मरकुस 2
2
ईसु लवका ञेंडता डियायिय चिकन तेडा
(मत्ती 9:1-8; लूका 5:17-26)
1हेना वरी कुछ दिन राः बाद रे ईसु कफरनहूम सहर रे फे-रिय मेजेना, अवुर हेंय ओड़ाः रेय मेनाआँ होड़कू अँजोम तेडा 2फेर एतना होड़कू जवर एना कि दुवार थव रे घलि जघा मेने दोहो गना; अवुर ईसु भगवान राः टेबोईय परचार वकू दोहो एनु। 3हेन तोलोग चार झन होड़कू मियाँहोड़ लवका ञेंडताडिय हेनी होड़, ईसु थरे कू अगतेडिया। 4लेकिन हेंकू भीड़ राः चलते ते, हेंय बँदे रे मेने कू सेन सको गना। तहाँ हेंकू ईसु दोहो एना, हेना सड़ीम कू बुचाः तेडा; हेना वरी हेना कू उजड़ केड राः बाद रे लवका ञेंडताडिया, हेंय परकोम तू सुदा कू अगड़ू तेडिया। 5ईसु हेंकू राः बिसवास ञेंलकेते लवका ञेंडताडिया, हेनी थरेय कहनी तेडा, “ए बेटा, अमाः पाप माफ यना।” 6तहाँ कुछ एहूदी नियम चेचेडकू हेना रेकू दुड़ूब तना, हेंकू अपन अपन मन रे न याःतेकू पसींदे दोहो एनु, 7“नेय होड़ न याःते ची लगाडिय कहनी यडा? नेय भगवानिय निन्दा यडा! भगवान छोड़ अवुर ईया पाप माफ सकोआ?”
8तहाँ ईसु तुरेत्ते अपन मन रेय पपाड़ियानू कि नेकू न याःते अपन अपन मन रेकू पसींद यडा मेनते, अवुर हेंकू थरेय कहनी तेडा, “अपे अपन अपन मन रे न याःते ची लगड पे पसींद यडा? 9लवका ञेंडकेडिया हेनी थरे अमाः पाप माफ यना मेनाआँ किदो, रिमुःमी परकोम तम अलगो केते चलोःमी मेनाआँ, न बनाटंग रे करा सेथिया गिआ? 10लेकिन अपे पपाड़ी लगड इंञ होड़ होपोन धरती रे पाप माफ लगड हँक इदाना।” 11ईसु लवका ञेंडताडिय हेंय थरेय कहनी तेडा, “इंञ अनाम थरेंञ कहनी यडा, रिमुःमी, अमाः परकोम रिमकेते ओड़ाः मी हनतेम चलोऊ।” 12अवुर हेंय रिमेना तहाँ तुरेत्ते परकोम अलगो केते सींड़कू मड़ंग वरिय चलो यनु; नआँ ञेंलकेते सींड़ कुकू अहचरज यनु, अवुर भगवान बडेय वडिय तेकू कहनिय दोहो एनु, “अबू न घियाः काम कबोह बेगर बू ञें-ला।”
ईसु लेविय राःतेडा
(मत्ती 9:9-13; लूका 5:27-32)
13ईसु फेर उडूंग केनते समुन्धर अड़ी रेय सेनेना। अवुर गोटा भीड़ रेनकू हेंय थरे कू मेजेना, अवुर हेंय हेंकुय चेडकू दोहो एनु। 14अवुर चलोः तोलोग हेंय हलफई कोड़ा होपोन लेवी मेनते कू ञुमू तडिया, हेनी रोम सरकार लगड मलगुजारी तिलाअय नाका ओड़ाः रेय दुड़ूब तन तोलोगिय ञेंलवाडिया, अवुर हेंय थरेय कहनी तेडा, “इंञ तयोम तेम मेजुऊ।” तहाँ हेंय रिमकेनते हेंय तयोम तेय सेनतेडा।
15हेना वरी ईसु लेवी ओड़ाः रे जोमुः लगाडिय दुड़ूब एना, हेना रे अखीर मलगुजारी तिलाकू, अवुर पापी होड़कू अखीर बगरा हेंय तयोम तेकू सेनतेडा। हेंकू हो ईसु अवुर चेला कुतय सुदा जोमुः लगड कू दुड़ूब एना। 16एहूदी नियम चेचेडकू अवुर फरीसिकू ईसु मसीह पापी होड़कू अवुर मलगुजारी तिलाकू सुदाय जोमुः तना मेनाआ ञेंलते, चेला कुतय थरे कू होंबोर तेडा, “मेय मलगुजारी तिलाकू अवुर पापी होड़कू सुदा ची लगाडिय जोमुः चरोः तना?” 17ईसु नआँ अँजोम केते हेंकू थरेय कहनी तेडा, “बयेध चिकन होड़कू लगड मेने, लेकिन हसु कोःकू लगड जरूरत पड़ोआ, इंञ धरमिकू मेने, लेकिन पापिकू राः लगाडिंञ मेजकेना।”
उपास राः बारे ते ईसु कू होंबोरा
(मत्ती 9:14-17; लूका 5:33-39)
18एहुन्ना रेनकू चेलाकू अवुर फरीसिकू उपासुः दोहो एनु; तहाँ होड़कू मेजकेनते ईसु थरे कू कहनी तेडा, “एहुन्ना रेनकू चेलाकू अवुर फरीसिकू रेनकू चेलाकू उपासुः तनाकू? लेकिन अमाःकू चेलाकू ची लगड मेने कू उपासुः तना?” 19हेना वरी ईसु हेंकू थरेय जबाब तेडा, “बरातियाकू सुदा दुल्हा दोहोन मेन दिन, हेंकू काःतेकू उपासुआ? दुल्हा हेंकू सुदाय दोहोन मेन दिन एरो कू उपास एना। 20लेकिन हेना दिन मेजुआ, दुल्हा#2:20 ईसु मसीह अनानेज दुल्हा मेनतेय कहनी केना, ईसु मसीह चेलाकू सुदाया, हेनाते खुस गिआकू, लेकिन ईसु मसीह कू ञेंड गोजेया, अवुर चेलाकू दुख रेकू पड़ोआ, हेंडेकू उपासुआ हेंकू वरिय हिगरो गोगेया, हेन देवह हेंकू उपासुआ।” 21“कनय होड़ नवाआँ कपड़ा वरी ओड़ेज केते मरिआ कपड़ा रे मेने कू टेपीया; नहीं तदो नवाआँ ओड़ेजुआ अवुर हेना टेपी मरिआ सुदा हो एरो ढुरो एना 22अवुर नवआँ अंगूर रस#2:22 ना रे मरिआ अंगूर रस राः मतलोब एहूदी होड़कू राः मरिआ रीति बिधी, अवुर नवाः अंगूर रस ईसु मसीह राः नवाः रीति बिधी। मरिआ खाल राः झोला रे कनय मेने दोहोया, नहीं तदो अंगूर रस खाल राः झोला ओड़ेजेआ, अवुर अंगूर रस अवुर झोला बनाटंग बरबादुआ, हेनाते नवाआँ अंगूर रस ननावाआँ झोला रेकू दोहोया।”
सब्द रेनिय परभु
(मत्ती 12:1-8; लूका 6:1-5)
23सब्द राः दिन रे ईसु अवुर चेलाकू गोहोम खेत तेकू चलोः दोहो एनु। अवुर चेला कुतय गोहोम बली कू होड दोहो एनु। 24तहाँ फरीसिकू हेंय थरे कू कहनी तेडा, “ञेंलकुमू, नेकू सब्द राः दिन रे जयेज कोवाआ, हेना काम ची लगड कू करो यडा?” 25हेना वरी ईसु हेंकुय जबाब वडा, “अपे धरमग्रंथ कबोह मेने पे पड़हो गडा किदो? जब दाऊद जरूरत पड़ोएन रे, हेंय अवुर गतितकू रँगेज तडकू रे चीय बनो तेडा? 26सींड़कू वरी बडेअय आजक अबियातार राः समय रे दाऊद भगवान ओड़ाः रे सेनकेनते भेंट कू रकब तडा, हेना रोटिय जोम तेडा, अवुर नआँ आजक छोड़ एटाःकू जोजोम जयेज कोवाआ, अवुर गतितकू होय ओवडकू।” 27हेना वरी हेंय हेंकू थरेय कहनी तेडा, “सब्द राः दिन मनवाँकू लगाडिय बनो केडा, सब्द राः दिन लगड मनवाँकू बेगारिय बनोआ। 28हेनाते इंञ होड़ होपोन सब्द राः दिन रेनिय हो परभु हवे।”
Արդեն Ընտրված.
मरकुस 2: ksz
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© 2022, Wycliffe India. All rights reserved.