Matiyu 19
19
1Im pol sugkū Iesū yemenūwi aveni nam mori iyi yemōwi Kalĭli mempe ra nūrū Yūdia nugkonnūmpe Yordan; mōv numpūn lō sikat dūmūri; 2miyi yemumkororĭgives yūi.
3Mōvun Faresi dūmūvelum pugi mūmōkū, wontapmi iyi, mūmūtagkeli mūmōkū, Nagkū sī neteme osatevugi retepon eni, ugi sī kū sī iyi onareki selnivi nam, kū? 4Miyi yemtamsi memenūwi punora memokū, Kĭmi kūmasepi nam ma iyi mori yemumpi irora ra nōbūm yemumpi irora ĭtnateman mĭtnasiven, kū? 5memenūwi memokū, Popōwo ugi imo sĭ neteme awi ĭtemen ĭm dĭneme mamplesi iran retepon eni, mirora dūrū wanti fan sĭteven? 6Mirora tawi dūrū mōmū, kō fan sĭteven; mimo mori Nōbū yemavremugi etūtevavwi ugi sī neteme.
7Irora dūōmūnūwi pugi mūmōkū, Im Mōses yempasewugi worevugi netĭyi ugi memsatevugi irantie? 8Iyi yōrnenūwi punora memokū, Popōwo nōwami nugkugko Mōses yemokū kĭmi kwosatevokonda reteponeme enugkĭmi; kō tawi sugkū marugi nempugon ra nōbūm. 9Im ya umanūwi pugkūm memagkū, Iyi sĭ osatevugi retepon eni, kū entawi popōwo ugi tampalaū, mō mampī sĭ mōmū, iyi umentampalaū; miyi sĭ ōmenetovrugi iyi mori yemsatevugi, ontampalaū. 10Ovun nūrie eni dūōmūnūwi pugi mūmōkū, Nagkū sĭ neteme ĭm retepon eni sugkū imo, tawi aremĭ woretovrugi. 11Miyi yōmenūwi punora memokū, Tawi sĭ faneteme mentarugi sugkū; irora wokon umampunora sugkū. 12Nugkoneme ōveteme ōvun yūnok, dūmumprokomol sugkū ugi dĭnemendeme; ĭm nugkoneme, ōveteme dūmumpi ōvun yūnok; ĭm nugkoneme dūmūsepen numpi irora ōvun yūnok, popōwo ugi lō ūnpokūp. Iyi sĭ faneteme mampī imo nam, aremĭ iyi umumpī.
13Dūmūtōrora ōvalalaū pugi ma iyi antipe nokoven eni iranda menufwaki, kō ōvun nūrie eni dūmūnūamwūs punora. 14Im Iesū yemenūwi memokū, Aremĭ ōvalalaū wampelum po yaū mūtūnūali punora, popōwo irora sugkū ra lō ūnpokūp. 15Miyi yemetipe nokoven iranda mempe.
16Im sī yivelum pugi memtagkeli memokū, Tavsogi aremĭ, ya onumpi tie aremĭ mampi nomūrep ūbrūni? 17Miyi yemenūwi pugi memokū, Kĭk ēmanūwi magkū yaū aremĭ irantie? Sĭteven wokon aremĭ, Nōbū; kō nagkū kĭk emnakĭugi worĭntorĭmpe ra nomūrep, esiokonda ōvun selnivi nam. 18Miyi yōĭmtagkeli memokū, Itokowo? Im Iesū yōmenūwi memokū, Kĭk otūontalugi. Kĭk otūontampalaū. Kĭk otūonumprok; otūontesūwĭ namlī, 19sendiuki ves Itemenekĭk ĭm dĭneme kĭk; ĭm konelentugi numpūnaram sugkū kĭkepekĭk. 20Neviarep mori yōmenūwi pugi memokū, Imo sū omwisū yaū malekoleki marugi nĭmpugon yaū virok; sĭ entie sĭ mōmū kū? 21Im Iesū yōmenūwi pugi memokū, Nagkū kĭk emnakĭugi woretĭn tanepō wokon, eve, ĭm pasi nōete sū enugkĭk mō mentavūrakwokonda ōvun narumkor ĭm kōmampĭ nōete ves ūnpokūp, mō mampelum mūri yaū.
22Im neviarep mori yĭmorigi nam mōĭmpe, ĭm morigi sat, ĭt isen sikat entiame. 23Im Iesū yemenūwi punora ōvun nūriē eni memokū, ĭtnesog yakum manūwi pugkūm memagkū, oti nugkugko iran neteme nōete worĭntorĭmpe ra lō ūnpokūp; 24ĭm ya ko manūwi pugkūm memagkū, oti ĭtepelum ra kamel worĭntorĭmpe nelni nitel mōmū ra neteme nōete worĭntorĭmpe ra lō eni Nōbū.
25Mōvun nūriēenidūmūrĭgi mō mūovkerĭtwi, mō mūnūwi mūmōkū, Im mē faneteme worevī nēōwara iran? 26Kō Iesū yemtopotnemora, mōmenūwi memokū, ōveteme tawi horog worumpi imō, kō iyi Nōbū horog worumpi en tiamesū.
27Piter yemtamsi memenūwi pugi memokū, Kam lōwisep omwisū ĭm lūrok, ĭm kakelampĭ tie? 28Im Iesū yōmenūwi punora mememokū, ĭtnesog, yaumanūwi pugkūm memagkū, Kĭmi mori kūmūri yaū, ra nempugon netevūraves, pol sugkū Netni eni neteme antesep ra potnumpūtūo nilasiĭaswi eni, kĭmi sugkū kwantesep ra ōvun potnumpūtūo twelv monūrian iranda ōvun savūta twelv ra Isrēel. 29Mirorasū mori dūmūwisep ōvun nimo, kū ravensĭeme, kū revevendeme, kū ĭtemendeme, kū dĭnemendeme, kū retepondeme, kū ōvun netnendeme, kū ōvun denūok, popōwo ugi nin enyaū, mampĭ wun hunder mōmū, ĭm nomūrep ūubrūni; 30kō sikat mori dūbūm wonĭsah, mirora dūĭsah wampūm.
Pilihan Saat Ini:
Matiyu 19: ERGNT79
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Erromangan New Testament © British and Foreign Bible Society, 1909,1979.
