Ayat-ayat Alkitab Ternama dari Mariko 6

Bagikan

Ne Yezu wabaloma ari, “Ni mwiitse khutsye mu shifo shishiikhalimo babaandu ta, muwolekho.” Yezu aloma aryo khulwekhuba abawo babaandu bakali nga beetsa ni batsya, shalekha khunyalisila baleekelwa khuwolakho namwe khuulyakho biilyo ta.

Ne Yezu wabalomela ari, “Buli osi esi umuŋoosi atsya bamwisamo shiriifwa, khurusakho esi asaalikha si bamwisamo shiriifwa ta. Akhaba mu balebe beewe ni be mungo beewe nabo si bamwisamo shiriifwa ta.”

Yezu n'arura mu likhoŋolo wabona lituuli lye babaandu likali liitsa wabawambila shiisa. Khulwekhuba baaba nga kamasheese kakakhalikho umwaayi ta. Warakikha khubaleekela bibiindu bikali.

Shino shakila Yezu walekha khukholelayo bye kamakaanga byoosi ta, khurusakho ndi ara kamakhono khu batsiina bafwiiti bari, wabawonesa. Shamwiyangisa naabi khubona ari babaandu si bali ni khufukiilila ta. Yezu watsya nga aleekela mu byaalo bibibotokhelele.

Yezu wabukula kimikaati kiraano ikyo ni tsinyeeni tsibili tsya tsana. Wenyusa tsimoni mu ngaaki wabiloombela ikhabi. Wamenyulakamo kimikaati wakiwa baleekelwa beewe khukikabila babaandu. Musaambo niyo indweela, wamenyulakamo tsinyeeni tsibili tsya tsana, shanyalisila buli mutweela khufunakho. Boosi baalya bekura. Baleekelwa ba Yezu babusanisa bubuya bwe kimikaati ni tsinyeeni bibyarama, betsusa bibiipo liikhumi na bibili.