मरकुस 3
3
ईसु तीत लोहोड़ तनयहोड़ीय चिकन तेडा
(मत्ती 12:9-14; लूका 6:6-11)
1ईसु फेर गिरजा ओड़ाईय सेनेना, हेना रे मियाँहोड़ होड़ दोहो एना, हेंय मियाँ हन तीत लोहोड़ यन दोहो एनु। 2ईसु थरे दोस ञँम लगड हेना रे कुछ होड़कू तक तक रेकू दोहो एना। हेंकू हेंय होड़ सब्द राः दिन रेय चिकानिय किदो एरोआ, मेनाअकू ञेंल एनेज दोहो एनु। 3हेना वरी हेंय तीत लोहोड़ तनाय होड़ थरेय कहनी तेडा, “रिमुःमी, सींड़कू मड़ंग रेम चड़ाँऊ।” 4अवुर ईसु हेंकू थरेय कहनी तेडा, “सब्द राः दिन रे भला काम करोः हेना जयेज गिआ किदो बुरा काम करोः हेना; जीव बंचो हेना किदो नासेः हेना?” लेकिन हेंकू कनर मेनते मेने कू गोंगाडिया। 5फेर ईसु धको केनते मियाँ भँवेरिय ञेंलतेडा, अवुर हेंकू जीवित कुकू केटेज तेडा ते अखीरिय खोंट यनु। अवुर हेंय होड़ थरेय कहनी तेडा, “तीम मी सुहरू।” हेना वरी हेंय सुहरू तेडा, तहाँ हेंय ती चिकन यनु। 6तहाँ फरीसिकू हेना वरी उडूंग केनते तुरेत्ते हेरोदेस रेनकू होड़कू सुदा जुमोः कू सेनेना, अवुर ईसु काःतेबू गोजेया मेनते कू मतर एना।
होड़कू ईसु तयोम तेकू सेनतेडा
7ईसु अनेज रेनकू चेलाकू सुदा समुन्धर हनतेय चलो यनु, अवुर गलील जिला रेनकू अखीर होड़कू हेंय तयोम तेकू सेनतेडा। 8हेंय करा करा घियाः अहचरज कामिय काम यडा मेनाआँ अँजोम केते, अहूदिया रेनकू अवुर एरुसलेम रेनकू, अवुर इदूमिया रेनकू, अवुर जरदन वरी मेना परोम रेनकू, अवुर सूर अवुर सयदा राः धरी कगर तेनकू जवर केनते हेंय थरे कू मेजेना। 9#मरकुस 4:1; लूका 5:1-3हेंय अनेज रेनकू चेलाकू थरेय कहनी तेडा, “होड़कू अलोकू ठेलांञ लगड मियाँटंग दमभराआ डोंगा पे तयारता।” 10कहेकि ईसु मसीह अखीर होड़कुय चिकन तेडा, हेनाते रोगियाकू छुँवोविय मेनते दोकू लोजोर तिल बंचोविय दोहो एनु। 11अवुर जे जे थरे भूत परेतकू लगो कोःकू हो, हेंय कू ञेंल सी हें-नी मड़ंग रेकू लोजोर जोम दोहो एनु, अवुर अहीज कोःते अम भगवान होपोन हवे मेनते कू कहनी वय दोहो एनु। 12लेकिन हेंय अलोपे टिपांञ मेनते हेंकू अखीरिय चेतवन तेडकुआ।
ईसु बारह झन परेरित कुय चुनो तेडा
(मत्ती 10:1-4; लूका 6:12-16)
13हेना वरी हेंय बुरू रेय रकब एना, अवुर जे-जेय मन वडा, हेंकू अनेज थरेय राःतेड कुआ, अवुर हेंकू हेंय थरे कू सेनेना। 14तहाँ हेंय हेंकू मेंडे रे अनेज सुदा कू दोहोन लगड अवुर पपरचारिय कुलकू लगड बारह झनिय चड़ाँ तेडा। 15अवुर हेंकू भूतकू उडूंग लगड हाँकिय ओवडकू। 16अवुर हेंकू ञुमू नआँ घयतेआ, सिमोन, नेय ईसु पतरस मेनतेय ञुमू तेडिया, 17अवुर जबदी होपोन एकूब अवुर एकूब बोहोत एहुन्ना, नेकींञ ञुमू बुअनरगिस मेनतेय ञुमू तेडकिञाँ, हेना राः मतलोब हवे “हदुड़ कोड़ा होपोन”। 18अवुर अन्दिरयास, अवुर फिलिपुस, अवुर बरतुलमय, अवुर मत्ती, अवुर थोमा, अवुर हलफई होपोन एकूब, अवुर तदेय, अवुर कनान देस रेनिय सिमोन, 19अवुर एहूदा इस्करयोती ने-नी ईसुय एर पकड़ो तेडा।
ईसु अवुर बालजबूल
(मत्ती 12:22-32; लूका 11:14-23; 12:10)
20तहाँ ईसु ओड़ाः रेय मेजेना अवुर रोटी घली मेनेय जोम धवी गडते, होड़कू जवर यनु। 21नआँ कू अँजोम केते हेंय ओड़ाः रेनकू ओड़ाः हनते गोगेय लगड कू मेजेना, कहेकि होड़कू मेय राः दिमाग सही कोवाआ मेनते कू कहनी वय दोहो एनु। 22#मत्ती 9:34; 10:25एरुसलेम वरी कू मेजताना हेंकू एहूदी नियम चेचेडकू हो “मेय थरे सयतान#3:22 उनानी ते बालजबूल लगो केना, अवुर भूतकू रेनिय मुखिया राः सहेता ते, भूतकुय उडूंग यडा” मेनते कू कहनिय दोहो एनु। 23तहाँ ईसु हेंकू अनेज बँदे रेय राःतेड कुआ, हेना वरी हेंकू उदाहरड़ तेय कहनी वडकू, “सयतान काःते सयतानिय उडूंग सकोआ? 24अगर कनर राज रे फूट होयाऊ, दो हेना राज करेःते थीर ते दोहोना? 25अवुर कनर ओड़ाः रे फूट होयाऊ, दो हेना ओड़ाः करेःते थीर ते दोहोना? 26अगर सयतान अनानेज राःअय बिरोधू, अवुर फूटिय डलो रेदो, काःतेय बनो बगी कोआ? हेंय राः दो अन्त होनोया जोमा। 27लेकिन कनय होड़ कनय बहगाँड़य ओड़ाः रे बोलो कोःते हेंय राः समान एरोय लुसी सको एना, हेंय मड़ंग तेय तोल टेकोविय रे हेंडे, हेंय ओड़ाः राः समानिय लुसी सकोआ। 28अँजोम पे, इंञ अपे थरे सही मेतेंञ कहनी यडा, होड़कू राः सगोर पाप अवुर भगवान कू निन्दाआ हेना टेबोः माफ होयाआ, 29#लूका 12:10लेकिन पवितर आत्मा राः बिरोध रे निन्दा टेबोईय उडूंगा, हेंय राः कनर तोलोग माफ एरो होया एना, बल्कि हेंय अनन्त पाप राः मुजरीमिय ठहरोआ।” 30कहेकि होड़कू मेय थरे भूत इदाना मेनते कू कहनिय दोहो एनु।
ईसु इंगत अवुर बोहोत एडकू
(मत्ती 12:46-50; लूका 8:19-21)
31तहाँ ईसु इंगत अवुर बोहोत एडकू मेजेना, अवुर बहेर हँडे चड़ाँ केनतेकू एर राःतेडिया। 32जवर तनकू हेंय बँदे तेकू दुड़ूब तना, अवुर हेंकू हेंय थरे कू कहनी तेडा, “अँजोम मी, अम इंगम अवुर बोहोम एडकू बहेर हँडे कू चड़ाँ केना, हेंकू छपा बेड़ा यडमिआँ।” 33ईसु हेंकुय जबाब वडा, “इंञ ईगंञ अवुर बोहोंञ एडकू करकू हवे?” 34अनेज बँदे रेकू दुड़ूब तना हेंकू ञेंलके तेय कहनी तेडा, “अँजोम पे, इंञ ईगंञ अवुर बोहोंञ एडकू नेकू हवे। 35कहेकि जे भगवान राः मरजी तेय से-नेआ, हें-नी बोहोंञ अवुर मिसींञ अवुर ईगंञ हवे।”
Արդեն Ընտրված.
मरकुस 3: ksz
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© 2022, Wycliffe India. All rights reserved.