Աստվածաշնչի հայտնի հատվածներ Ol Provep 11-ից

Կիսվել

Aa medame oyaenu pa onaa kalawe kone sua oyae ruma kata pare nipuna bipa ora adaapu saayo kone sua pama pea. Go yapare neme pa aanu medaloma rabameli-dare nimumi ne page rabamealimi.

Aa medaloma nimuna mone oyaenu page aa medaloma raba mulalo kateme. Pare nimuna bipa mo peme kogonona yoto ora adaapu meme. Wala aa medalomame onaa rabameape kone niminawa yapare wala gimeme. Nimuna mone oyae waru adaapu pagaa imi pare wala oropere go oyae luabu rudu ta rabu nimu wala naara aanu-rupa aeme.

Nimuna bi minasaeme aanuri yala waru poteme. Nimuna bi rabuaniaeme aanuri epe kone imi.

Gore mo gavman pimi aa mudunumi onaa luabu epe-rupa maredepoyawa nasurubaliare go onaa rayo oyoa mo kantri page oyalia. Go yapare aanu adaapumi go aanu epe kone epe agaa laketeme rabu epe-rupa maredepo yawa epealia rabu mo onaanuna kantri page epe-rupa aalia.

Epe aana kone-re epe repena kagaa laama pope repena aaya-rupa aalia. Aa meda nipu ora epe kone sua makuae aa pia raburi pa aanu medaloma nipu raapu epa piruaina kone ia.

Aanu medalomame maa agaa adaapu teme-pulu nimuna adami aanuna i kone page pa lapedepeteme. Goa peme pare ora agaa ne aanumi nimuna adami aanu kudiripu i kone nalapedepe teme.

Gore neme aa meda odome omoa nipu rabamealiri go palideare nena bipa ne-para wala pe. Pare neme aa meda waea pali-daare goame nena bipa ne page go maoyaaye yade.

Gore aame nina mone oyaeme ni waru rabamealia kone saliare go aa nipu repena yo kaapu-rupa ora alupalia. Pare nipu epe redepone-rupa aawaliare nipu kagaa repena maa pula saayade-rupa opoa epe-rupa piralia.

Epe mone oyae adapu salipare go oyaeme ne omali rabu mada naraba mealia. Go yapare neme epe kone sua epe pora ratu aali-dare ne go su-amaa page adaalupu pirua epe su page meali.

Ora epe aanuri nimu epe pora ora rateme. Pare yaa agaa ne aanuri nimu yaa agaa adaapu teme rabu nimuna go yaa agaame wae yoto mea katea rabu nimu oyalimi.

Gore ona meda ora epe pepena pualia pare nipu kone wae sua pora pamu agaa tea-daare nipumi pama tona pepena paaya. Gore mena ini-kadu madaa mere mudiaawa pepena paawa punitimi mena nonapi pia.

Adaa Aa nipuna i robo kabula riri peme aanuri oyae waea-rupa rumaawa oyae yolateme. Goa pea pare epea peme onaare raname omoa rumaape epe-rupa popenalo pea.