زبور ۴۱
۴۱
یوڅلوېښتم زبور
د ناروغۍ په وخت کې دعا
(د سرود ویونکو د مشر دپاره: د داود زبور)
1 بختور دی هغه څوک چې کوي فکر د غریبو په هکله
د سختۍ وخت کې ورکوي څښتن خلاصون ده ته
2 څښتن به وکاندي ساتنه د ده او وبه یې ساتي ژوندی
برکتي به کړي دا خپل وطن کې
دا به پرېنږدي چې دې خپل دښمن ته لاس ته ورشي
3 د ناروغۍ وخت کې څښتن به مرسته وکاندي له ده سره
او د ده صحت به بېرته روغ کاندي
4 ما وویل: «څښتنه، ما باندې رحم وکړه راکړه شفا
ستا مقابل کې مې ګناه کړې ده»
5 بدې خبرې دښمنان مې کړي زما په هکله
وایي چې «کله به مړ کیږي چې یې نوم ورک شي؟»
6 څوک چې کتلو ته راځي زما
هغوی نه دي اخلاصمن خلک
راټولوي زما په هکله هغوی بد خبرونه
بیا بهر وځي او هرچا ته دا خبرې کوي
7 ټول دښمنان مې پس پسی کوي
په خپل منځ کې زما په هکله
دوی جوړوي پلان چې راته ورسوي زیان
8 وایي هغوی چې «دی اخته دی په وژونکي مرض
بیا به پورته نه شي له خپل ځای ځینې»
9 حتی تر دې په نژدې دوست چې ډېر اعتبار مې کاوه
هغه چې زما سره ډوډۍ خوړله
هغه زما په ضد راپورته شولو
10 ای څښتنه، رحم وکړه په ما باندې
او ماته بېرته ښه صحت راکړه
نو زه به واخلمه بدل له دښمنانو
11 زه پوهېږم چې خوشحاله یې له ما نه
ځکه چې نه مومي دښمن بری په ما باندې
12 راسره کړی دې کومک ځکه صادق یمه زه
په خپل حضور کې مې ساتې ته تر ابده پورې
13 ثنا او صفت دې وي د اسراییلو څښتن خدای ته
وکړئ ثنا او صفت یې د ازل نه تر ابده پورې
امین! امین!
Արդեն Ընտրված.
زبور ۴۱: APB
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:
Scripture taken from the Holy Bible in Afghan Pashto,
Copyright © 2023 UBS. Used by permission. All rights reserved.