Génesis 16
16
Bix úuchic u tojolch'inta'al Agar
1Sarai ma' tu páajtal u dzáic ca'ach paalal ti' Abram u yíicham, ba'ale' yaan ca'ach jun túul u x palitzil u kaaba'e' Agar x egipciao'. 2Sarai túune' tu ya'alaj ti' Abram:
Dzo'oc a wilic bix Yuumtzile' ma' u cha'a' yantal teen paalali', let o'olale' quin káat óoltic teech ca a nupabáa ti' Agar in x palitzil, ma' xan ca yanac in paal ti'i'.
Abrame' tu éejemtaj ba'ax a'ala'ab ti' tumen Sarai, 3Leti'e' tu machaj Agare' le x egipciao' ca tu kubaj ti' Abram u ti'al u yatante, yaan ca'ach diez ja'abo'ob cajlac tu lu'umil Canaán. 4Ca tu nupajubáa Abram ti' Agar, ca j p'áat x yo'omil; ba'ale' le ca tu yilaj dzo'oc u x yo'omtale' jo'op' u méemechi'itic u xunáan. 5Sarai túune' tu ya'alaj ti' Abram:
Ta wo'olale' Agare' cu méeme'echi'itiquen, teen j kub teech u ti'al a watante, tu yo'olal bin u ca j yantal u yaale' cu yu'ubicubáa asab nojoch ti' teen. Yuumtzil ca u yila'a' máax sipa'an, teech wa teen.
6Abrame' tu núucaj ti':
A ca'aca'aj, ta kab yaan, a x palitzil; cu páajtal a beetic je'el ba'axac a káat x yéetele'.
Sarai jo'op' túun u loobiltic, tu yo'olal lelo' Agare' yanchaj u púudzul. 7Ba'ale' nactáanta'ab tumen jun túul u ángel#16.7 Ángel, u aj bisaj t'aan, le t'aana' ma' chéen cu dza'abal ti' u cajnáalilo'ob ca'an, ba'ale' cu dza'abal xan ti' wíinico'ob, tuláacal máax cu bisic u t'aan Kue' jun túul ángel. Yuumtzil te x tocoy lu'um tu yicnal le sayab yaan tu jáal u bejil Shur, 8ca tu káatchi'itaj ti':
Agar u x palitzil Sarai, ¿tu'ux a taal, tu'ux túun ca bin? x leti'e' tu núucaj:
Táan in wáalcab ti' Sarai in xunáan. 9U ángel Yuumtzil túune' tu ya'alaj ti':
Suunen tu yotoch a xunáanil, dzo'ocbes tuláacal ba'ax cu bin u ya'al teech.
10Tu ya'alaj xan u ángel Yuumtzil ti'
Bíin in ya'abcunt a ch'i'ilancab
mix máac bíin páatac u xoquic
jay túul.
11X yo'om yanilech, yaan u yantal
jun túul a paal, dzáa u kaaba'int Ismael
tumen Yuumtzile' tu yu'ubaj a wokon óolal;
12bíin ko'ox óolchajac bey jun túul u káaxil tzíimine';
bíin u ba'atelt tuláacal, wíinic, bíin ba'atelta'ac xan tumen tuláacal máac
ba'ale' bíin u wa'acunt ma'alob u yotoch
quex ma' u káat u láako'obi'.
13Tu yo'olal j t'aanaj Agar yéetel Yuumtzile', tu dzaj u kaaba'int le sayabo': Le Ku cu paacato' tumen tu ya'alaj tu báil: Kue' tu yilajen quex beyo' cuxa'anen. 14Let o'olalo' u kaaba' le ch'e'eno': U ch'e'enil le máax cuxa'an cu pactiquen xan. Le ch'e'ena' ti' cu yantal chúumuc bej ti' Cades yéetel Bered.
15Bey úuchic u dzáic Agar jun túul paal ti' Abram, leti' xane' Ismael tu t'anjilac. 16Ochenta yéetel seis u ja'abilo'ob Abram ca j síij Ismael.
Արդեն Ընտրված.
Génesis 16: MAYADC
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
Biblia Maya de Yucatán © Sociedades Bíblicas Unidas, 1992.