OODEZHECHEGAWINEWAH 1
1
1Ewh netum muhzenuhegun kahoozhetooyaun, O Theophilus, ningeähyahjemah owh Jesus kahmahje‐ezhechegad kuhya kahmahje‐kekenooähmahgad.
2Peenish ewh kezheguk uhpe keëzheöodahpenind ewede ishpeming, kahishquah‐kuhgaunzoomaud emuh Keche‐Oojechaugoong enewh apostleün, kahwahwanahbuhmahjin:
3Me suh enewh kahwahbunduhahjin ewh tebenuhwa weyow bamahduk, kahishquah‐kootuggandung, oonjedah chenesittahwenahwahnid, kewahbuhmegood enewh nemeduhnuh duhsoogoon, keduhzhindung dush enewh uhyeëen dabandahgwukkin emuh oodoogemahwewining owh Kesha‐Muhnedoo:
4Magwah dush weejewaud, oogeënaun cheöonjemahjahsenid emuh Jerusaleming, chebeetoonid dush oowahweendahmahgawin owh Wayoosemind, kahenettuhweyag.
5John muh kagate kebaptizooëwa nebe keähyood; kenuhwah dush ween kegahbaptizoomegoom emuh Keche‐Oojechaugoong, kahween nebewah duhsoogoon kayahbe.
6Uhpe dush kahpemahwunjeëdewaud, oogeguhgwajemahwaun, oo‐oo keënahwaud, Tabaningayun, me nuh noongoom debishkoosag nayaub chemeenud owh Israel ewh oogemahwewin?
7Oo‐oo dush oogeënaun, Kahween kenuhwah kedenandahgoozeseem chekekanduhmag enewh kezhegudoon, kahahtood owh Wayoosemind emuh tebenuhwa oomushkahwezewining.
8Kegahoodahpenahnahwah dush ewh mushkahwezewin, uhpe keöodissenag owh Keche‐Oojechaug: kegahdebahjemim dush emuh Jerusaleming, kuhya kuhkenuh anegookwaug Judæa, kuhya Samaria, kuhya nahnauzh wuhyaquahkummegaug uhkee.
9Uhpe dush oonoo kahekedood, magwah keguhnuhwahbuhmegood enewh, keöombishkahbenah, keöodahpenegood ewh ahnuhquud chewahbuhmegoosig enewh kekenooähmahgunun.
10Magwah dush kezhegoong enuhkuhkayah enahbewaud kahoombishkahnid, benuh, kepenebahwewun emuh ahyahwaud neezh enenewun wahyahbishkekoonuhyanejin;
11Oo‐oo dush keëgoowaud, Galileenaung duhzhe enenewedoog, ahneeshwin nebahweyagkezhegoong enuhkuhkayah enahbeyag? Wah‐owh Jesus, kahoodahpenuhmahgooyag keëzheweenind ewede Keche‐Kezhegoong, tahpeëzhah oo‐oo kapeëzhenahgoozid debishkoo noongoom azhewahbuhmag ezhaud ewede.
12Me dush keëzhekewawaud emuh Jerusaleming, keöonjemahjahwaud emuh wahjewing Olives azhenekahdag, cheguhyeëe emuh Jerusaleming, menik kabemoosangebun aunwabe‐kezheguk keähpeechahmahgud.
13Uhpe dush kahpeendegawaud, ishpemesuhgoong keëzhahwug, emuh andahwaud owh Peter, kuhya James, kuhya John, kuhya Andrew, Philip, kuhya Thomas, Bartholomew, kuhya Matthew, James oogwissun owh Alpheus, kuhya Simon Zelotes, kuhya Judas wejekewaün owh James.
14Oogoo kuhkenuh keäunwahjewug mahmahwe chemekinduhmoowaud ewh ahnuhmeähwin, kuhya nundoodahmahgawin, keweedookahgoowaud enewh equawun, kuhya enewh Maryun oogeen owh Jesus, kuhya enewh wejekewaün.
15Uhpe dush oonoo kezhegudoon, kepuhsegwe owh Peter emuh nesuhwuhyeëe ahyahwaud egewh kekenooähmahgunug, keëkedoo, (ningoodwauk‐ahshe‐neeshtuhnuh keduhchedooganug egewh kahmahwunjeëdejig.)
16Enenewedoog nejekewaëdoog, enandahgwud chedebishkoosamahguk ewh oozhebeëgawin, kezhah kahekedoogoobunan owh Kache‐peenezid‐Oojechaug emuh oodooning owh David, keduhzhemaud enewh Judasun, owh kahkekenoowenaud enewh kahtuhkoonahnejin enewh Jesusun.
17Ween muh ketahquahkoonahpun kenuhwind anduhzhe ahyahyung, kemeenahpun dush maunduh kebuhmeetahgawinenahnin.
18Wah‐owh suh oogekishpenuhtoon pazhik uhkeens kahahtahwad ewh mujjeëzhewabezewine‐tebahahmahgoowin, keähnimikossa kepaushkejeeshkah, kesahgejesanig kuhkenuh oonuhgishemun.
19Oogekekandahnahwah suh kuhkenuh wahdatoojig emuh Jerusaleming; mesuh wanjeëzhenekahdag emuh tebenuhwa oodinwawinewaung, Aceldama, mesuh anekenootahming, masquewuhkummegaug.
20Ezhebeëgahda muh emuh kechetwah‐nuhguhmoowine‐muhzeneëguning, Mahnoo tahpezheshigwuhtane ewh oowegewaum, kuhya kahween ahweyah tahdahse emuh; kuhya oonegaunandahgoozewin bakahnezid oogahoodahpenaun.
21Oogoo dush enenewug kahweejewenungoog kuhkenuh oonoo kezhegudoon menik kahsahsahguhung kuhya kahpuhpeendegad owh Tabaningad Jesus emuh ahyahyung,
22Oonjemahjesag uhpe kebaptizooëwad owh John, nahnauzh ewh kezheguk uhpe keöombishkahwenahmahgooyung, enandahgwud pazhik cheähnoonind cheweedookoonung chedebahdooduhmung ewh oodahbejebahwin.
23Oogeähsahwaun dush neezh, Joseph owh Barsabas azhenekahzood, owh Justus kahtuhgoo‐weenzood, kuhya dush owh Matthias.
24Medush keähnuhmeähwaud oo‐oo keëkedoowaud, Keen, Tabaningayun, kakanduhmun enewh oodaëwaun kuhkenuh bamahdezejig, wahbunduhewan ahwanan egewh neezh kahwahwanahbuhmud,
25Cheöodahpenung maunduh buhmeetahgawin kuhya apostle‐ahnookewin, owh Judas kahoonjepuhkataud, cheëzhaud emuh anandahgoozid cheëzhahpun.
26Oogemeegewanahwah dush enewh oomuzzeneëgaunsemewaun; oomuzzeneëgaunsun dush owh Matthias kepungesinene; ketuhquahkooze dush ween emuh ahyahwaud egewh metauswe‐ahshe‐pazhik.
Pilihan Saat Ini:
OODEZHECHEGAWINEWAH 1: OTW
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
