Ayat-ayat Alkitab Ternama dari Mariko 5

Bagikan

Yezu walomela umukhasi tsana ari, “Mukhaana wase, lwe khufukiilila khwoowo wawonisibwile. N'utsye ni lukoosi, ni bubukhutsiina bwawonele.”

Mu lituuli umwo mwabamo umukhasi abe uwalwala khukhwibeena khwe kamafuki khumala kimiiko liikhumi na kibili. Abe umukhasi yuno watsya mu bakaangi bakali ari bamuyeete, ne abe bamuloosela busa butsiina. Abe wasasula tsinusu tseewe tseesi aba ni natso nga akana ari awone, ne abe butsiina bwiloosela busa.

Khaangukho khukhwibeena khwe kamafuki khwakama, n'umweene wewulila mu mubili ari wawonisibwile butsiina bweesi aba ni nabwo.

Wahaamba kumukhono kw'omwaana kila amuloma ari, “Talitha, koum,” shishimanyisa mu lulomo lu Aramaika shili, “Namukhaana, yinyukha!”

Yezu n'aba nga ashiloma aryo, abawo babaandu babaama mungo mwa mw'omuraangirisi tsana bamuboolela bari, “Umwaana woowo wafwiile. Shiina kila utaambisa Umuleekeli lundi?” Ne Yezu walekha khukhwinaana khu byeesi baloma ta, ne walomela umuraangilisi uyo ari, “Ukheyembelela ta. Iwe ba busa ni khufukiilila.”

Umusaani yuno aloma aryo khulwekhuba abe Yezu walakiile shisaambwa shiibi khumururakho. Yezu wamureeba ari, “Iwe bakhulaanga bari naanu?” Umusaani welamo ari, “Ise banaanga bari liiye likali; khulwekhuba khuli bakali.”