Աստվածաշնչի հայտնի հատվածներ Mateo 19-ից

Կիսվել

Ri Jesús xutzu' kiwach y xub'i'ij chike: —Ri tikawex na kakikolob'ej ta kib' kitukel ma wa' lik k'ayew chikiwach; no'j ri Dios ronoje ku'ano ma na jinta k'ayew chwach Rire —xcha'.

Jek'uri'la' na e ta chi ka'ib', ma xeb'u'ana xa e jun. E uwari'che, ri xeb'ujunimaj ri Dios, na ya'tal ta che ri tikawex kujach upa —xcha'.

Ri Jesús xuk'ul uwach: —¿Na ajilam ta neb'a alaq sa' ri tz'ib'ital kan pa Ruch'a'tem ri Dios? Ma jewa' kub'i'ij: Che ri jeqeb'al lo ruwachulew echiri' ri Dios xeb'u'an ri tikawex, chi achi chi ixoq xeb'u'ano. Y kub'i'ij: Ruma k'u ri', rachi echiri' kak'uli'ik, karesaj rib' chikij ruchu-uqaw cha' kajeqi' ruk' ri rixoqil y kikab'ichal k'u ri' keb'u'ana xa e jun chwach ri Dios.

No'j ri Jesús xub'i'ij chike: «Chiya'a luwar chike ri raltaq ko ak'alab' chepeta na wuk'. Meb'iq'atej; ma ri kaki'an e jela' pacha' rike, ri' ku'an ke rutaqanik ri Dios petinaq chila' chikaj» xcha'.

»Lik k'u e k'i chike ri lik k'o kiwach wo'ora, chwach apanoq na jinta chi kiwach; yey lik e k'i chike ri na jinta kiwach wo'ora, e lik kak'oji' kiwach chwach apanoq.

Yey china k'u ri uya'om kan rocho, eb'uya'om kan ri ratz-uchaq', ruchu-uqaw, ri rixoqil, ri ralk'o'al o ri rulew ruma ukojom ri nub'i', ri' kuk'ul na jun ciento chik chwa ronoje la' yey kuk'ul k'u ri k'aslemal na jinta utaqexik.

Ri Jesús xub'i'ij che: —We ka'aj la e ka'an la janipa ri karaj ri Dios che ri b'inik silab'ik la, k'ayij la ronoje taq ri b'eyomalil la y jacha k'u la chike ri nib'a'ib'; jek'uri'la' k'o b'eyomalil la chila' chikaj. Tek'uchiri', peta la, terej lo la chwij y kuyu la ri k'ax kape pawi' la ruma lal nutijo'n —xcha che.

Ri Jesús xuk'ul uwach: —¿Su'b'e kab'i'ij la “utz” chwe? Ma xa jun ri lik utz k'olik, wa' e ri Dios. Yey we ka'aj la kok la pa ri k'aslemal na jinta utaqexik ruk' Rire, e taqej la Rutzij Upixab' —xcha'.

Kamb'i'ij tanchi k'u chiwe: E ne más k'ayew ri kok juna b'eyom chupa rutaqanik ri Dios chwa ri kik'ow juna camello chupa rutel juna akuxa' —xcha'.

Kamb'i'ij k'u ri'in che alaq: China junoq kuya ruwujil re jachb'al ib' che ri rixoqil tob' ri rixoqil na makuninaq ta chirij ri k'ulanikil, yey kak'uli' tanchi ruk' juna chik ixoq, ri' kamakun chirij ri k'ulanikil. Y china ri kak'uli' ruk' rixoq jachom kanoq, ri' jenela' kamakun chirij ri k'ulanikil —xcha'.

Ek'uchiri', xub'i'ij ri Jesús chike rutijo'n: —Paqatzij wi kamb'i'ij chiwe: Juna b'eyom lik k'ayew che kok chupa rutaqanik ri Dios petinaq chila' chikaj.