Աստվածաշնչի հայտնի հատվածներ Ol Provep 13-ից

Կիսվել

Go yapare go aa nipu epe kone i aa raapu pora pamualiare go aa nipu page go aa-na kone mua nipu epe kone raapu pamualia. Go yapare aa meda nipu wae kone i aa raapu pamualiare go aa nipu wae yaeme nipu mealia-pulu wae pupitagi-na rolo-para piralia.

Aa medame nipu agaa abulu waru suruboa epe agaa loa aaliare nipu mada na-oyalia. Go yapare wae agaa loaeme aanu nimu oyoa beboteme.

Aaraame nipuna naaki pupitagi nalia rabu nipu ki paarame nataliare gore nipumi go naaki mana nata-pulu go naaki raname na-omea. Go yapare araame nipuna naaki agaa mana lakeloa maredepo yayaa-re ora nipuna si kone ia.

Aa medame oyaenu meda mealua kone sua adaalupu suruboa namealiare nipu lo robaa kedaame omalia. Goa palia pare nipumi go oyae mu minuare nipuna kone pu robaa-para page epe ta kone sua raaname omea.

Aa-me epea agu paliare nipuna go peame nipu surubea rabu epe-rupa piruaaya. Goa pea pare wae-pupitagi neme aanu nimu go wae yaena yoto mua wae-rupa piralimi.

Aa medame kogono napi pama awa ode mone mualiare go mone ora dia yalia. Go yapare aa medame kogono pua mone pawa oge-ogepu mea kirita samama pua ma-adaa yalia-dare go mone ora adaa yalia.

Pupitagi nape konemere go aa kone wae madaa yada ratu runane mea pea. Go yapare aa yago medame nipu maredepo yaina kone ia aare epe kone sua waru makuaya.

Epe aa meda nipu omea raburi nipuna sinu page nipuna oyae luabu nimu meme. Go yapare wae aanumi oyae adaapu mea kirita imi yaenuri orope epe aanumi mealimi.

Gore naaki medame epe kone saliare nipuna aapana agaa waru pagea. Agaa rasini naaki-mere pa aanumi nipu maredepo-yaina kone na-ia.

Aa meda aa yagome nipu maredepo-yaina kone na-i nipuna bipa nipu kone-kone sua aaliare nipu oyoa aa naara pirua ora wae-rupa piralia. Goa pua nipu yala polo aalia. Goa palia pare aa meda nipu pa onaame maredepo yaina kone sua maredepo yaina teare go aa nipu onaa luabumi epe bi kateme rabu ada bi mealia.