‐oozhebeëguning,
3Kewahbundahewad kuhya kewahweendahmahgad, ewh nundahwandahgwuk Christ chekooduggetood, kuhya nayaub cheähbejebaud; mahbuh dush Jesus dabahjemug kuhgekemenenuhgoog, owh Christ ahwe.
4Ahnind dush kedabwayanduhmoog, kuhya oogeweedookahwahwaun enewh Paulun kuhya enewh Silasun; kuhya anuhmeähjig Greekug keche nebewah, punge nunga egewh kachetwahwezejig equawug.
5Egewh dush Jewyug kahdabwayanduhsigoog, kekuhgahwanjegawaud, oogeöodahpenahwaun ahnind kakebahdezenejin eneneweeshun, oogeöoqueenooähwaun dush nebewah bamahdezenejin kemegooshkahjetoowaud dush ewh keche‐oodanah, oogemegahdahnahwah dush oowegewaumene enewh Jasonun, keënanduhmoog chesahgeje‐weenahwaud emuh anduhzhe‐ahyahnid enewh waqueenoonejin.
6Uhpe dush kahmekahwahsigwah, oogeëzheweenahwaun enewh Jasonun kuhya ahnind wejekewaëmaun emuh anahsuhmuhbenid enewh wagemahkundemenejin keche‐oodanah, oo‐oo keëzhepepahgewaud, Egewh kahquakesetoojig ewh uhkee zhuhyegwah kepetuhgwishenoog oomah;
7Me enewh kahpeendegahnahjin Jason: oogoo dush oobahnahjetoonahwah oodenahkoonegawinun owh Cæsar, ekedoowaud cheähyaud pakahnezid keche‐oogemah, Jesus azhenekahzood.
8Oomegooshkahjeähwaun dush enewh waqueenoonejin, kuhya enewh wagemahkundahmenejin ewh keche‐oodanah, uhpe kahnoonduhmenid oonoo uhyeëen.
9Uhpe dush mamashquaud kahpuggedenuhmahgoowaud enewh Jasonun kuhya enewh ahnind ooweyowene cheöonjepuggedenindwah, oogepuggedenahwaun.
10Kazhetena dush wejekewaëmaug oogeëzhenahzhahwahwaun enewh Paulun kuhya enewh Silasun magwah nebah‐tebekudenig ewede Bereaïng: uhpe dush Kahtuhgwishenoowaud emuh kepeendegawug emuh oodahnuhmeä‐weguhmigoowaung egewh Jewyug.
11Nahwuj dush oogoo keminwandahgoozewug dush ween egewh Thessalonicaïng duhzhe enenewug, minwanduhmoowining muh oogeëzheöodahpenahnahwah ewh ekedoowin, kewahbunduhmoowaud kechetwah‐oozhebeëgun anduhsoo‐kezhegudenig, kishpin oo‐oo azhewabudoogwan.
12Mesuh kahoonjedabwayanduhmoowaud nebewah; kuhya punge nunga egewh kachetwahwezejig equawug kah‐Greekewejig, kuhya egewh enenewug.
13Uhpe dush egewh Thessalonicaïng duhzhe‐Jewyug kahkekanduhmoowaud ewh kewahweendung owh Paul ewh oodekedoowin owh Kesha‐Muhnedoo ewede Bereaïng, kepeëzhahwug kuhya emuh, keöombahzoomahwaud dush enewh waqueenoonejin.
14Kazhetena dush egewh wejekewaëmaug oogemahjenahzhahwahwaun enewh Paulun cheëzhahnid emuh kechegummeeng: Silas dush kuhya Timotheus kayahbe emuh keduhnezewug.
15Egewh dush kahuhnemahjeweenahjig enewh Paulun oogeëzheweenahwaun emuh Athensing, kahoodahpenuhmoowaud mejejedwawin waweeb chepeëzhahnid Silasun kuhya Timotheusun, kemahjahwug.
16Magwah dush Paul duhzhe‐peeäud emuh Athensing, kekushkandum emuh oojechaugoong, uhpe wuhyahbundung keche‐oodanah ahpeche puhgedenegahdag emuh muhnetookawining.
17Me dush kahoonjeguhnoonaud enewh Jewyun emuh ahnuhmeä‐weguhmigoong kuhya enewh mayuggezenejin kahmekinduhmenejin Jew‐ezhetwahwin, emuh ahtaundewining anduhsoo‐kezhegudenig enewh kahnuhquashkahwahjin.
18Ahnind dush nebwahkah‐wenenewug Epicureänug, kuhya Stoickug, oogeähgoonwatahwahwaun. Ahnind dush keëkedoowug, Ahneen kaëkedood mahbuh kakebahje‐kezhwad? menuhwah dush ahnind, Enootahgooze debishkoo debahjemaud mayuggezenejin muhnedoon, oonje kedebahjemootahwaud Jesusun, kuhya ewh ahbejebahwin.
19Oogeöodahpenahwaun dush, kuhya oogeëzheweenahwaun emuh Mars wahjewing, oo‐oo keëkedoowaud, Nindahkekandahmin nuh wagoodoogwanedoog maunduh ooshke‐kuhgequawin dabahdooduhmun?
20Kepedebahdoodahnun muh mamukkahdandahgwukkin emuh netuhwuggahnaung; newekekandahmin dush nuhmunj azhewabudoogwan oo‐oo ezhetwahwin.
21(Kuhkenuh muh egewh Athenianug kuhya mayuggezejig ewede kahahyahjig kahween gagoo pakaunuk oogemekinduhsenahwah, me atuh chewahweenduhmoowaud gamuh chenoonduhmoowaud gagoo ooshke‐debahjemoowin.)
22Me dush Paul kenebahwid emuh nesuhwuhyeëe Mars wahjewing oo‐oo keëkedood, Kenuhwah Athensing duhzhe‐enenewedoog kekekanemenim moonzhug netuh-koosagwah muhnedoog.
23Magwah muh kepemoosayaun, kewahbunduhmaun dush enewh anuhmeätuhmagoon, ningewahbundaun pazhik sahsahgewejegun‐ahbik oo‐oo azhebeëgahdag, OWH KAKANDAHGOOZESIG MUHNEDOO. Owh dush anuhmeätuhwag ahnahween goo kekanemahsewag, mesuh dabahjemootuhmoonenuhgoog.
24Kesha‐Muhnedoo kahoozhetood uhkee kuhya kuhkenuh emuh atagin, ween egoo tabandung kezhik kuhya uhkee, kahween dahse emuh ahnuhmeä‐weguhmigoong kahoonjeöozhechegahdagin ooneenjemaung;
25Kahween dush enenewug ooneenjewaung oonjebuhmeetahwahse, debishkoo gagoo muhnazid, ween begoo ahwe owh mahnaud kuhkenuh bamahdezenejin ewh bemahdezewin, kuhya nasawin, kuhya kuhkenuh enewh uhyeëen;
26Pazhigwunoong cheöonjeoomisqueemenid oogeëzheaun kuhkenuh ahnooj azheweenzoonejin enenewun cheduhnuhkeenid emuh anegookookummegaug ewh uhkee, kuhyet keënahkoonegad uhpe kadebishkoosanig chebemahdezenid kuhya menik kaähbetuhmenid;
27Chenundoonawahwaud enewh Tabaninganejin, koonemah nunduhmoozheähwaud oodahmekahwahwaun, ahnooween goo wahsuh ahyahsig kenuhwind anduhsheyung ayahyung:
28Me muh owh wanjebemahdezeyung, wanje‐mahmahjeyung kuhya wanjeëneneweyung, debishkoo ahnind kenuhguhmoo‐wenenemewaug keëkedoowaud, Me muh wah‐owh wandahdezeyung.
29Kesha‐Muhnedoong dush oondahdezeyung, kaöonjeënanduhsewung owh Kesha‐Muhnedoo cheëzhenahgoozid debishkoo oozahwah‐shooneäh gamuh shooneäh gamuh ahsin mazenechegahzood emuh enene oonebwahkahwining.
30Magwah dush kuhnuhga gagoo kekekanduhsigwah egewh enenewug kahween oogepahbahmanduhseen owh Kesha‐Muhnedoo; noongoom dush ween ookuhgaunzoomaun ween kuhkenuh enewh enenewun mezewakummig ayahnejin cheäunwanindezoonid:
31Oogewahweendaun muh ewh kezhik, uhpe katebahkoondung ewh uhkee emuh quuhyukezhewabezewining oonje-enewh enenewun kahwuhwanahbuhmahjin; me ewh kahenahjemootahwaud kuhkenuh enenewun, ewh keähbejebahaud enewh.
32Uhpe dush kahnoonduhmoowaud ewh oodahbejebahwinewah egewh naboojig, ahnind oogebahpeähwaun; ahnind dush oo‐oo keëkedoowug, Menuhwah kegahbezindahgoo oo‐oo ekedoowin.
33Me dush Paul keöonjemahjaud anduhzhe‐ahyahnid.
34Ahnind enenewug dush oogeweejewahwaun enewh kuhya kedabwayanduhmoog: me suh owh pazhik Dionysius owh Areopagite, kuhya pazhik equa Damaris azhenekahzood, kuhya dush ahnind pakahnezejig.
Pilihan Saat Ini:
OODEZHECHEGAWINEWAH 17: OTW
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
