Matiyu 18
18
1Ra ima nempugon ōvun nūrie eni Iesū dūmūvelum pugi mūmūtagkeli mūmōkū, Mē ra nūsian ra lō ūnpokūp? 2Im Iesū yemovrugi sĭ nalaū memetipe iyi ĭlebōteven irora memenūwi memokū, 3Itnesog, ya umanūwi pugkūm memagkū, Nagkū kĭmi kūtūampĭ nōwami ĭtevaū manti sugkū ōvun alalaū kūtūunĭntorĭmpe; 4miyi sī asepen numpi iyi noramel sugkū imo nalaū, iyi ra nūsian ra lō ūnpokūp. 5Miyi sĭ umumpī sĭ nalaū sugkū imo ra nin enyaū umumpī yaū; 6miyi sĭ alokoi pugi sī ra imosū virok mori umentavnirĭgi yaū, mōmū aremĭ nagkū aleki wan ugi nevat tamas mamkon iyi ra netnĭn tok.
7Owī iranda ra nemap popōwo ugi ōvun nevat netakeli; ĭtnesog ōveteme wantipe irora, kō ōwi iran neteme antipe sĭ. 8Nagkū nokopmū, kū nōam, onumpi kĭk woratōrĭki tantevi ĭm tafugi marug kĭk; aremĭ nĭsekom worĭntorĭmpe ra nomūrep nokovumti, kū nōarnti, ĭm tawi ugi nokopmū endūrū, ĭm nōam endfirū woretafugi ra nom neswate. 9Im nagkū nĭmtum onumpi kĭk woratorĭki evsi ĭm tafugi marug kĭk; aremĭ nĭsekom worĭntorĭmpe ra nomūrep ugi nemtempes, ĭm tawi ugi nĭmtum dūrū woretafugi ra nom neswate. 10Ufĭnte kĭmi kūtūagesi sat sĭ ra imosū virok; ĭt ya umanūwi pugkūm memagkū ōvun agelō enirora ūnpokūp umagesi ĭndōwi nĭpmi eni Itemen yaū ūnpokūp. 11It iyi Netni eni neteme yivelum worumkorēōwara ōvun neviugki.
12Kūmagkū tie? nagkū ōvun pugipugi wun hunder eni sĭ neteme, ĭm sĭ ra irora umampiugki iyi awi irora nīntiĭmnīn mampe ra numpūo woresorugi imo eviugki kū? 13Im nagkū iyi agesi, ĭtnesog, ya umanūwi pugkūm magkū, iyi umnavos ugi imō sĭteven mōmū iranda nĭntiĭmnĭn mori ūtūviugki. 14Itemen enugkĭmi ūnpokūp sugkū otumagkū sĭ ra imosū virok onamiap.
15Im nagkū apmisĭ onumpi sat iram, eve menūwi pugi sat eni, iyi ko sĭ; ĭm nagkū iyi andugkĭk kōmampi apmisĭ; 16ĭm nagkū iyi otū andugkĭk, tōri sĭ kū dūrū dal kĭk, ma ōvun numpūvsok dūrū kū desel wonumpūvsok ugi sū. 17Im nagkū iyi otū andugora, enūwi punora ra nelepon sĭ lō tumpora; ĭm nagkū iyi otū andugora nelepon sĭ lō tumpora, ōwi iyi, aremĭ iyi anti sugkū neteme nĭleboke-vat ĭm netemĭndi.
18Itnesog ya umanūwi pugkūm memagkū, Sī en tie sĭ kĭmi kwīeti ra nemap umīeti sugkū ūnpokūp; ĭm sĭ en tie sī kwosūli ra nemap umesūli ūnpokūp.
19Im ya ōmanūwi pugkūm memagkū, Nagkū dūrū ra kĭmi ra nemap kūontarū siteven ugi sī en tie sĭ kūonesenĭgi, Itemen enyaū ūnpokūp onumpi nĭsekonda. 20Ra nūrū sĭ kū sĭ ōveteme dūrū, kū desel wosemsimokonda ra nin enyaū, yaū yūi ĭlebōteven irora.
21Im Piter yivelum pugi memtagkeli memokū, Novsūromon, avūgsĭ onumpi sat irag nempugon deve, ĭm ya afielentugi? nempugon seven kū? 22Im Iesū yemtamsi memenūwi pugi memokū, Ya otūmanūwi pugkĭk magkū nempugon seven, kō nempugon sū. 23Popōwo imo sugkū, lō ūnpokūp sugkū sĭ Natemonōk ra nūsian miyiyemokū woresorugi ōvun numpūrah enirora ōvun nivūo eni.
24Miyi yemati potni woresorugi, ĭm vemtōri pugi sĭ miyi yetūtampenĭgi ōvun peni sĭkesti mĭlyun, ĭm tawi sĭ en tie sĭ eni woretarapenĭgi; 25ĭm Natemonōk eni yempasewugi memokū ampasi iyi, ĭm retepon mōv netnime eni, ĭm tiamesū eni woretampenĭgi. 26Nivūo mori yumol memesenĭgi memokū, Natemonōk, ovoyaū molsep irag ĭm ya ontampenĭgi omwisū. 27Im Natemonōk eni nivūo mori yemesepen togesoveli iran memsūli memokū iyi otū ontampenĭgi.
28Kō iyi nivūo mori yive ilat memokesi sĭ ra irora ōvun numpūnaran eni mori yetūtampenĭgi iran ōvun peni wun hunder, miyi yemelekavi nōwau memenūwi memokū, Tampenĭgi mori kotūtampenĭgi irag. 29Im numpūnaran eni yumol ūnōan eni memesenĭgi memokū, Ovoyaū molsep irag ĭm ya ontampenĭgi omwisū. 30Miyi yetūrĭgi, kō yive memsumpat iyi ūnisog nimo nugkugko afeli nempugon iyi ontampenĭgi sū.
31Mōv numpūnaran eni dūmōkesi mori yemumpi mūmūrĭgi sat tamas ugi, mūmūvelum mūmūtampĭgi pugi Nate monōk enirora. 32Im Natemonōk eni yōmovrugi memenūwi pugi memokū, Nivūo sat; yaū emsariariwi tamas wokon popōwo kĭmesenĭgi; 33ĭm aremĭ kĭk pitogesoveli iran naviram sugkū yaū mepemtogesoveli iram kū? 34Miyi Natemonōk eni yemarakĭ memtenĭmpe iyi punora ōveteme worelĭleki iran afeli nempugon iyi ontampenĭgi sū iran. 35Miyi Itemen yaū ūnpokūp onumpi sugkū irami nagkū kĭmi kūtūafielentokonda, irorago rapmi-sĭeme ūnōwami sat sū enirora.
Pilihan Saat Ini:
Matiyu 18: ERGNT79
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Erromangan New Testament © British and Foreign Bible Society, 1909,1979.
