Génesis 11
11
Babelcho törrita rurayashqan
1Say wisanqa lapan runakuna juk idiömalatami parlayaq. 2Inti jeqamunan kaqpita aywakurmi Sinar#11.2 Sinarqa Babiloniami karqan. nishqancho jatunkaray pampata tariyarqan. Saychömi paykuna lapan täyarqan.
3Paykunami wilanakur niyarqan: <<Aska ladrilluta rurar jornucho kuwashun>>.
Saymi wilanakuyashqannöla ladrilluta rurayarqan rumipa trukan saywan perqayänanpaq. Say ladrillukunatami breawan perqayarqan. 4Saypitanami yapay wilanakur niyarqan: <<Say ladrillukunawan jatun markata rurashun. Saynöpis jana pasayaq aypaqta törrita sharkasishun. Saynöpami pïmaypis respitamäshun. Maysaypa mashtakänansipa trukan kaylachöna lapansi täkushun>>.
5Saymi Tayta Dios jana pasapita urämurqan markata y törrita runakuna sharkaykäsiyashqanta rikaq. 6Sayta rikaykurmi Tayta Dios yarpachakur nirqan: <<Paykuna say idiömalata parlarmi shumaq wilanakur sayno ruraykäyan. Say markata y törrita sharkasiyta ushaskirqa mastachir imatapis rurayanqa. 7Sayno kaptinqa juk idiömalata manana parlayänanpaq aywar pantakäsishun. Saynöpami juk idiöma juk idiömatana parlar manana tantiyanakuyanqanasu imata parlaykäyashqantapis>>.
8Sayno nirmi Tayta Dios lapan runakunata intëru pasaman mashtakäsirqan. Saynöpami sharkaykäsiyashqan markata ushayarqannasu. 9Say markachömi Tayta Dios pïmay runakunata pantakäsir idiömanta jukman jukman tikrasirqan. Sayno pantakäsishqanpitami say markapa jutin karqan Babel.#11.9 Babel ninanqa pantakäsin ninanmi. Manana tantiyanakurnami maysaypapis mashtakar runakuna aywakuyarqan.
Sempa surinkunapita miraqkuna
1 Crónicas 1.24-27
10Kaychömi qelqaraykan Sempa surinkunapita y paykunapita miraqkunapitapis.
Diluviu kashqanpita ishkay watatami Sempa surin Arfaxad yurirqan. Say wisan Sem kaykarqan pachak (100) watayuqmi. 11Surin Arfaxad yurishqanpita Sem kawarqan pisqa pachak (500) wata masraqmi. Sempa surinkuna warmipis olqupis kayarqanraqmi.
12Arfaxad kimsa chunka pisqa (35) watayuq kaykaptinmi surin Sala yurirqan. 13Surin Sala yurishqanpita Arfaxad kawarqan chusku pachak kimsa (403) wata masraqmi. Arfaxadpa surinkuna warmipis olqupis kayarqanraqmi.
14Sala kimsa chunka (30) watayuq kaykaptinmi surin Heber yurirqan. 15Surin Heber yurishqanpita Sala kawarqan chusku pachak kimsa (403) wata masraqmi. Salapa surinkuna warmipis olqupis kayarqanraqmi.
16Heber kimsa chunka chusku (34) watayuq kaykaptinmi surin Peleg yurirqan. 17Surin Peleg yurishqanpita Heber kawarqan chusku pachak kimsa chunka (430) wata masraqmi. Heberpa surinkuna warmipis olqupis kayarqanraqmi.
18Peleg kimsa chunka (30) watayuq kaykaptinmi surin Reu yurirqan. 19Surin Reu yurishqanpita Peleg kawarqan ishkay pachak esqun (209) wata masraqmi. Pelegpa surinkuna warmipis olqupis kayarqanraqmi.
20Reu kimsa chunka ishkay (32) watayuq kaykaptinmi surin Serug yurirqan. 21Surin Serug yurishqanpita Reu kawarqan ishkay pachak qanchis (207) wata masraqmi. Reupa surinkuna warmipis olqupis kayarqanraqmi.
22Serug kimsa chunka (30) watayuq kaykaptinmi surin Nacor yurirqan. 23Surin Nacor yurishqanpita Serug kawarqan ishkay pachak (200) wata masraqmi. Serugpa surinkuna warmipis olqupis kayarqanraqmi.
24Nacor ishkay chunka esqun (29) watayuq kaykaptinmi surin Taré#11.24 Wakin traduccionkunachöqa Térah niyanmi. yurirqan. 25Surin Taré yurishqanpita Nacor kawarqan pachak chunka esqun (119) wata masraqmi. Nacorpa surinkuna warmipis olqupis kayarqanraqmi.
26Taré qanchis chunka (70) watayuq kaykar kimsa suriyuqnami karqan. Paykunapa jutinmi karqan Abram, Nacor y Harán.
Tarépita miraqkuna
27Kaychömi qelqaraykan Tarépa surinkunapita y paykunapita miraqkunapitapis.
Tarépa surinkunami kayarqan Abram, Nacor y Harán. Haránpa surinnami karqan Lot. 28Ur markancho taykäyaptilanraqmi papäninpitapis mas puntata Harán wanurqan. Say markachöqa caldeo runakunami täyarqan.
29Abrampa warminmi karqan Sarai. Nacorpa warminnami karqan Haránpa surin Milca. Milcapa nananmi karqan Isca. 30Saraiqa qoluqmi karqan.
31Ur markacho taykashqanpitami Canaánmanna Taré aywakurqan. Ur markaqa caldeo runakuna täyashqan markami karqan. Canaánman aywakurmi pusharqan surin Abramta, wilkan Lotta y lumsuynin Saraitapis. Aywaykäyashqancho Harán markaman chäyashpanmi saylachöna täyarqan. 32Harán markacho taykarmi Taré wanurqan ishkay pachak pisqa (205) watayuq kaykar.
Արդեն Ընտրված.
Génesis 11: qvhB
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© 2003, Wycliffe Bible Translators, Inc. All rights reserved.