Luka Khukhwaantsula
Khukhwaantsula
Kamakhuuwa kamalayi nga ni kaaronebwa ni Luka kakhwokesa nga Yezu n'ali Umuwonesi wa Isiraeli uwasuubisibwa khaale nalundi nga n'ali Umuwonesi we shiibala shoosi. Luka akhuronela ari, Yezu alaangiwa n'Umwoyo w'Omukasya “Khuboolela bataambi Kamakhuuwa Kamalayi.” (4.18)
Kamakhuuwa kano khufuurisa kalimo khutsiinikhanila babaandu be tsisaambo tsitsikhali ndweela ta. Nalundi mulimo bibiindu bibireera kumwikhoyo ni khuminyisa mu suula tsitsinyoowa tsitsikanikha khu khusaalikha khwa Yezu, ni bumalilisi, nga Yezu n'aniina mwikulu. Ni bibindi bibiwaamba khu khutsowa ni khu khubalaayisibwa khwe Kamakhuuwa Kamalayi lwanyuma lwa Yezu khuniinisibwa mu ngaaki, byoosi byaronebwa n'umuroni mweene niye mutweela mu Buuraambi bwe Baarume.
Mu shitabo shino mulimo bisiintsa bibili bibiilimo bilomo bibinyoolikhana mu shitabo sha Luka mwonyene, nitso tsisuula 1—2, ni 9—19. Mu byeene bino nimwo mumulimo kimyeenya kye bamalayika, khukhwiitsa khwe babaayi be kamasheese esi Yezu asaalikhila, Yezu nga ali mu Lisaayilo Likhulu, ni tsisimo tsino: lw'Omusamariya umulayi, ni lw'omwaana uwakoraana.
Mu shitabo shino shoosi Luka akhwokesa bibiindu bikhulu nga; Khuloomba, Umwoyo Umukhosefu, bibiindu bikhulu byeesi bakhasi baakhola mu buraambi bwa Yezu, ni saambo isi Wele eyakhilamo bibyonako.
Inoondekhana iye bibiilimo
Khukhwaantsula (1.1-4)
Khusaalikha, ni khutsowa khwa Yohana Umubatisa ni khwa Yezu (1.5—2.52)
Buuraambi bwa Yohana Umubatisa (3.1-20)
Khubatisibwa ni khukhakibwa khwa Yezu (3.21—4.13)
Buuraambi bwa Yezu bwa lubuula (4.14—9.50)
Khukhwaama i Galilaaya khuutsya i Yerusalemu (9.51—19.27)
I sabiiti iyakamayo Yezu nga ali ambi ni Yerusalemu (19.28—23.56)
Khulamukha, khubonekha ni khuniina mu ngaaki khw'Omukasya (24.1-53)
Pilihan Saat Ini:
Luka Khukhwaantsula: LCE
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk
Lumasaaba Catholic Bible © The Bible Society of Uganda, 2017.