Աստվածաշնչի հայտնի հատվածներ Génesis 11-ից

Կիսվել

Sayta rikaykurmi TAYTA DIOS yarpachakur nirqan: <<Paykuna say idiömalata parlarmi shumaq wilanakur sayno ruraykäyan. Say markata y törrita sharkasiyta ushaskirqa mastachir imatapis rurayanqa. Sayno kaptinqa juk idiömalata manana parlayänanpaq aywar pantakäsishun. Saynöpami juk idiöma juk idiömatana parlar manana tantiyanakuyanqanasu imata parlaykäyashqantapis>>.

Saypitanami yapay wilanakur niyarqan: <<Say ladrillukunawan jatun markata rurashun. Saynöpis jana pasayaq aypaqta törrita sharkasishun. Saynöpami pïmaypis respitamäshun. Maysaypa mashtakänansipa trukan kaylachöna lapansi täkushun>>.

Say markachömi TAYTA DIOS pïmay runakunata pantakäsir idiömanta jukman jukman tikrasirqan. Sayno pantakäsishqanpitami say markapa jutin karqan Babel. Manana tantiyanakurnami maysaypapis mashtakar runakuna aywakuyarqan.

Say wisanqa lapan runakuna juk idiömalatami parlayaq.

Saymi TAYTA DIOS jana pasapita urämurqan markata y törrita runakuna sharkaykäsiyashqanta rikaq.

Sayno nirmi TAYTA DIOS lapan runakunata intëru pasaman mashtakäsirqan. Saynöpami sharkaykäsiyashqan markata ushayarqannasu.