Ayat-ayat Alkitab Ternama dari YOWANNE 15

Berbagi

“Nze muzabbibu, mmwe matabi. Abeera mu nze, nange ne mbeera mu ye, abala ebibala bingi. Nze we ssiri, temuliiko kye muyinza kukola.

Mubeere mu nze nange mbeere mu mmwe. Ng'ettabi bwe litayinza kubala bibala ku bwalyo nga teriri ku muzabbibu, bwe kityo nammwe, temuyinza kubala bibala, bwe mutabeera mu nze.

“Bwe mubeera mu nze, n'ebigambo byange ne bibeera mu mmwe, musabenga kyonna kye mwagala, kinaabakolerwanga.

“Si mmwe mwannonda nze, wabula nze nabalonda mmwe, ne mbateekawo, mugende mubalenga ebibala, era ebibala byammwe biremenga kuggwaawo. Era buli kye munaasabanga Kitange mu linnya lyange, anaakibawanga.

Tewali alina kwagala okusinga okw'oyo awaayo obulamu bwe olw'abo b'ayagala.

Buli ttabi eriri mu Nze eritabala bibala aliggyawo, ate buli ttabi eribala ebibala, alisalira liryoke lyeyongere okubala ebibala.

Ekiragiro kyange kye kino, mwagalanenga, nga nze bwe nabaagala mmwe.

Bwe mubala ebibala ebingi, ne mufuukira ddala bayigirizwa bange, Kitange aweebwa ekitiibwa.

“Nze muzabbibu gwennyini, ate Kitange ye mulimi.

Atabeera mu nze, asuulibwa ebweru ng'ettabi, era akala. Amatabi ng'ago, bagakuŋŋaanya ne bagasuula mu muliro, ne gookebwa.

“Ebyo mbibagambye, essanyu lye nnina liryoke libeere ne mu mmwe, era essanyu lyammwe liryoke lituukirire.

Bwe mukwata ebiragiro byange, munaabeeranga mu kwagala kwange, nga nze bwe nkwata ebiragiro bya Kitange, ne mbeera mu kwagala kwe.

Kye mbalagira kye kino, mwagalanenga.

Singa mubadde ba nsi, ensi yandibaagadde mmwe ng'abaayo. Naye kubanga nze nabalonda, temukyali ba nsi. Ensi kyeva ebakyawa.