Ayat-ayat Alkitab Ternama dari Jowǎ̤ni̤ 5

Berbagi

“He hî̌ mè̤mè̤̌ sî, kòyò htě a gana̤de he le̤yo̤ htǒodě a yṳǎna̤ǎ pwa̤htě a nohèlò̤ he htǒotapwa̤ toǒnu, a nî̤bǎ yolahtûpwa̤ tûjûpwa̤ hǒ. Dě a kè̌shǐ bǎnǒpe ta̤cèrò tò̤. A cû̌ tûlû̌bò̌ ta ta̤si dě a cû̌nṳ ta̤htûpwa̤ akû hǒ.

Ye̤shǔ kè̌shǐ a hǎmoǒlò̤ bǎnu dě a sî̌ya ta ashayî̤hǒ akhû̌akhî, a gwè nû̌û, “Na sò̌yṳ nobǎ na ta̤sha ya?”

Sî kè̌lǎsî̌ya lǒkho lî̤cahtǐ toǒ ma̤tè̤hî̌dě sî gènè̤ ta sî kè̌shǐ yolahtûpwa̤ tûjûpwa̤ bǎ lî̤ htǒonu toǒ akû pě. Lî̤cahtǐ htǒotoǒ numî̌ a khòlṳ bǎ hewi̤hekè̌ ta asò̌ hǒ. Pò̤̌ta ma̤pûhǐ sî nî̤bǎ kû̌kò ta̤htûpwa̤ tûjûpwa̤ ayanu, sî sò̌yṳ hè lǒkho dě he ǒtò̤.

Běcǎ hî̌ yǎ, “Ihtǒ tûlûnṳ na khlǒla̤mi̤ dě cû̌mò̌.” Ata̤sha bǎkè taplǎpa a tûlûnṳ ala̤mi̤ dě a cû̌. Ta̤ma̤ana̤ htǒonu ato ta Yṳ̌daphû̌ a mṳni̤dǔ akhû̌akhî

Hǐnudě, Ye̤shǔ hî̌shǔ asî, “He hî̌ mè̤mè̤̌ sî, phû̌khûhtǒo jǔ꤮ a ma̤ tû̌ pwǐ a sò̌yṳma̤ numî̌ anî̤ tò̤. A ma̤pwǎ pwǐ a kè̌shǐ apha Cǒmara ma̤nu toǒ pwǎ. Pha ma̤ta̤ hî̌tè bǎbǎ, a phû̌khû ma̤kû̌ hǐnu.