Ստացեք հավելվածըԻնչպե՞ս ունենալ Քրիստոսին մեր մեջՕրինակ
Աստված քո կողմից է
«Այս բաներն ասացի ձեզ, որպեսզի ինձնով խաղաղություն ունենաք։ Աշխարհում նեղություն պիտի ունենաք, բայց քաջալերվե՛ք, որովհետև Ես հաղթել եմ աշխարհին» (Հովհաննես 16.33):
Սիրելի՛ բարեկամ, այն պահից սկսած երբ հասկանում ու ամբողջ սրտով հավատում ես, որ Աստված քո կողմից է, այլևս ոչինչ ի զորու չի լինում կանգնեցնելու քեզ։
Երբ առաջ ես ընթանում դեպի քո կյանքի համար Տեր Աստծո ունեցած երազանքների իրականացումը, անշուշտ, հանդիպելու ես խոչընդոտների, թեժ պայքարների և անգամ հալածանքների․․․ Սակայն ոչ մի բան ո՛չ երկրի վրա և ո՛չ Երկնքում ի զորու չի լինելու խանգարել քեզ հավատքի կյանքի և հոգևոր հաղթանակների մեջ քո առաջընթացին։ Հռոմեացիս 8.31 խոսքում կարդում ենք.
«…եթե Աստված մեր կողմն է, ո՞վ է մեզ հակառակ»։
Աստծո օգնությամբ դու կարո՛ղ ես հաղթահարել ցանկացած դժվարություն և խոչընդոտ, անկախ այն բանից, թե որքան վիթխարի ու անհաղթահարելի է այն թվում։ Մի՛ ակնկալիր, որ քո ճանապարհին ամեն բան հեշտ է լինելու, այլ հիշի՛ր Նրան, Ով ասաց. «Քաջալերվե՛ք, որովհետև Ես հաղթել եմ աշխարհին»։ Քո բոլոր դժվարությունների ու նեղությունների մեջ հայացքդ ուղղի՛ր Տեր Հիսուսին։
Տեր Հիսուսի հետ ամե՛ն բան է հնարավոր։ Նրա հետ դու, անկասկած, կհաջողվե՛ս։ Նրա՛ հետ դու քո կյանքի այս փորձությունդ էլ կանցնե՛ս։ Նրա՛ հետ դու հաղթող ես և ավելին, քան միայն հաղթող․․․
Աստծո համար թանկ ու սիրելի՛ զավակ, հրավիրում եմ քեզ աղոթել ինձ հետ միասին այս աղոթքով. «Տե՛ր Հիսուս, Դու հաղթել ես աշխարհին։ Եվ ոչինչ չի՛ կարող ինձ կանգնեցնել ու հետ պահել քո կամքի մեջ առաջ ընթանալուց։ Ես իմ կյանքը նվիրել եմ Քե՛զ հետևելուն։ Այսօր ես ընտրում եմ քաջության ճանապարհը։ Քեզ հետ ես հաղթող եմ, և իմ ողջ էությամբ ես վստահում եմ Քեզ։ Աղոթում եմ Քո սուրբ ու պատվական անունով։ Ամե՛ն»։
Հիշի՛ր, որ դու Աստծո հրաշքն ես, և Աստված սիրում է քեզ։
Շնորհակալ եմ, որ դու կա՛ս։
Հ.Գ. Ընթերցանության այս ծրագրի տեքստը վերցված է «Քո հրաշքն՝ ամեն օր» ուղերձներից, որոնց շնորհիվ ամեն օր Արման Մանուկյանը կիսվում է Աստծո Խոսքի շուրջ խրախուսական մտորումներով՝ ի քաջալերանք յուրաքանչյուրի, ով սիրում և անկեղծորեն հետևում է Տեր Հիսուսին։
Եվ թող ամեն օրվա Ձեր հրաշքն ու քաջալերանքն անպայմա՛ն հասնեն Ձեզ ու լուսավորեն Ձեր կյանքը։
Սուրբ Գրություն
Այս Ծրագրի Մասին
Ձնծաղիկը պայքարի ու հաղթանակի խորհրդանիշ է՝ ձմեռվա ցրտի ու դժվարությունների ավարտի ազդարարարը։ Ձնծաղիկի փոքրիկ ծիլերը սկսում են վեր բարձրանալ ձյան միջից՝ ճանապարհ հարթելով գարնան սկիզբն ազդարարող գեղեցկագույն ծաղիկների համար։ Մենք մեր կյանքում նույնպես կարող ենք անցնել տարբեր եղանակներով։ Դրանցից որոշները ձմռան նման ցրտաշունչ են։ Իսկ երբեմն էլ մենք ասես սառած ու մնացած լինենք երկու վիճակների՝ երկու տարբեր եղանակների մեջտեղում։
More
Մենք ցանկանում ենք շնորհակալություն հայտնել hisus.am-ին այս պլանը տրամադրելու համար: Լրացուցիչ տեղեկությունների համար այցելեք՝ http://hisus.am/
