Lucas 16
16
Ang Maabtik nga Enkargado
1Si Jesus nagsiling man sa iya mga gintuton-an, “May isa ka manggaranon nga tawo nga may enkargado. Ini nga enkargado ginsumbong sa iya nga nagausik lang sang iya mga pagkabutang. 2Ginpatawag niya ang iya enkargado kag ginpamangkot, ‘Ano ining nabatian ko nahanungod sa imo? Hatagi ako sing husay sang akon pagkabutang nga gintugyan ko sa imo, tungod kay indi ka na makapadayon bilang akon enkargado.’ 3Ang enkargado nagsiling sa iya kaugalingon, ‘Ano bala ang himuon ko, kay pahalinon ako sang akon amo? Wala ako sing kusog sa pag-arado sang duta, kag nahuya ako magpakilimos. 4A, nahibaluan ko na kon ano ang akon himuon, agod nga kon wala na ako sing obra may mga abyan ako nga magabaton sa akon sa ila mga puloy-an.’ 5Gani ginpatawag niya ang tanan nga mga tawo nga nakautang sa iya amo. Sa nahauna nagpamangkot sia, ‘Pila ang utang mo sa akon amo?’ 6Nagsabat ang tawo, ‘100 ka galon nga lana sang olivo.’ Ang enkargado nagsiling sa iya, ‘Yari ang imo listahan. Pungko ka kag isulat nga singkwenta lang.’ 7Sa isa na man nagpamangkot sia, ‘Kag ikaw, pila ang utang mo?’ Nagsabat sia, ‘1,000 ka sako nga trigo.’ Nagsiling sa iya ang enkargado, ‘Yari ang imo listahan. Isulat nga 800 lang.’ 8Ang amo sining di-matarong nga enkargado nagdayaw sa iya bangod sang iya pagkaabtik, kay ang mga tawo sining kalibutan mas maabtik pa sang sa mga tawo nga yara sa kapawa sa pagpatikang sang ila mga bulohaton.”
9Kag#Tob. 4:9-11. si Jesus nagpadayon sa pagsiling, “Gani nagasiling ako sa inyo: gamita ninyo ang dutan-on nga manggad sa pagpakig-abyan, agod nga kon ining manggad maurot na pagabatunon kamo sa puloy-an nga wala sing katapusan. 10Ang bisan sin-o nga masaligan sa diutay nga mga butang masaligan man sa dalagku nga mga butang, kag ang bisan sin-o nga indi masaligan sa diutay nga mga butang indi man masaligan sa dalagku nga mga butang. 11Gani, kon indi kamo masaligan sa pagpatikang sang manggad nga dutan-on, sin-o ang makasalig sa inyo sang matuod nga manggad? 12Kag kon indi kamo masaligan sang mga pagkabutang nga iya sang iban, sin-o bala ang magahatag sa inyo sang pagkabutang nga para sa inyo?
13“Wala#Mat. 6:24. sing suloguon nga makaalagad sa duha ka agalon, kay pakalainon niya ang isa kag higugmaon ang isa, ukon pasulabihon niya ang isa kag tamayon ang isa. Indi kamo makaalagad sa Dios kag sa manggad!”
Ang Iban nga mga Ginpanghambal ni Jesus
(Mat. 11:12-13; 5:31-32; Mar. 10:11-12)
14Ang mga Fariseo nga nakabati sini tanan, nagyaguta tungod kay Jesus kay maki-kwarta sila. 15Si Jesus nagsiling sa ila, “Ginapakamatarong ninyo ang inyo kaugalingon sa panulok sang mga tawo, pero ang Dios nakahibalo sang inyo mga tagipusoon. Kay ang mga butang nga ginapakamahal sang mga tawo kangil-aran sa panulok sang Dios.
16“Ang#Mat. 11:12-13. Kasugoan ni Moises kag ang mga sinulat sang mga propeta tubtob lamang kay Juan nga manugbautiso. Halin sadto nga tion ang Maayong Balita sang Ginharian sang Dios ginawali kag ang tagsatagsa nagatinguha gid sa pagsulod sa Ginharian. 17Pero#Mat. 5:18. mas mahapos pa nga magtaliwan ang langit kag ang duta sang sa mawala ang isa ka kudlit nga bahin sang Kasugoan.
18“Ang#Mat. 5:32; 1 Cor. 7:10-11. bisan sin-o nga tawo nga nagabulag sa iya asawa kag nagapangasawa sang isa pa gid ka babayi nagapanginbabayi, kag ang tawo nga nagapangasawa sang ginbulagan nga babayi nagapanginbabayi.”
Ang Manggaranon kag si Lazaro
19“May isa anay ka manggaranon nga tawo nga nagasuksok sing labing malahalon nga bayu kag nagapatuyang sa iya pagkaon adlaw-adlaw. 20May isa man ka imol nga tawo nga ginhingalanan kay Lazaro nga puno sang mga katol. Ini sia pirme lang ginadala sa pwertahan sang balay sadtong manggaranon nga tawo 21kag nagahandom sia nga makakaon sang nagakadagdag nga mga pagkaon halin sa lamisa sang manggaranon. Bisan pa ang mga ido nagapalapit kag nagadilap sang iya mga katol. 22Ang imol nga tawo napatay kag gindala sang mga anghel sa tupad ni Abraham. Ang manggaranon nga tawo napatay man kag ginlubong. 23Kag nag-antos sia sang tuman didto sa Hades.#16:23 HADES: Ang kalibutan sang mga patay. Sang pagtangla niya nakita niya sa malayo si Abraham kag si Lazaro sa iya tupad. 24Gani nagpanawag sia, ‘Amay nga Abraham! Kaluoyi ako, kag ipadala si Lazaro sa pagtum-oy sang iya tudlo sa tubig kag pabugnawan ang akon dila, tungod kay tama gid ang akon pag-antos sa sini nga kalayo.’ 25Pero si Abraham nagsabat, ‘Dumdoma, anak ko, nga sang nagakabuhi pa ikaw, imo nabaton ang tanan nga maayo nga mga butang, samtang ang kay Lazaro iya ang malain nga mga butang. Pero karon nagakalipay sia diri, samtang ikaw nagakasakit. 26Wala labot sina, sa gintung-an naton may daku nga kadadalman, gani ang luyag magkadto dira halin diri indi makatabok, kag wala man sing may makatabok halin dira pakadto diri.’ 27Ang manggaranon nga tawo nagsiling, ‘Amay, kon amo ina, nagapakitluoy ako sa imo nga ipadala mo si Lazaro sa balay sang akon amay, 28sa diin may lima pa ako ka mga utod nga lalaki. Pakadtua sia didto sa pagpaandam sa ila agod nga sila indi man magkadto sa sining lugar sang pag-antos.’ 29Si Abraham nagsabat, ‘Ato man sa ila ang ginsulat ni Moises kag sang mga propeta sa pagpaandam sa imo mga utod nga lalaki. Papamatia ang imo mga utod sa ginahambal nila.’ 30Ang manggaranon nga tawo nagsabat, ‘Amay nga Abraham, kulang pa ina. Pero kon may isa nga mabanhaw kag magkadto sa ila, ti, magabiya sila sa ila mga sala.’ 31Pero si Abraham nagsiling, ‘Kon indi sila magpamati kay Moises kag sa mga propeta, indi man ina sila magpati bisan pa may isa nga napatay kag nabuhi liwat.’”
Pilihan Saat Ini:
Lucas 16: MBBHIL12
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Maayong Balita nga Biblia © Philippine Bible Society, 2012
