Աստվածաշնչի հայտնի հատվածներ Ol Provep 12-ից

Կիսվել

Go page aa medame oro yalo kone adaapu su aalia-dare nipuna kone oyo tua maeyae aa-rupa pitia. Goa palia pare wae aa nipuna adami aa-me epe agaa redepone laketea-dare mo nipuna adami aa-me epe kone lo robaa waru katea.

Aa medaloma nimu ora epe kone madaa raaname omoa pa aa medame maredepo agaame madaa page epealia kone imi. Go yapare aa medame nipuna pea wae yae namaredepo yaena kone aamere nipu ora maeyae aa-rupa pirua pea.

Aa medame kone waru nasua tea agaa-me epe aa medana robaa-para maoyalia. Goa palia pare epe redepone kone i aa-me agaa tea-daare mo aana lo robaapara epe kumaa waru katea.

Kone epe-rupa na-imi aanumiri nimuna pema oyae rayo ora epe ta kone imi. Go yapare epe kone imi onaa agaa mana laketeme rabu ora epeta kone imi.

Epe kone naimi aanumi waea meda pulalo peme raburi nimumi go madaa ratu aipapulu yaweme. Go yapare epe kone i aa meda ero agaa teme raburi go aa nipu epe kone ia-pulu pinawa kone sua gimalia.

Aa medana oreme epeanu paliare mo aani go pea kogono-me epe bi kata. Go yapare mo aa nipuna oreme waea rado rado adaapu pua aani page yala mea kata. Go pua mo ona nipumi peame wae yaina ipua mo aanina uni rodaipa-para odobaawa yaina-rupa mea kata.

Yaa-agaa teme aanu luaburi Adaa aa-me nimu ratu waru yawoa gimea. Goa pea pare epe kone sua epea peme aanu madaare raana omoa epe ta kone ia.

Epe redepone kone i aanumi nimuna adami aanu epe pora mea wateme. Go yapare mo wae aanu nimuna adami aanu epe pora gimoa wae pora para mea peme.

Yaa teme agaa luaburi pa rudupu yapina ia rabu aanumi kone rugulaawa gimeme. Goa pea pare ora ne agaa luaburi oro yalo-yalo pa suaalia.